ಹೊಸದಿಲ್ಲಿ: ಹೊರಡಿಸಿರುವ ಫರ್ಮಾನಿನ ಪ್ರಕಾರ, ಅಂತರಾಷ್ಟ್ರೀಯ ಪಂದ್ಯಗಳು ಇಲ್ಲದಿದ್ದರೆ, ದೇಶೀಯ ಕ್ರೀಡೆಯಲ್ಲಿ ಆಟಗಾರರು ಆಡುವುದು ಕಡ್ಡಾಯದ ಹಿನ್ನಲೆಯಲ್ಲಿ, ಹಲವು ಪ್ಲೇಯರ್ಸ್ ಗಳು ರಣಜಿ ಪಂದ್ಯವಾಡಲು ತಯಾರಿ ಮಾಡಿಕೊಳ್ಳುತ್ತಿದ್ದಾರೆ.
ಈಗಾಗಲೇ, ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ, ಮುಂಬೈ ತಂಡದ ಪರವಾಗಿ ಆಡಿದ್ದಾರೆ. ಇನ್ನು, ರಿಷಭ್ ಪಂತ್ ಮತ್ತು ರವೀಂದ್ರ ಜಡೇಜಾ ಕೂಡಾ ಪಂದ್ಯವನ್ನಾಡಿದ್ದಾರೆ. ಸೌರಾಷ್ಟ್ರ ತಂಡದ ಪರವಾಗಿ ಆಡುತ್ತಿರುವ ಜಡೇಜಾ, ದೆಹಲಿ ವಿರುದ್ದದ ಪಂದ್ಯ ಗೆಲ್ಲಲು ಪ್ರಮುಖ ಕಾರಣರಾಗಿದ್ದಾರೆ.ಬಿಸಿಸಿಐ ಸೂಚನೆಯ ಮೇರೆಗೆ, ಟೀಂ ಇಂಡಿಯಾದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ, ದೆಹಲಿ ಪರವಾಗಿ ಆಡಲು, ಅರುಣ್ ಜೇಟ್ಲಿ ಮೈದಾನದಲ್ಲಿ ನೆಟ್ ಪ್ರಾಕ್ಟೀಸ್ ನಡೆಸುತ್ತಿದ್ದಾರೆ. ದೆಹಲಿ ತಂಡದ ಪರವಾಗಿ 12 ವರ್ಷಗಳ ನಂತರ ಕೊಹ್ಲಿ, ರೈಲ್ವೇಸ್ ವಿರುದ್ದ ಪಂದ್ಯವನ್ನು ಆಡಲಿದ್ದಾರೆ.
ಕೋಟ್ಲಾ ಮೈದಾನದಲ್ಲಿ ಇದ್ದಕ್ಕಿದ್ದಂತೆಯೇ ಪತ್ರಕರ್ತರು, ಟಿವಿ ಮಾಧ್ಯಮದವರು, ಅಭಿಮಾನಿಗಳು ಜಮಾಯಿಸಿರುವುದನ್ನು ನೋಡಿದ, ಅಲ್ಲಿ ಡ್ಯೂಟಿಯಲ್ಲಿದ್ದ ಪೆÇಲೀಸ್ ಅಧಿಕಾರಿಯೊಬ್ಬರು ತಮ್ಮ ಹಿರಿಯ ಅಧಿಕಾರಿಗಳಿಗೆ ವಾಕಿಟಾಕಿ ಕರೆ ಮಾಡಿದ್ದು ಈಗ ವೈರಲ್ ಆಗಿದೆ.
