ಬಹುನಿರೀಕ್ಷಿತ ಪ್ಯಾರಿಸ್ ಒಲಿಂಪಿಕ್ಸ್‌ಗೆ ಇಂದು ಚಾಲನೆ ದೊರೆಯಲಿದೆ. ಈ ಕ್ರೀಡಾಕೂಟದ ಉದ್ಘಾಟನಾ ಸಮಾರಂಭವನ್ನು ಜುಲೈ ೨೬ ಕ್ಕೆ ನಿಗದಿಪಡಿಸಲಾಗಿದ್ದರೂ, ಕೆಲವು ಪಂದ್ಯಾವಳಿಗಳು ಇಂದಿನಿಂದ ಶುರುವಾಗಲಿದೆ. ಅದರಂತೆ ಫುಟ್‌ಬಾಲ್ ಪಂದ್ಯದೊಂದಿಗೆ ಪ್ಯಾರಿಸ್ ಒಲಿಂಪಿಕ್ಸ್‌ಗೆ ಚಾಲನೆ ದೊರೆಯಲಿದ್ದು, ಮೊದಲ ಪಂದ್ಯದಲ್ಲಿ ಅರ್ಜೆಂಟೀನಾ ಮತ್ತು ಮೊರಾಕ್ಕೊ ತಂಡಗಳು ಮುಖಾಮುಖಿಯಾಗಲಿದೆ.
ದೀರ್ಘಾವಧಿ ಪಂದ್ಯಾವಳಿ: ಇಲ್ಲಿ ಗಮನಿಸಬೇಕಾದ ಮುಖ್ಯ ಅಂಶವೆಂದರೆ ಉದ್ಘಾಟನೆಗೂ ಮುನ್ನ ನಡೆಯುವ ಪಂದ್ಯಗಳ ಫಲಿತಾಂಶವನ್ನು ಒಂದೇ ದಿನದ ಪಂದ್ಯದಿಂದ ನಿರ್ಧರಿಸಲಾಗುವುದಿಲ್ಲ ಎಂಬುದು. ಅಂದರೆ ಜುಲೈ ೨೪ ರಂದೇ ಇಲ್ಲಿ ಪದಕ ಯಾರ ಪಾಲಾಗಲಿದೆ ಎಂಬುದು ನಿರ್ಧಾರವಾಗುವುದಿಲ್ಲ.
ಬದಲಾಗಿ ಪ್ರತಿ ತಂಡಗಳು ಗ್ರೂಪ್‌ಗಳ ಮೂಲಕ ಮುಖಾಮುಖಿಯಾಗುತ್ತವೆ. ಇದೇ ಕಾರಣದಿಂದಾಗಿ ದೀರ್ಘಾವಧಿಯವರೆಗೆ ನಡೆಯುವ ಪಂದ್ಯಗಳನ್ನು ಒಲಿಂಪಿಕ್ಸ್‌ನ ಆರಂಭಕ್ಕೂ ಮುನ್ನ ಆಯೋಜಿಸಲಾಗುತ್ತದೆ.
