ಕಲಬುರಗಿ: ಇಲ್ಲಿನ ಜೈಲು ಮುಖ್ಯ ಅಧೀಕ್ಷಕರ ಕಾರು ಸ್ಫೋಟಿಸುವ ಬೆದರಿಕೆ ಒಡ್ಡಲಾಗಿದೆ.ಕಲಬುರಗಿ ಠಾಣಾ ಪೊಲೀಸ್ ಇನ್ಸ್‍ಪೆಕ್ಟರ್ ಅವರಿಗೆ ಅನಾಮಧೇಯ ವ್ಯಕ್ತಿಯೋರ್ವ ಆಡಿಯೋ ಮೂಲಕ ಜೈಲು ಮುಖ್ಯ ಅಧೀಕ್ಷಕರ ಕಾರು ಸ್ಫೋಟಿಸುವುದಾಗಿ ಬೆದರಿಕೆ ಒಡ್ಡಿದ್ದಾನೆ.
ತಮಗೆ ಬಂದ ಆಡಿಯೋ ಸಂದೇಶದ ಮಾಹಿತಿಯನ್ನು ಇನ್ಸ್‍ಪೆಕ್ಟರ್ ಅವರು ಕೂಡಲೇ ಜೈಲು ಮುಖ್ಯ…ಅಧೀಕ್ಷಕರಾದ ಅನಿತಾ ಅವರ ಗಮನಕ್ಕೆ ತಂದಿದ್ದಾರೆ. ಸುದ್ದಿ ತಿಳಿದ ಕೂಡಲೇ ಕಾರ್ಯ ಪ್ರವೃತ್ತರಾದ ಮುಖ್ಯ ಅಧೀಕ್ಕಷರ ತಮ್ಮ ಕಾರ್ ಪಾರ್ಕಿಂಗ್‍ನ್ನು ಸಿಸಿ ಕ್ಯಾಮೆರಾ ನಿಗಾದಲ್ಲಿ ಇರಿಸುವಂತೆ ಸೂಚಿಸಿದ್ದಾರೆ.
ಮುಖ್ಯ ಅಧೀಕ್ಷಕರು ಅಧಿಕಾರ ವಹಿಸಿಕೊಂಡ ನಂತರ ಜೈಲಿನಲ್ಲಿ ನಡೆಯುತ್ತಿದ್ದ ಕೈದಿಗಳ ಹೈಪೈ ಜೀವನಕ್ಕೆ ಕತ್ತರಿ ಹಾಕಿದ್ದರು. ಅಲ್ಲಿ ನಡೆಯುತ್ತಿದ್ದ ಅಕ್ರಮ ಚಟುವಟಿಕೆಗಳಿಗೆ ಕಡಿವಾಣ ಹಾಕಿದ ಹಿನ್ನಲೆಯಲ್ಲಿ ಕೈದಿಗಳೇ ಈ ಸಂಚು ನಡೆಸಿರಬಹುದು ಎಂದು ಶಂಕೆ ವ್ಯಕ್ತಪಡಿಸಲಾಗಿದೆ.
