ಗ್ರೇಟರ್ ನೋಯ್ಡಾ: ಇಲ್ಲಿ ಗುರುವಾರ ನಡೆದ ಪ್ರೊ ಕಬಡ್ಡಿ ಲೀಗ್ (ಪಿಕೆಎಲ್)ನ ಎರಡನೇ ಪಂದ್ಯದಲ್ಲಿ ಯು ಮುಂಬಾ ತಂಡವು ತಮಿಳ್ ತಲೈ ವಾಸ್ ತಂಡವನ್ನು ೩೫-೩೨ ಅಂಕಗಳಿAದ ರೋಮಾಂಚಕವಾಗಿ ಸೋಲಿಸಿತು.
ಈ ಗೆಲುವಿನಿಂದ ಮುಂಬಾ ತಂಡವು ಅಂಕ ಪಟ್ಟಿಯಲ್ಲಿ ದ್ವಿತೀಯ ಸ್ಥಾನಕ್ಕೇರಿದೆ.
ದಿನದ ಮೊದಲ ಪಂದ್ಯದಲ್ಲಿ ತೆಲುಗು ಟೈಟಾನ್ಸ್ ವಿರುದ್ಧ ಯುಪಿ ಯೋಧಾಸ್ ೪೦-೩೪ ಅಂತರದ ಜಯ ಗಳಿಸಿತ್ತು. ಮುಂಬಾ ತಂಡ ರೈಡಿಂಗ್ ಮತ್ತು ಟ್ಯಾಕಲ್‌ನಲ್ಲಿ ಅಮೋಘ ನಿರ್ವಹಣೆ ನೀಡಿತು. ತೀವ್ರ ಪೈಪೋಟಿಯಿಂದ ಸಾಗಿದ ಈ ಪಂದ್ಯದಲ್ಲಿ ತಮಿಳ್ ತಲೈವಾಸ್ ಆಟಗಾರರು ಕೂಡ ಗೆಲುವಿಗಾಗಿ ಶಕ್ತಿಮೀರಿ ಪ್ರಯತ್ನಿಸಿದರು. ಮುಂಬಾ ರೈಡಿಂಗ್‌ನಲ್ಲಿ ೧೭ ಮತ್ತು ಟ್ಯಾಕಲ್‌ನಲ್ಲಿ ೧೦ ಅಂಕ ಗಳಿಸಿದ್ದರೆ ತಮಿಳ್ ತಂಡ ರೈಡಿಂಗ್‌ನಲ್ಲಿ ೧೮ ಮತ್ತು ಟ್ಯಾಕಲ್‌ನಲ್ಲಿ ೧೧ ಅಂಕ ಪಡೆದಿತ್ತು. ಮುಂಬಾ ತಂಡದ ಮನ್‌ಜ್ಪಿತ್ ಭರ್ಜರಿ ಆಟದ ಪ್ರದರ್ಶನ ನೀಡಿದರು. ರೈಡಿಂಗ್‌ನಲ್ಲಿ ೭ ಸಹಿತ ಒಟ್ಟು ೧೦ ಅಂಕ ಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಅಜಿತ್ ಚವಾಣ್ ೮ ಅಂಕ ಗಳಇಸಿದರು. ತಮಿಳ್ ತಂಡದ ಮೊಯಿನ್ ಶಫಾಗಿ ೧೦ ಅಂಕ ಪಡೆದರು. ಈ ಗೆಲುವಿನಿಂದ ಮುಂಬಾ ತಂಡವು ಅಂಕಪಟ್ಟಿಯಲ್ಲಿ ದ್ವಿತೀಯ ಸ್ಥಾನಕ್ಕೇರಲು ಸಹಕಾರಿಯಾಯಿತು. ಆಡಿದ ೧೦ ಪಂದ್ಯಗಳಲ್ಲಿ ಇದು ಮುಂಬಾ ತಂಡದ ಆರನೇ ಗೆಲವು ಆಗಿದ್ದು ಒಟ್ಟಾರೆ ೩೪ ಅಂಕ ಪಡೆದುಕೊಂಡಿದೆ.
ತಮಿಳ್ ಉರುಳಿಸಿದ ಯು ಮುಂಬಾ
