ದೇವನಹಳ್ಳಿ: ದೊಡ್ಡಸಣ್ಣೆ ವಿವಿದ್ದೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘಕ್ಕೆ ಅಧ್ಯಕ್ಷ ಸ್ಥಾನಕ್ಕೆ ಸಾಮಾನ್ಯ ಮೀಸಲಿದ್ದು, ಉಪಾಧ್ಯಕ್ಷ ಸ್ಥಾನಕ್ಕೆ ಪರಿಶಿಷ್ಠ ಜಾತಿ ಮೀಸಲು ನಿಗದಿಪಡಿಸಲಾಗಿದ್ದು ಚುನಾವಣಾ ಪ್ರಕ್ರಿಯೆ ನಡೆದು ಪಿ.ವೆಂಕಟೇಶಯ್ಯ ಅಧ್ಯಕ್ಷರಾಗಿ, ಮುನಿಯಪ್ಪ(ಚೆನ್ನಯ್ಯ) ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ ಎಂದು ಚುನಾವಣಾಧಿಕಾರಿ ಆರ್.ಚೇತನ ಘೋಷಿಸಿದರು.
ದೊಡ್ಡಸಣ್ಣೆ ವಿವಿದೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘದ ಮಾಜಿ ಅಧ್ಯಕ್ಷ ಹಾಲಿ ನಿರ್ದೇಶಕ ಸಿ.ಮುನಿರಾಜು ಮಾತನಾಡಿ ಜೆಡಿಎಸ್ ಹಾಗೂ ಬಿಜೆಪಿ ಮೈತ್ರಿ ಬೆಂಬಲದಿಂದ ಈ ಅಭೂತಪೂರ್ವ ಜಯ ಸಾದಿಸಲು ಸಾಧ್ಯವಾಗಿದೆ, 12 ನಿರ್ದೇಶಕ ಸ್ಥಾನಗಳ ಪೈಕಿ 11 ಸ್ಥಾನಗಳನ್ನು ಪಡೆದು ನಮ್ಮ ಬೆಂಬಲಿತರೆ ವಿಜಯಶಾಲಿಯಾಗಿದ್ದಾರೆ, ಸಂಘದ ಎಲ್ಲಾ ಸದಸ್ಯರ ಸಹಕಾರದಿಂದ ಸಂಘವನ್ನು ಮುನ್ನಡೆಸಲು ಸಹಕಾರಿಯಾಗಿದೆ, ಪಕ್ಷ ಬೇಧ ಮರೆತು ಸಂಘದ ಅಭಿವೃದ್ಧಿ ಮಾಡಲಾಗುವುದು, ರೈತರಿಗೆ ಸರ್ಕಾರದಿಂದ ದೊರೆಯುವ ಸೌಲಭ್ಯಗಳನ್ನು ಒದಗಿಸುವಲ್ಲಿ ಸಂಘದ ಆಡಳಿತ ಬದ್ದವಾಗಿದೆ, ಪ್ರತ್ಯಕ್ಷವಾಗಿ ಪರೋಕ್ಷವಾಗಿ ಸಹಕಾರ ನೀಡಿದ ಎಲ್ಲರಿಗೂ ಧನ್ಯವಾದಗಳು ಎಂದರು.
ನೂತನ ಅಧ್ಯಕ್ಷ ಪಿ.ವೆಂಕಟೇಶಯ್ಯ ಮಾತನಾಡಿ ನನ್ನನ್ನು ಅವಿರೋಧವಾಗಿ ಆಯ್ಕೆ ಮಾಡಿದ ಎಲ್ಲಾ ನಿರ್ದೇಶಕರಿಗೆ ಕೃತಜ್ಞತೆಗಳನ್ನು ತಿಳಿಸುತ್ತೇನೆ, ಸಂಘದಿಂದ ರೈತರಿಗೆ ಸಿಗುವ ಸವಲತ್ತುಗಳನ್ನು ಕಾಲಕಾಲಕ್ಕೆ ಒದಗಿಸಲು ನಮ್ಮ ಆಡಳಿತ ಮಂಡಳಿ ಬದ್ದವಾಗಿದ್ದು, ಬಿತ್ತನೆ ಬೀಜ, ರಸಗೊಬ್ಬರ, ಸಾವಯವ ಗೊಬ್ಬರ, ಕ್ರಿಮಿನಾಶಕ ಸಂಘ|ದಲ್ಲಿ ಸಿಗುವಂತೆ ಕ್ರಮವಹಿಸಲಾಗುವುದು, ಎಲ್ಲಾ ನಿರ್ದೇಶಕರ ಹಾಗೂ ಸದಸ್ಯರ ಸಹಕಾರ ಅಗತ್ಯ ಎಂದು ತಿಳಿಸಿದರು.
ಇದೇ ಸಮಯದಲ್ಲಿ ನೂತನ ನಿರ್ದೇಶಕರು ಗಳಿಗೆ ಚುನಾವಣಾಧಿಕಾರಿ ಆರ್. ಚೇತನ ಆಯ್ಕೆ ಆದೇಶದ ಪ್ರಮಾಣ ಪತ್ರ ವಿತರಣೆ ಮಾಡಿದರು.ಈ ಸಮಯದಲ್ಲಿ ಮುಖಂಡರಾದ ಎಸ್‍ಎಲ್
ಎನ್ ಮುನಿರಾಜು, ಅಣ್ಣೇಶ್ವರ ಮಧು, ಎಂ.ವೆಂಕಟೇಶ್, ನಿರ್ದೇಶಕರಾದ ದೊಡ್ಡಸಣ್ಣೆ ಸಿ.ಮುನಿರಾಜು, ಮಂಜುನಾಥ್, ಶಾಂತಕುಮಾರ್(ಶಾಂತಪ್ಪ), ಎಂ. ನಾರಾಯಣಸ್ವಾಮಿ, ಡಿ.ಕೆ.ಸುರೇಶ್‍ಕುಮಾರ್, ಲಕ್ಷ್ಮಮ್ಮ, ನಾರೆಮ್ಮ, ಕೃಷ್ಣಮೂರ್ತಿ, ಎ.ಎನ್.ಜಗದೀಶ್, ಚಂದ್ರಶೇಖರ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಬಿ.ಲಿಂಗರಾಜು, ಸಹಾಯಕ ವೈ.ನಾರಾಯಣಸ್ವಾಮಿ ಸೇರಿದಂತೆ ಸಂಘದ ಸದಸ್ಯರು ಹಾಜರಿದ್ದರು.
