ಇತ್ತೀಚಿಗೆ ತೆರೆಕಂಡ ಲೆಜೆಂಡ್ ಡೈರೆಕ್ಟರ್ ಸಿನಿಮಾವನ್ನು ಜನರು ಕೈಹಿಡಿದರು ನವಿಲುಗರಿ ನವೀನ್ ಪಿ ಬಿ ಯವರ ಸಹಜ ನಟನೆ ಕಥೆ ಹೇಳಿದ ರೀತಿ ನಿರ್ದೇಶನ ಎಲ್ಲವನ್ನೂ ಅಭಿಮಾನಿಗಳು ಮೆಚ್ಚಿದ್ದರು. ಇದೇ ಯಶಸ್ಸಿನ ಬೆನ್ನಲ್ಲೇ ಹೊಸ ಸಿನಿಮಾದ ಸ್ಕ್ರಿಪ್ಟ್ ಪೂಜೆಯನ್ನು ಸದ್ದಿಲ್ಲದೆ ಶ್ರೀ ಕ್ಷೇತ್ರ ಧರ್ಮಸ್ಥಳ ಹಾಗೂ ಸೌತ್ ತಡ್ಕ ಗಣೇಶನ ದೇವಾಲಯದಲ್ಲಿ ನೆರವೇರಿಸಿದರು. ಹಾಗೂ ಶ್ರೀ ವೀರೇಂದ್ರ ಹೆಗ್ಗಡೆಯವರ ಆಶೀರ್ವಾದ ಕೂಡ ಪಡೆದರು.
ನೂತನ ಸಿನಿಮಾವು ಶ್ರೀ ಮಂಜುನಾಥ ಫಿಲಂಸ್ ಬ್ಯಾನರ್ ನಲ್ಲಿ ತಯಾರಾಗುತ್ತಿದ್ದು ನವಿಲುಗರಿ ಸಿನಿಮಾಸ್ ಅವರ ಸಹಕಾರವಿದೆ. ಮೊದಲಬಾರಿಗೆ ಶ್ರೀಮತಿ ಹೇಮಾವತಿ ಯವರು ನಿರ್ಮಾಪಕಿಯಾಗಿ ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಲಿದ್ದಾರೆ. ಲೆಜೆಂಡ್ ಡೈರೆಕ್ಟರ್ ಸಿನಿಮಾದಲ್ಲಿ ಸ್ನೇಹದ ಜೋಡಿ ಎಂದು ಜನ ಮೆಚ್ಚುಗೆ ಪಡೆದ ಸ್ನೇಹಿತ ಗಂಧರ್ವ ರಾಜ್ ( ಶಂಕರ) ಈ ಚಿತ್ರದಲ್ಲಿ ನಾಯಕ ನಟನಾಗಿ ಬಣ್ಣ ಹಚ್ಚಿದರೆ. ನವಿಲುಗರಿ ನವೀನ್ ಪಿ ಬಿ ನಿರ್ದೇಶದ ಜೊತೆಗೆ ಮುಖ್ಯ ಪಾತ್ರದಲ್ಲಿ ಅಭಿನಯಿಸಲಿದ್ದಾರೆ. ಸಿನಿಮಾದ ಟೈಟಲ್ , ತಾಂತ್ರಿಕ ವರ್ಗ ಹಾಗೂ ಕಲಾವಿದರ ಮಾಹಿತಿಯನ್ನು ಅತೀ ಶೀಘ್ರದಲ್ಲೇ ಘೋಷಣೆ ಮಾಡುತ್ತೇನೆಂದು ಚಿತ್ರ ನಿರ್ದೇಶಕ ತಿಳಿಸಿದರು.
