ಬಿಬಿಎಂಪಿ ಇಂದ ರಚಿಸಿರುವ ಪರಿಸರ ಸಂರಕ್ಷಣೆ, ವಾಯುಮಾಲಿನ್ಯ ತಡೆಗಟ್ಟುವಿಕೆ, ಕುರಿತಾದ ಸಮುದಾಯ ಜಾಥಾ ಕಾರ್ಯಕ್ರಮವನ್ನು, ವಾಯುವಿಹಾರಿಗಳ ಸಂಘ (ರಿ.) ದ ಸಹಯೋಗದೊಂದಿಗೆ, ಬಾಗಲುಗುಂಟೆಯ ಬೀದಿ ಬೀದಿಗಳಲ್ಲಿ, ನವೆಂಬರ್ ೧೦, ಭಾನುವಾರದಂದು ನಡೆಸಲಾಯಿತು. ಸಾರ್ವಜನಿಕರಲ್ಲಿ ವಾಯುಮಾಲಿನ್ಯ ತಡೆಗಟ್ಟುವಿಕೆ, ಪರಿಸರ ಸಂರಕ್ಷಣೆಯ ಕುರಿತಾದ ಅರಿವು ಮೂಡಿಸುವುದು ಈ ಕಾರ್ಯಕ್ರಮದ ಉದ್ದೇಶವಾಗಿತ್ತು.
ಈ ಜಾಥಾ ಕಾರ್ಯಕ್ರಮದ ಮುಂದಾಳತ್ವವನ್ನು ವಹಿಸಿದ್ದ ಆಚಾರ್ಯ ಇಂಜಿನಿಯರಿAಗ್ ಕಾಲೇಜಿನ ಪ್ರೊಫೆಸರ್ ಆದ, ಡಾ. ನಾಗರಾಜ್ ಕೆ.ಸಿ. ಅವರು ಸಾರ್ವಜನಿಕರನ್ನು ಕುರಿತು ಮಾತನಾಡಿ, ಪರಿಸರ ಸಂರಕ್ಷಣೆ ನಮ್ಮ ನಿಮ್ಮೆಲ್ಲರ ಹೊಣೆ, ದಯಮಾಡಿ ತಮ್ಮ ತಮ್ಮ ಲಘುವಾಹನಗಳನ್ನು ಬಳಸುವ ಬದಲು, ಸಾರ್ವಜನಿಕ ವಾಹನಗಳನ್ನು ಬಳಸುವ ಮೂಲಕ ವಾಯುಮಾಲಿನ್ಯವನ್ನು ತಡೆಗಟ್ಟಲು ಪ್ರಯತ್ನಿಸೋಣ ಎಂದರು.
ಈ ಕಾರ್ಯಕ್ರಮದಲ್ಲಿ ವಾಯುವಿಹಾರಿಗಳ ಸಂಘದ ಅಧ್ಯಕ್ಷರಾದ ಗೋವಿಂದರಾಜು, ಉಪಾಧ್ಯಕ್ಷರಾದ ಮುನಿರಾಜು, ಖಜಾಂಚಿಗಳಾದ ಶಿವಶಂಕರ್, ಸಂಘದ ಎಲ್ಲಾ ಸದಸ್ಯರು ಹಾಗು ಬಿಬಿಎಂಪಿ ಪ್ರತಿನಿಧಿಯಾಗಿ ಭರತ್ ರವರು ಜಾಥಾದಲ್ಲಿ ಪಾಲ್ಗೊಂಡರು.
ಪರಿಸರ ಸಂರಕ್ಷಣೆ-ನಮ್ಮೆಲ್ಲರ ಹೊಣೆ: ಪ್ರೊ.ನಾಗರಾಜ್ ಕೆ.ಸಿ
