ಡೋಪ್ ಪರೀಕ್ಷೆಗೆ ಮಾದರಿಯನ್ನು ನೀಡಲು ನಿರಾಕರಿಸಿದ್ದಕ್ಕಾಗಿ ಒಲಿಂಪಿಕ್ ಪದಕ ವಿಜೇತ ಕುಸ್ತಿಪಟು ಬಜರಂಗ್ ಪೂನಿಯಾ ಅವರನ್ನು ರಾಷ್ಟ್ರೀಯ ಆ?ಯಂಟಿ ಡೋಪಿಂಗ್ ಸಂಸ್ಥೆ( ಓಂಆಂ) 4 ವರ್ಷಗಳ ಅವಧಿಗೆ ಅಮಾನತುಗೊಳಿಸಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಬಜರಂಗ್ ಪೂನಿಯಾ “ಇದು ಕೇಂದ್ರ ಸರಕಾರದ ಸೇಡಿನ ಕ್ರಮವಾಗಿದ್ದು, ಒಂದು ವೇಳೆ ನಾನು ಬಿಜೆಪಿಗೆ ಸೇರಿದ್ದೇ ಆದಲ್ಲಿ ಈ ನಿಷೇಧವು ರದ್ದುಗೊಳ್ಳುತ್ತದೆ ಎಂದು ಮಾರ್ಮಿಕ ಹೇಳಿಕೆ ನೀಡಿದ್ದಾರೆ.
ಕಳೆದ ಮಾರ್ಚ್ 10ರಂದು ರಾಷ್ಟ್ರೀಯ ತಂಡಕ್ಕೆ ಆಯ್ಕೆ ಟ್ರಯಲ್ಸ್ ಸಮಯದಲ್ಲಿ ಮಾದರಿ ನೀಡಲು ನಿರಾಕರಿಸುವ ಮೂಲಕ ಬಜರಂಗ್ ನಿಯಮಗಳನ್ನು ಉಲ್ಲಂಘಿಸಿದ್ದಾರೆ ಎಂದು ನಾಡಾ ಹೇಳಿದೆ. ಡೋಪಿಂಗ್ ತಡೆ ನಿಗ್ರಹ ಘಟಕವು ಏಪ್ರಿಲ್ 23ರಂದು ಟೋಕಿಯೊ ಕ್ರೀಡಾಧಿಕೂಟದ ಕಂಚಿನ ಪದಕ ವಿಜೇತ ಕುಸ್ತಿಪಟುಧಿವನ್ನು ಅಮಾನತುಗೊಳಿಸಿತ್ತು,. ನಂತರ ಕ್ರೀಡೆಯ ವಿಶ್ವ ಆಡಳಿತ ಮಂಡಳಿ ಯುಡಬ್ಲ್ಯೂಡಬ್ಲ್ಯೂ ಕೂಡ ಅವರನ್ನು ಅಮಾನತುಗೊಳಿಸಿತ್ತು.
ಯಾವುದಕ್ಕೆಲ್ಲಾ ನಿರ್ಬಂಧ?
ಈ ಅಮಾನತಿನಿಂದಾಗಿ ಅವರಿಗೆ ಕುಸ್ತಿಸ್ಪರ್ಧೆಯಲ್ಲಿ ಭಾಗವಹಿಸುವಂತಿಲ್ಲ. ಜೊತೆಗೆ ದೇಶದಲ್ಲಾಗಲಿ, ವಿದೇಶದಲ್ಲಾಗಲಿ ಕೋಚಿಂಗ್ ಅನ್ನು ಸಹ ಮಾಡಲು ಅನುಮತಿ ಇರುವುದಿಲ್ಲ.ಇದೇನೂ ನನಗೆ ಆಘಾತಕಾರಿ ಸಂಗತಿಯಲ್ಲ.. ಏಕೆಂದರೆ ವಿಚಾರಣೆಯ ವಿಷಯವು ಕಳೆದ ಒಂದು ವರ್ಷದಿಂದ ನಡೆಯುತ್ತಿದೆ. ವೈಯಕ್ತಿಕ ದ್ವೇಷ ಮತ್ತು ರಾಜಕೀಯ ಕಾರಣಗಳಿಗಾಗಿ ಹೀಗೆಲ್ಲಾ ಮಾಡಲಾಗುತ್ತಿದೆ. ಎಲ್ಲವೂ ಕೇಂದ್ರ ಸರ್ಕಾರದ ಮೂಗಿನ ತುದಿಯಲ್ಲಿಯೇ ನಡೆಯುತ್ತಿದೆ. ಮಹಿಳಾ ಕುಸ್ತಿಪಟುಗಳಿಗೆ ಬೆಂಬಲ ವ್ಯಕ್ತಪಡಿಸಿದ್ದಕ್ಕಾಗಿ ಈ ರೀತಿ ಸೇಡು ತೀರಿಸಲಾಗುತ್ತಿದೆ ಎಂದು ಕೇಂದ್ರ ಎನ್ ಡಿಎ ಸರ್ಕಾರದ ವಿರುದ್ಧ ನೇರವಾಗಿಯೇ ಬೊಟ್ಟು ಮಾಡಿದ್ದಾರೆ.
ಅವಧಿ ಮುಗಿದ ಕಿಟ್ ಜೊತೆ ಬಂದಿದ್ದರು ನಾಡಾಗೆ ಮಾದರಿ ನೀಡಲು ನಾನು ನಿರಾಕರಿಸಿಲ್ಲ ಎಂದು ನಾನು ಈ ಹಿಂದೆಯೂ ಹೇಳಿದ್ದೇನೆ. ಕಳೆದ ವರ್ಷ ಡಿಸೆಂಬರ್ ನಲ್ಲಿ ಡೋಪ್ ಪರೀಕ್ಷೆ ನಡೆಸಲು ಅವರು ನನ್ನ ಮನೆಗೆ ಭೇಟಿ ನೀಡಿದಾಗ, ಅವರು ಅವಧಿ ಮುಗಿದ ಕಿಟ್‍ನೊಂದಿಗೆ ಬಂದರು. ನಾನು ಇದನ್ನು ಸಾಮಾಜಿಕ ಮಾಧ್ಯಮದಲ್ಲಿಯೂ ಹಂಚಿಕೊಂಡಿದ್ದೇನೆ ಎಂದು ಬಜರಂಗ್ ತಿಸಿದ್ದಾರೆ.
