ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರು ಮತ್ತೆ ಬ್ಯಾಟ್ ಹಿಡಿಯಲಿದ್ದಾರೆ. ಅದೂ ತಮ್ಮ 51ನೇ ವಯಸ್ಸಿನಲ್ಲಿ! ಫೆಬ್ರವರಿ 22ರಿಂದ ಬಹುನಿರೀಕ್ಷಿತ ಇಂಟರ್ ನ್ಯಾಶನಲ್ ಮಾಸ್ಡರ್ಸ್ ಲೀಗ್ ಪ್ರಾರಂಭವಾಗಲಿದ್ದು ಆ ಟೂರ್ನಿಯಲ್ಲಿ ಸಚಿನ್ ತೆಂಡೂಲ್ಕರ್ ಅವರು ಭಾರತ ತಂಡವನ್ನು ಮುನ್ನಡೆಸಲಿದ್ದಾರೆ. ಸಚಿನ್ ತೆಂಡೂಲ್ಕರ್ ಮಾತ್ರವಲ್ಲದೆ ಕ್ರಿಕೆಟ್ ಜಗತ್ತನ್ನು ಒಂದು ಕಾಲದಲ್ಲಿ ಆಳಿದ್ದ ಅನೇಕ ಮಹಾನ್ ಕ್ರಿಕೆಟಿಗರು ಈ ಟೂರ್ನಿಯಲ್ಲಿ ಭಾಗವಹಿಸಲಿದ್ದಾರೆ.
ವೆಸ್ಟ್ ಇಂಡೀಸ್ ತಂಡವನ್ನು ಬ್ರಿಯಾನ್ ಲಾರಾ. ಶ್ರೀಲಂಕಾ ತಂಡವನ್ನು ಕುಮಾರ ಸಂಗಕ್ಕಾರ, ಆಸ್ಟ್ರೇಲಿಯಾ ತಂಡವನ್ನು ಶೇನ್ ವಾಟ್ಸನ್, ಇಂಗ್ಲೆಂಡ್ ತಂಡವನ್ನು ಇಯಾನ್ ಮಾರ್ಗನ್ ಮತ್ತು ದಕ್ಷಿಣ ಆಫ್ರಿಕಾ ತಂಡವನ್ನು ಜಾಕ್ ಕಾಲಿಸ್ ಮುನ್ನಡೆಸಲಿದ್ದಾರೆ.ಒಟ್ಟು 18 ಪಂದ್ಯಗಳುಆತಿಥೇಯ ಭಾರತ ಸೇರಿದಂತೆ ಒಟ್ಟು 6 ತಂಡಗಳು ಈ ಟೂರ್ನಿಯಲ್ಲಿ ಭಾಗವಹಿಸಲಿದ್ದು ನವಿ ಮುಂಬೈ, ರಾಜಕೋಟ್ ಮತ್ತು ರಾಯಪುರಗಳಲ್ಲಿ ಪಂದ್ಯಗಳು ನಡೆಯಲಿವೆ.
ಈ ಟಿ20 ಟೂರ್ನಿಯು ರೌಂಡ್ ರಾಬಿನ್ ಲೀಗ್ ಮಾದರಿಯಲ್ಲಿ ನಡೆಯಲಿವೆ. 6 ತಂಡಗಳಲ್ಲಿ ಪ್ರಥಮ ನಾಲ್ಕು ಸ್ಥಾನಿಗಳು ಸೆಮಿಫೈನಲ್ ನಲ್ಲಿ ಸೆಣೆಸಲಿವೆ. ಇಡೀ ಟೂರ್ನಿಯಲ್ಲಿ ಸೆಮಿಫೈನಲ್, ಫೈನಲ್ ಸೇರಿದಂತೆ ಒಟ್ಟು 18 ಪಂದ್ಚಗಳು ನಡೆಯಲಿವೆ. ಒಂದು ತಂಡಕ್ಕೆ ಲೀಗ್ ಹಂತದಲ್ಲಿ ತಲಾ 5 ಪಂದ್ಯಗಳು ಸಿಗಲಿವೆ.
