ನವದೆಹಲಿ: ಭಾರತದ ರೈಫಲ್ ಮತ್ತು ಪಿಸ್ತೂಲ್ ಶೂಟರ್‍ಗಳು, ಪೆರು ರಾಜಧಾನಿ ಲಿಮಾದಲ್ಲಿ ನಡೆಯುತ್ತಿರುವ ಐಎಸ್‍ಎಸ್‍ಎಫ್ ಜೂನಿಯರ್ ವಿಶ್ವ ಚಾಂಪಿಯನ್‍ಷಿಪ್‍ನಲ್ಲಿ ಪದಕ ಬೇಟೆ ಮುಂದುವರಿಸಿದ್ದಾರೆ. ಸ್ಪರ್ಧೆಯ ನಾಲ್ಕನೇ ದಿನವಾದ ಬುಧವಾರ ಐದು ಚಿನ್ನದ ಪದಕಗಳಿಗೆ ಕೊರಳೊಡ್ಡಿದ್ದಾರೆ.
ಭಾರತ ಕೂಟದಲ್ಲಿ ಒಟ್ಟು 14 ಪದಕಗಳನ್ನು (10 ಚಿನ್ನ, ಒಂದು ಬೆಳ್ಳಿ ಮತ್ತು ಮೂರು ಕಂಚು) ಗೆದ್ದುಕೊಂಡು ಪದಕ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಅಮೆರಿಕ (10) ಮತ್ತು ಇಟಲಿ (8) ಕ್ರಮವಾಗಿ ಎರಡನೇ ಮತ್ತು ಮೂರನೇ ಸ್ಥಾನದಲ್ಲಿವೆ. ದಿವಾನ್ಶಿ ಮತ್ತು ಮುಕೇಶ್ ನೆಲವಳ್ಳಿ ಅವರು ಕ್ರಮವಾಗಿ ವೈಯಕ್ತಿಕ ಮಹಿಳೆಯರ ಮತ್ತು ಪುರುಷರ 25 ಮೀ ಪಿಸ್ತೂಲ್‍ನಲ್ಲಿ ಚಿನ್ನದ ಪದಕ ಗೆದ್ದರು.
