ರಂಗಕರ್ಮಿ ಮಹೇಶ್ ಸಾಗರ್ ನಿರ್ದೇಶನ ಮಾಡಿರುವ ಶ್ರೀ ಗುರು ನಾರಾಯಣ ವೈಭವ ಕಿರು ಚಿತ್ರದ ಪೋಸ್ಟರ್ ಬಿಡುಗಡೆಯನ್ನು ಶಾಂತಿನಗರದ ಡಾ.ಪುನೀತ್ ರಾಜಕುಮಾರ್ ಸಭಾಂಗಣದಲ್ಲಿ ನೆರವೇರಿಸಲಾಯಿತು.
ಕಲಾಸಾಗರ ತಂಡದ ಅನಿಕ ರಂಗಭೂಮಿ ಕಲಾವಿದರು ಮತ್ತು ಹೊಸ ಪ್ರತಿಭೆಗಳು ಅಭಿನಯಿಸಿರುವ ಈ ಟೆಲಿ ಚಿತ್ರ ಇನ್ನೇನು ಕೆಲವೇ ದಿನಗಳಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವಿಶ್ವದಾದ್ಯಂತ ನೋಡಬಹುದಾಗಿದೆ.ಜಾತಿ ಮತ ಧರ್ಮ ಪಂಥಗಳನ್ನು ಮೀರಿದ್ದು ಮಾನವ ಧರ್ಮ ಎಂದು ಜಗತ್ತಿಗೆ ಸಾರಿದ ಶ್ರೀ ಗುರು ನಾರಾಯಣ ವೈಭವ ಪ್ರಸ್ತುತ ಜಗತ್ತಿಗೆ ಅತ್ಯಂತ ಅರ್ಥಪೂರ್ಣ ಸಂದೇಶವನ್ನು ನೀಡುವ ಮಹತ್ವಕಾಂಕ್ಷೆಯುಳ್ಳ ಟಿಲಿ ಚಿತ್ರವಾಗಿದೆ.
ಪೋಸ್ಟರ್ ಬಿಡುಗಡೆಯನ್ನು ಅಬಕಾರಿ ಇಲಾಖೆಯ ಉಪ ಆಯುಕ್ತರಾದ ಡಾ. ಬಿ. ಆರ್ ಹಿರೇಮಠ, ನಿರ್ಮಾಪಕಿ ಡಾ.ಸುಕನ್ಯಾ ಹಿರೇಮಠ, ಖ್ಯಾತ ರಂಗಕರ್ಮಿ ಜಗದೀಶ್ ಜಾಲ, ಸಾಹಿತಿ ಡಾ.ಗುಣವಂತ ಮಂಜು, ಡಾ.ಎನ್.ಆರ್.ಮಂಜುನಾಥ್, ಮಹೇಶ್ ಸಾಗರ್, ಸುರೇಶ್ ಮುಂತಾದವರು ಬಿಡುಗಡೆಗೂಳಿಸಿದರು.
