ದೇವನಹಳ್ಳಿ: ಮಾಜಿ. ಜಿ.ಪಂ. ಸದಸ್ಯ, ಕನ್ನಮಂಗಲ ಎಂ.ಪಿ.ಸಿ.ಎಸ್ ಅಧ್ಯಕ್ಷರಾಗಿರುವ ಕೆ.ಸಿ. ಮಂಜುನಾಥ್‍ರವರು ತಮ್ಮ ಹುಟ್ಟು ಹಬ್ಬದಂದು ಸಸಿಗಳನ್ನು ನೆಟ್ಟು ನೀರು ಹಾಕುವ ಮುಖಾಂತರ ಸರಳವಾಗಿ ತಮ್ಮ ಹುಟ್ಟು ಹಬ್ಬ ಆಚರಿಸಿಕೊಂಡರು.
ಈ ಸಮಯದಲ್ಲಿ ಕನ್ನಮಂಗಲ ಗ್ರಾ.ಪಂ. ಮಾಜಿ ಅಧ್ಯಕ್ಷ ಹಾಲಿ ಸದಸ್ಯ ಕೆ.ಆರ್. ನಾಗೇಶ್ ಮಾತನಾಡಿ ಅನೇಕಜನ ತಮ್ಮ ಹುಟ್ಟಿದ ಹಬ್ಬಗಳನ್ನು ಅದ್ದೂರಿಯಾಗಿ ಮಾಡಿ ಮೋಜು ಮಸ್ತಿ ಮಾಡುತ್ತಿರುತ್ತಾರೆ ಆದರೆ ಕೆ.ಸಿ.ಮಂಜಣ್ಣನವರು ಗಿಡಗಳನ್ನು ನೆಡುವ ಮುಖಾಂತರ ತಮ್ಮ ಹುಟ್ಟು
ಹಬ್ಬವನ್ನು ಸರಳವಾಗಿ ಆಚರಿಸಿಕೊಂಡಿದ್ದಾರೆ, ಅವರ ಪರಿಸರಪ್ರೇಮವನ್ನು ಪ್ರತಿಯೊಬ್ಬರೂ ಮೆಚ್ಚಿ ಅದರಂತೆ ನಡೆಯಬೇಕು ಎಂದರು.
ಕೆ.ಸಿ. ಮಂಜುನಾಥ್ ಮಾತನಾಡಿ ಇಂದಿನ ಯುವಕರು ಹುಟ್ಟುಹಬ್ಬವನ್ನು ದುಂದು ವೆಚ್ಚ ಮಾಡಿ ಆಚರಿಸಿಕೊಳ್ಳದೇ ಸಮಾಜಕ್ಕೆ ಒಳಿತಾಗುವ ಹಣ್ಣಿನ ಹಾಗೂ ಉಪಯುಕ್ತ ಗಿಡಗಳನ್ನು ನೆಟ್ಟರೆ ಮುಂದೊಂದು ದಿನ ಮರವಾಗಿ ನಮಗೆ ನೆರಳು ನೀಡುವುದಲ್ಲದೆ ಪರಿಸರದ ಉಳಿವಿಗೆ ಹಾಗೂ ಪಕ್ಷಿ ಸಂಕುಲಕ್ಕೆ ಆಶ್ರಯತಾಣವಾಗಲಿದೆ, ಪರಿಸರವನ್ನು ಉಳಿಸುವಲ್ಲಿ ತಮ್ಮ ಸ್ವಲ್ಪ ಸಮಯವನ್ನು ಮೀಸಲಿಡಿ ಎಂದು ಸಲಹೆ ನೀಡಿದರು.
ಇದೇ ಸಂದರ್ಭದಲ್ಲಿ ಕೆ.ಸಿ.ಮಂಜುನಾಥ್‍ರವರ ಆಪ್ತರು, ಬಂಧುಗಳು, ಸ್ನೇಹಿತರು, ಕಾಂಗ್ರೆಸ್ ಪಕ್ಷದ ಹಿರಿಯ ಮುಖಂಡರು ಆಗಮಿಸಿ ಹುಟ್ಟು ಹಬ್ಬಕ್ಕೆ ಶುಭ ಹಾರೈಸಿದರು. ಇದೇ ಸಂದರ್ಭದಲ್ಲಿ ಕೆ.ಆರ್. ನಾಗೇಶ್, ಹಿತ್ತರಹಳ್ಳಿ ರಮೇಶ್, ಸುನಿಲ್ ಸೇರಿದಂತೆ ಮತ್ತಿತರರು ಇದ್ದರು.
