ಬೆಂಗಳೂರು: ಮುಡಾ ಅಕ್ರಮದಲ್ಲಿ 14 ನಿವೇಶವನ್ನು ಸಿಎಂ ಸಿದ್ಧರಾಮಯ್ಯರ ಕುಟುಂಬ ವಾಪಸ್ ನೀಡಿತ್ತು. ಅದೇ ಮಾರ್ಗದಲ್ಲಿ ಈಗ ಖರ್ಗೆ ಕುಟುಂಬ ಸಹ ನಿವೇಶನ ವಾಪಸ್ ಮಾಡಿದ್ದಾರೆ ಎಂದು ಮಾಜಿ ಉಪಮುಖ್ಯಮಂತ್ರಿ ಹಾಗೂ ಶಾಸಕ ಬಿಜೆಪಿಯ ಡಾ.ಸಿ.ಎನ್. ಅಶ್ವತ್ಥ್ನಾರಾಯಣ್ ಹೇಳಿದ್ದಾರೆ.
ಪತ್ರಿಕೆಯೊಂದಿಗೆ ಮಾತನಾಡಿರುವ ಅವರು, ಕೇವಲ ನಿವೇಶನ ವಾಪಸ್ ಮಾಡಿದ್ರೆ, ಕಾನೂನು ಕುಣಿಕೆಯಿಂದ ಪಾರಾಗಲು ಸಾಧ್ಯವಿಲ್ಲ. ನಾವು ಈ ವಿಚಾರವನ್ನು ಗಂಭೀರವಾಗಿ ತೆಗೆದುಕೊಂಡಿದ್ದೇವು. ಬಿಜೆಪಿ ಇದನ್ನು ಗಂಭೀರವಾಗಿ ಪರಿಗಣಿಸದಿದ್ದರೇ, ಮಲ್ಲಿಕಾರ್ಜುನ ಖರ್ಗೆ ಕುಟುಂಬಕ್ಕೆ ಹಂಚಿಕೆಯಾಗಿದ್ದ ಜಮೀನು ಹಾಗೇ ಇರುತ್ತಿತ್ತು. ನಿಗಮದ ಮೇಲೆ ಒತ್ತಡ ಹಾಕಿ ಹಂಚಿಕೆ ಮಾಡಿಸಿಕೊಳ್ಳಲಾದ ಜಮೀನನ್ನು ವಾಪಸ್ ಕೊಟ್ಟಿದ್ದಾರೆ.
ಕಾಂಗ್ರೆಸ್ನಲ್ಲಿ ತಪ್ಪು ಮಾಡುವುದು. ಅದು ಬೆಳಕಿಗೆ ಬಂದಾಗ ಹೀಗೆ ಸರಿಪಡಿಸಿಕೊಂಡಿದ್ದೇವೆ ಎಂಬುದನ್ನು ಬಿಂಬಿಸುವುದು. ನಾವು ಸದನದ ಒಳಗೂ, ಹೊರಗೂ ಇದರ ಬಗ್ಗೆ ಹೋರಾಟ ಮಾಡುತ್ತೇವೆ ಎಂದು ಅವರು ತಿಳಿಸಿದ್ದಾರೆ.ಕೆಐಎಡಿಬಿ ನಿಗಮದಿಂದ ಹಂಚಿಕೆಯಾಗಿ ವಾಪಸ್ ಕೊಟ್ಟಿರುವುದಕ್ಕೆ ಸುಮ್ಮನಾಗಲು ಸಾಧ್ಯವಿಲ್ಲ. ಈ ಪ್ರಕರಣವನ್ನು ಸಿಬಿಐಗೆ ವಹಿಸಬೇಕೆಂದು ಒತ್ತಾಯಿಸಿದರು.