ಬೆಂಗಳೂರು; ಇಷ್ಟು ದಿನ ಸಿನಿಮಾ ನಾಯಕ ನಟರ ಅಭಿಮಾನಿಗಳ ನಡುವೆ ಸಮರ ನಡೆಯುತ್ತಿತ್ತು. ಇದೀಗ ಆ ಸರದಿ ರಾಜಕಾರಣಿಗಳ ಅಭಿಮಾನಿಗಳದ್ದಾಗಿದೆ. ಸಿನಿಮಾ ನಾಯಕ ನಟರ ಅಭಿಮಾನಿಗಳ ಸಮರ ಸಾಮಾಜಿಕ ಜಾಲತಾಣಗಳಲ್ಲಿ ಮಾತ್ರ ನಡೆಯುತ್ತಿತ್ತು. ಆದರೆ ರಾಜಕಾರಿಣಿಗಳ ಅಭಿಮಾನಿಗಳ ಸಮರ ಮುಖಾಮುಖಿ ಬಹಿರಂಗವಾಗಿಯೇ ನಡೆದಿರುವ ಘಟನೆ ಬೆಂಗಳೂರು ಮೆಜೆಸ್ಟಿಕ್ ಪ್ರದೇಶದ ರಾಜ್ಯ ರಸ್ತೆ ಸಾರಿಗೆ ಬಸ್ ನಿಲ್ದಾಣದ ಬಳಿ ನಡೆದಿದೆ.
ಈ ಸಮರ ಪ್ರಧಾನಿ ಮೋದಿ ಹಾಗೂ ಮುಖ್ಯಮಂತ್ರಿ ಸಿದ್ದರಾಮಯ್ಯ ನಡುವಿನ ಅಭಿಮಾನಿಗಳ ಸಮರವಾಗಿದೆ.ನಮ್ಮ ನಾಯಕ ನಿಮ್ಮ ನಾಯಕ ಎಂದು ಇಬ್ಬರು ರಾಜಕೀಯ ನಾಯಕರ ಅಭಿಮಾನಿಗಳ ಮಧ್ಯೆ ಗಲಾಟೆ ನಡೆದಿದೆ.ಪ್ರಧಾನಿ ಮೋದಿಗೆ ಬೈದಿದ್ದಕ್ಕೆ ಸಿದ್ದರಾಮಯ್ಯ ಅಭಿಮಾನಿಯನ್ನು ಸುತ್ತುವರಿದು ನೂಕಾಟ ತಳ್ಳಾಟ ಮಾಡಿರುವುದಾಗಿ ತಿಳಿದುಬಂದಿದೆ.
ಸಿದ್ದರಾಮಯ್ಯ ಅಭಿಮಾನಿ ಮೇಲೆ ಅಟ್ಯಾಕ್ ಮಾಡಿರೋ ಮೋದಿ ಅಭಿಮಾನಿಗಳ ದೃಶ್ಯದ ವಿಡೀಯೋ ಲಭ್ಯವಾಗಿದೆ.ಸಿದ್ದು ಬದಲಿಗೆ ಮೋದಿ ಮೋದಿ ಎಂದು ಹೇಳುವಂತೆ ಮೋದಿ ಅಭಿಮಾನಿಗಳು ಸಿದ್ದರಾಮಯ್ಯ ಅವರ ಅಭಿಮಾನಿ ಮೇಲೆ ಹಲ್ಲೆ ನಡೆಸಿದ್ದಾರೆ ಎನ್ನಲಾಗಿದೆ.ಹದಿನೈದಕ್ಕೂ ಹೆಚ್ಚು ಜನ ಮೋದಿ ಫ್ಯಾನ್ಸ್ ಗಳಿಂದ ಹಲ್ಲೆ ನಡೆದಿದ್ದು, ಹಲ್ಲೆ ಮಾಡಿ ಸಿದ್ಧು ಅಭಿಮಾನಿಯನ್ನ ಉಪ್ಪಾರಪೇಟೆ ಠಾಣೆಗೆ ಕರೆದೋಯ್ದ ಮೋದಿ ಫ್ಯಾನ್ಸ್ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿ ಕ್ರಮಕ್ಕೆ ಆಗ್ರಹ ಪಡಿಸಿದ್ದಾರೆ.
