ಬೆಂಗಳೂರು: ಬ್ಯಾಟರಾಯನಪುರ ಪೊಲೀಸ್ ಠಾಣ ವ್ಯಾಪ್ತಿಯ ಕಲಾ ವೈನ್ಸ್ ಬಳಿ ನಿನ್ನೆ ರಾತ್ರಿ ಯೋಗೇಂದ್ರ ಸಿಂಗ್ ಎಂಬಾತನನ್ನು ಆತನ ಸ್ನೇಹಿತರೆ ಮಾರಕಾಸ್ತ್ರಗಳಿಂದ ಕೊಚ್ಚಿ ಕೊಲೆ ಮಾಡಿರುವ ಘಟನೆ ನಡೆದಿದೆ.
ವಿಶ್ವನಾಥ್ ಸಿಂಗ್ ಮತ್ತು ಪುಷ್ಪಾಭಾಯಿ ಮಗನಾಗಿರುವ ಯೋಗೇಂದ್ರ ಸಿಂಗ್‍ನನ್ನು ಆತನ ಸ್ನೇಹಿತರೆ ಮದ್ಯಪಾನ ಮಾಡಿಸಿ ಕೊಲೆ ಮಾಡಿರುತ್ತಾರೆ.
ಗಾಜಿನ ಬಾಟಲ್ ನಿಂದ ಚುಚ್ಚಿ ಹಳೆ ವಿಷಯಕ್ಕೆ ಸಂಬಂಧಪಟ್ಟ ಹಾಗೆ ಗಲಾಟೆ ತೆಗೆದು ಕೊಲೆ ಮಾಡಿರುತ್ತಾರೆ.ರಾತ್ರಿ ಸುಮಾರು 11.20 ಗಂಟೆ ಸುಮಾರಿಗೆ ಘಟನೆ ನಡೆದಿರುತ್ತದೆ. ಎಸ್ ಎಸ್ ಎಲ್ ಸಿ ಓದಿರುವ ಯೋಗೇಂದ್ರ ಸಿಂಗ್ ಅರ್ಧಕ್ಕೆ ಮುಗಿಸಿ ನಾಲ್ಕೈದು ವರ್ಷಗಳಿಂದ ಡ್ರೈವರ್ ಕೆಲಸ ಮಾಡಿಕೊಂಡಿದ್ದನು.
ಕೋಲಾರ ಜಿಲ್ಲೆಯ ನರಸಾಪುರದ ಸಾಫ್ಟ್‍ವೇರ್ ಕಂಪನಿಯಲ್ಲಿ ಮಿನಿ ಬಸ್ ಡ್ರೈವರ್ ಆಗಿ ಕೇವಲ 20 ದಿನಗಳ ಹಿಂದೆ ಸೇರಿ ಕೆಲಸಕ್ಕೆ ಹೋಗುತ್ತಿದ್ದನು.
ದಸರಾ ಹಬ್ಬದ ಪ್ರಯುಕ್ತ ಕಂಪನಿಗೆ ರಜೆ ಇರುವುದರಿಂದ ಮನೆಯಲ್ಲಿದ್ದನು. ಆತನ ಪೋಷಕರು ನಾಳೆ ಬೆಳಿಗ್ಗೆ ಕೆಲಸಕ್ಕೆ ಹೋಗಬೇಕಾಗಿರುವುದರಿಂದ ನರಸಾಪುರಕ್ಕೆ ಹೋಗು ಎಂದು ಹೇಳಿರುತ್ತಾರೆ, ಆಗ ಮೃತ ಯೋಗೇಂದ್ರ ತಾನು ಓಡಿಸುತ್ತಿದ್ದ ಮಿನಿ ಬಸನ್ನು ಟಿಂಬರ್ ಯಾರ್ಡ್ ಲೇಔಟ್ ಬಳಿ ಬಸ್ ನಿಲ್ಲಿಸಿದ್ದೇನೆ, ಬಸ್ನಲ್ಲಿ ಮಲಗಿಕೊಂಡು ಬೆಳಿಗ್ಗೆ ಎದ್ದು ಹೋಗುತ್ತೇನೆ ಎಂದು ಹೇಳಿ ಮನೆಯಿಂದ ಹೋಗಿರುತ್ತಾನೆ.
ರಾತ್ರಿ ಸುಮಾರು 11:30ಕ್ಕೆ ಪಿರಿಯಾದುದಾರರ ಪಕ್ಕದ ಮನೆ ಬಳಿ ಇರುವ ಶಿವಣ್ಣ ಎಂಬುವವರು ಮನೆಯ ಬಳಿ ಬಂದು ನಿಮ್ಮ ಮಗ ಯೋಗೇಂದ್ರ ಸಿಂಗ್‍ನು ಗುಡ್ಡದಹಳ್ಳಿಯ ಬಾರ್ ಹತ್ತಿರ ಗಲಾಟೆ ಮಾಡಿಕೊಂಡು ಕೊಳ್ಳುತ್ತಿದ್ದಾನೆ ನೋಡಿ ಎಂದು ಹೇಳಿ ಹೋಗಿರುತ್ತಾರೆ. ಆಗ ಮೃತನ ತಾಯಿ ಕಲಾ ವೈನ್ಸ್ ಬಳಿ ಬಂದು ನೋಡಲಾಗಿ ಯೋಗೇಂದ್ರ ಸಿಂಗ್ ರಕ್ತದ ಮಡುವಿನಲ್ಲಿ ಬಿದ್ದು ಮೃತಪಟ್ಟಿರುತ್ತಾನೆ. ಬ್ಯಾಟರಾಯನಪುರ ಪೊಲೀಸ್ ಠಾಣೆಗೆ ಕರೆ ಮಾಡಿ ತಿಳಿಸಿರುತ್ತಾರೆ. ಕೊಲೆ ಮಾಡಿರೋ ಉಮೇಶ್ ನನ್ನು ಸಹ ಪೊಲೀಸರು ಬಂಧಿಸಿರುತ್ತಾರೆ.
