ಹಾವೇರಿಯಲ್ಲಿ ಭಾರೀ ಮಳೆ

ಹಾವೇರಿ: ಹಾವೇರಿ ಜಿಲ್ಲೆಯಾದ್ಯಂತ ಇಂದು ನಸುಕಿನ ಜಾವ ವರುಣನ ಆರ್ಭಟ ಹೆಚ್ಚಾಗಿದ್ದು ನಗರದ ನಾಗೇಂದ್ರ ಮಟ್ಟಿಯ ಅನಾಥಾಶ್ರಮ ಪ್ರದೇಶ ಸಂಪೂರ್ಣ ಜಲಾವೃತಗೊಂಡಿದೆ.

ಕಳೆದ ಎರಡ್ಮೂರು ದಿನದಿಂದ ನಿರಂತರವಾಗಿ ಮಳೆ ಸುರಿಯುತ್ತಿದ್ದು, ಜನ ಜೀವನ ಸಂಪೂರ್ಣ ಅಸ್ವಸ್ಥಗೊಂಡಿದೆ.ಬುಧವಾರ ರಾತ್ರಿ ಸುರಿದ ಭಾರೀ ಮಳೆಗೆ ನಗರ ಪ್ರದೇಶ ನೀರಿನಲ್ಲಿ ಮುಳುಗಡೆಗೊಂಡಿದೆ. ವೃದ್ಧಾಶ್ರಮದಲ್ಲಿ ನೀರು ನುಗ್ಗಿರುವ ಹಿನ್ನೆಲೆಯಲ್ಲಿ 17 ಜನರ ಜೀವನ ಚಿಂತಾಜನಕವಾಗಿದೆ.

ವಿಷಯ ತಿಳಿಯುತ್ತಿದ್ದಂತೆ. ಹಾವೇರಿ, ಎ,ಸಿ. ಚನ್ನಬಸಪ್ಪ. ನಗರಸಭೆ ಪೌರಾಯುಕ್ತ ಪರಶುರಾಮ, ಚಲವಾದಿ. ಪೌರ ಕಾರ್ಮಿಕರು ಹಾಗೂ ಸ್ಥಳೀಯರು ಜೊತೆಗೂಡಿ ವೃದ್ಧರ ರಕ್ಷಣೆ ಮಾಡಿ ನಿರಾಶ್ರಿತರ ಕೇಂದ್ರ (ಹಾವೇರಿ ಜಿಲ್ಲಾ ಗ್ರಂಥಾಲಯದ ಮುಂದಿನ ಅಂಗನವಾಡಿ ಕೇಂದ್ರ)ಕ್ಕೆ ರವಾನೆ ಮಾಡಿದ್ದಾರೆ.