ಬೆಂಗಳೂರು: ಇತ್ತೀಚೆಗೆ ನವದೆಹಲಿಯ ಸೇನಾ ಕುದುರೆ ಸವಾರಿ ಕೇಂದ್ರದಲ್ಲಿ ನಡೆದ ಪ್ರತಿಷ್ಠಿತ ಜೂನಿಯರ್ ರಾಷ್ಟ್ರೀಯ ಕುದುರೆ ಸವಾರಿ ಚಾಂಪಿಯನ್‍ಶಿಪ್ (ಜೆಎನ್‍ಇಸಿ) 2024ರಲ್ಲಿ ಎಂಬಸ್ಸಿ ಇಂಟರ್‍ನ್ಯಾಷನಲ್ ರೈಡಿಂಗ್ ಸ್ಕೂಲ್ (ಇಐಆರ್‍ಎಸ್) ಭಾಗವಹಿಸಿತ್ತು. ಶಾಲೆಯ ಸವಾರರು ಅಸಾಧಾರಣ ಪ್ರತಿಭೆ ಮತ್ತು ಬದ್ಧತೆಯನ್ನು ಪ್ರದರ್ಶಿಸಿ 11 ಪದಕಗಳನ್ನು ಗೆದ್ದರು ಮತ್ತು ಭಾರತದ ಪ್ರಮುಖ ಕುದುರೆ ಸವಾರಿ ಸಂಸ್ಥೆಗಳಲ್ಲಿ ಒಂದಾಗಿ ಇಐಆರ್‍ಎಸ್ನ ಸ್ಥಾನಮಾನವನ್ನು ಎತ್ತಿ ಹಿಡಿದರು.
ಇಕ್ವೆಸ್ಟ್ರಿಯನ್ ಫೆಡರೇಶನ್ ಆಫ್ ಇಂಡಿಯಾ (ಇಈI) ಆಶ್ರಯದಲ್ಲಿ ಆಯೋಜಿಸಲಾದ ಜೆಎನ್‍ಇಸಿ, ದೇಶದಲ್ಲಿ ಕುದುರೆ ಸವಾರಿಯ ಉನ್ನತ ಗುಣಮಟ್ಟವನ್ನು ಸಾಧಿಸುವ ಗುರಿಯನ್ನು ಹೊಂದಿರುವ 10 ರಿಂದ 21 ವರ್ಷದೊಳಗಿನ ಕ್ರೀಡಾಪಟುಗಳಿಗೆ ರಾಷ್ಟ್ರೀಯ ಕಾರ್ಯಕ್ರಮವಾಗಿದೆ. ಲೀಗ್ನಲ್ಲಿ ಡ್ರೆಸಾಜ್, ಶೋ ಜಂಪಿಂಗ್, ಈವೆಂಟಿಂಗ್ ಮತ್ತು ಟೆಂಟ್ ಪೆಗ್ಗಿಂಗ್ ಸೇರಿವೆ, ಇದನ್ನು ಸವಾರರ ವಯಸ್ಸಿನ ಗುಂಪುಗಳಿಗೆ ಅನುಗುಣವಾಗಿ ವರ್ಗೀಕರಿಸಲಾಗಿದೆ.
