ಮುಂಬೈ: ಮುಂಬೈನ ಯುವ ಕ್ರಿಕೆಟಿಗ ಆಯುಷ್ ಮ್ಹಾತ್ರೆ, ವೃತ್ತಿಪರ ಕ್ರಿಕೆಟ್ ನ ಮೂರು ಮಾದರಿಗಳಾದ ಫಸ್ಟ್-ಕ್ಲಾಸ್, ಲಿಸ್ಟ್ ಎ ಮತ್ತು ಟಿ೨೦ಯಲ್ಲಿ ಶತಕ ಗಳಿಸಿದ ಅತಿ ಕಿರಿಯ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ೧೮ ವರ್ಷದ ೧೩೫ ದಿನಕ್ಕೆ, ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ ವಿದರ್ಭ ವಿರುದ್ಧ ೪೯ ಎಸೆತಗಳಲ್ಲಿ ಶತಕ ಸಿಡಿಸಿ
ಈ ಸಾಧನೆಗೈದರು. ಈ ಮೂಲಕ ರೋಹಿತ್ ಶರ್ಮಾ ಅವರ ೧೯ ವರ್ಷ ೩೩೯ ದಿನಗಳ ಹಿಂದಿನ ದಾಖಲೆಯನ್ನು ಮುರಿದರು. ಉನ್ಮುಕ್ತ್ ಚಂದ್ ೨೦ನೇ ವಯಸ್ಸಿನಲ್ಲಿ ಈ ಸಾಧನೆ ಮಾಡಿ ಮೂರನೇ ಸ್ಥಾನದಲ್ಲಿದ್ದಾರೆ.
ಲಕ್ನೋದಲ್ಲಿ ನಡೆದ ಪಂದ್ಯದಲ್ಲಿ, ಮಹಾತ್ರೆ ೫೩ ಎಸೆತಗಳಲ್ಲಿ ಅಜೇಯ ೧೧೦ ರನ್ ಗಳಿಸಿ ಮುಂಬೈಗೆ ೧೩ ಎಸೆತ ಬಾಕಿ ಇರುವಂತೆಯೇ ವಿಕೆಟ್‌ಗಳ ಗೆಲುವು ತಂದುಕೊಟ್ಟರು. ಅವರ ಇನ್ನಿಂಗ್ಸ್‌ನಲ್ಲಿ ೮ ಬೌಂಡರಿ ಮತ್ತು ೭ ಸಿಕ್ಸರ್‌ಗಳು ಸೇರಿದ್ದವು. ಮೊದಲು ಬ್ಯಾಟ್ ಮಾಡಿದ ವಿದರ್ಭ, ಅಥರ್ವ ತೈಡೆ ಮತ್ತು ಅಮನ್ ಮೋಖಾಡೆ ಅವರ ಅರ್ಧಶತಕಗಳ ನೆರವಿನಿಂದ
೨೦ ಓವರ್‌ಗಳಲ್ಲಿ ೧೯೨ ರನ್ ಗಳಿಸಿತ್ತು.
೧೯೩ ರನ್ ಗುರಿ ಬೆನ್ನಟ್ಟಿದ ಮುಂಬೈ ಪರ, ಮಹಾತ್ರೆಗೆ ಶಿವಂ ದುಬೆ ಉತ್ತಮ ಬೆಂಬಲ ನೀಡಿದರು. ದುಬೆ ೧೯ ಎಸೆತಗಳಲ್ಲಿ ಅಜೇಯ ೩೯ ರನ್ ಗಳಿಸಿದರು, ಇದರಲ್ಲಿ ೩ ಬೌಂಡರಿ ಮತ್ತು ೩ ಸಿಕ್ಸರ್‌ಗಳಿದ್ದವು. ಮಹಾತ್ರೆಯ ಅಬ್ಬರದ ಬ್ಯಾಟಿಂಗ್ ನಿಂದಾಗಿ ಕಠಿಣ ಗುರಿಯೂ ಸುಲಭವಾಗಿ ಕಾಣಿಸಿತು. ದುಬೆಯೊಂದಿಗೆ ಮಹಾತ್ರೆ ಉತ್ತಮ ಜೊತೆಯಾಟ ನೀಡಿ ತಂಡಕ್ಕೆ ಗೆಲುವು ತಂದುಕೊಟ್ಟರು.
ಇತ್ತೀಚೆಗೆ ಮಹಾತ್ರೆಯ ಫಾರ್ಮ್ ಗಮನ ಸೆಳೆದಿದೆ. ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಅವರನ್ನು ಮುಂಬರುವ ಏಷ್ಯಾ ಕಪ್‌ಗಾಗಿ ೧೫ ಸದಸ್ಯರ ಭಾರತ ೧೯ ತಂಡದ ನಾಯಕರನ್ನಾಗಿ ಆಯ್ಕೆ ಮಾಡಿದೆ. ಚೆನ್ನೈ ಸೂಪರ್ ಕಿಂಗ್ಸ್ ಕೂಡಾ ಅವರ ಬ್ಯಾಟಿಂಗ್ ಸಾಮರ್ಥ್ಯವನ್ನು ಗುರುತಿಸಿ, ಮುಂದಿನ ಐಪಿಎಲ್ ಸೀಸನ್‌ಗೆ ಅವರನ್ನು ಉಳಿಸಿಕೊಂಡಿದೆ.
ಐಪಿಎಲ್‌ನಲ್ಲಿ ಅತ್ಯಂತ ವೇಗದ ಶತಕ ಬಾರಿಸಿ ಕ್ರಿಕೆಟ್ ಜಗತ್ತನ್ನು ಬೆರಗುಗೊಳಿಸಿದ್ದ ಯುವ ಆಟಗಾರ ವೈಭವ್ ಸೂರ್ಯವಂಶಿ, ಇದೀಗ ಮತ್ತೊಂದು ಸ್ಫೋಟಕ ಶತಕದೊಂದಿಗೆ ತಮ್ಮ ಸಾಮರ್ಥ್ಯ ಆಕಸ್ಮಿಕವಲ್ಲ ಎಂಬುದನ್ನು ಸಾಬೀತುಪಡಿಸಿದ್ದಾರೆ. ಏಷ್ಯಾ ಕಪ್ ರೈಸಿಂಗ್ ಸ್ಟಾರ್ಸ್ ೨೦೨೫ ಪಂದ್ಯಾವಳಿಯಲ್ಲಿ ಭಾರತ ’ಎ’ ತಂಡದ ಪರ ಆರಂಭಿಕನಾಗಿ ಕಣಕ್ಕಿಳಿದ ವೈಭವ್, ಕೇವಲ ೪೨ ಎಸೆತಗಳಲ್ಲಿ ೧೪೪ ರನ್ ಸಿಡಿಸಿದರು. ಇವರ ಇನ್ನಿಂಗ್ಸ್‌ ನಲ್ಲಿ 17 ಎಸೆತಗಳಲ್ಲಿ ಅರ್ಧಶತಕ ಮತ್ತು 32 ಎಸೆತಗಳಲ್ಲಿ ಶತಕ ಪೂರೈಸಿದ್ದು ದಾಖಲೆಯಾಗಿದೆ.
