ಭಾರತದ ವೇಗಿ ಜಸ್‍ಪ್ರಿತ್ ಬುಮ್ರಾ ಭಾರತೀಯ ಬೌಲರ್‍ಗಳ ಪೈಕಿ ಐಸಿಸಿ ರೇಟಿಂಗ್ ಇತಿಹಾಸದಲ್ಲೇ ಜಂಟಿ ಅತ್ಯುತ್ತಮ ಸ್ಥಾನ ಗಳಿಸಿದ್ದಾರೆ. ಈ ಹಾದಿಯಲ್ಲಿ ಅವರು ಸ್ಪಿನ್ನರ್ ಹಾಗೂ ಇತ್ತೀಚಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್‍ಗೆ ವಿದಾಯ ಹೇಳಿದ ರವಿಚಂದ್ರನ್ ಅಶ್ವಿನ್ ಅವರ ದಾಖಲೆಯನ್ನು ಸರಿಗಟ್ಟಿದ್ದಾರೆ.
ಬ್ರಿಸ್ಬೇನ್‍ನಲ್ಲಿ ಡ್ರಾನಲ್ಲಿ ಕೊನೆಗೊಂಡ ಮೂರನೇ ಟೆಸ್ಟ್‍ನಲ್ಲಿ 94ಕ್ಕೆ 9 ವಿಕೆಟ್ ಪಡೆದ ಬುಮ್ರಾ, ತ್ವರಿತವಾಗಿ 14 ರೇಟಿಂಗ್ ಪಾಯಿಂಟ್ಸ್ ಗಿಟ್ಟಿಸಿದ್ದಾರೆ. ಈ ಮೂಲಕ ಐಸಿಸಿ ರ?ಯಾಂಕಿಂಗ್ ನಲ್ಲಿ ಗರಿಷ್ಠ 904 ರೇಟಿಂಗ್ ಅಂಕಗಳನ್ನು ಹೊಂದಿದ್ದ ಅಶ್ವಿನ್ ಅವರ ದಾಖಲೆಯನ್ನು ಸಮಗೊಳಿಸಿದ್ದಾರೆ.ಅಶ್ವಿನ್ ಹಿಂದಿಕ್ಕಲು ಸಹ ಅವಕಾಶಇದು ಮಾತ್ರವಲ್ಲದೆ, ಬೌಲರ್‍ಗಳ ರ?ಯಾಂಕಿಂಗ್ ಅಗ್ರಸ್ಥಾನ ಕಾಯ್ದುಕೊಂಡಿದ್ದಾರೆ. ಗುರುವಾರ ಆರಂಭವಾಗಲಿರುವ ಬಾಕ್ಸಿಂಗ್ ಡೇ ಟೆಸ್ಟ್‍ನಲ್ಲಿ ಕಣಕ್ಕಿಳಿಯುತ್ತಿರುವ ಬುಮ್ರಾ, 2016ರಲ್ಲಿ ಅತ್ಯಧಿಕ ರೇಟಿಂಗ್ ಪಡೆದ ಭಾರತೀಯ ಎಂಬ ಸಾಧನೆ ಮಾಡಿರುವ ಅಶ್ವಿನ್ ಅವರ ದಾಖಲೆ ಮುರಿಯಲು ಈಗ ಅತ್ಯುತ್ತಮ ಅವಕಾಶವಿದೆ.
ದಕ್ಷಿಣ ಆಫ್ರಿಕಾದ ಕಗಿಸೊ ರಬಾಡ (856) ಮತ್ತು ಆಸ್ಪ್ರೇಲಿಯಾದ ಜೋಶ್ ಹೇಜಲ್‍ವುಡ್ (852) ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನದಲ್ಲಿದ್ದಾರೆ. ಆಲ್‍ರೌಂಡರ್‍ಗಳ ವಿಭಾಗದಲ್ಲಿ 424 ಅಂಕಗಳನ್ನು ಹೊಂದಿರುವ ಭಾರತದ ರವೀಂದ್ರ ಜಡೇಜಾ, ಮೊದಲ ಸ್ಥಾನದಲ್ಲಿ ಮುಂದುವರಿದಿದ್ದಾರೆ.ಇನ್ನು ಟೆಸ್ಟ್ ಕ್ರಿಕೆಟ್ ನಲ್ಲಿ 200 ವಿಕೆಟ್ ಸಾಧನೆ ಮಾಡಲು ಜಸ್‍ಪ್ರಿತ್ ಬುಮ್ರಾ ಅವರಿಗೆ 6 ವಿಕೆಟ್ ಗಳ ಅಗತ್ಯವಿದೆ. ಇದು ಸಾಧ್ಯವಾದರೆ, ಈ ಸಾಧನೆ ಮಾಡಿದ 12ನೇ ಭಾರತೀಯ ಬೌಲರ್ ಎನಿಸಲಿದ್ದಾರೆ.
ಭರ್ಜರಿ ಫಾರ್ಮ್ ನಲ್ಲಿ ಬುಮ್ರಾಟೂರ್ನಿಯಲ್ಲಿ ಭರ್ಜರಿ ಫಾರ್ಮ್ ನಲ್ಲಿರುವ ಬುಮ್ರಾ ಅವರು ಆಡಿರುವ 3 ಪಂದ್ಯಗಳಿಂದ ಒಟ್ಟು 21 ವಿಕೆಟ್ ಗಳಿಸಿದ್ದಾರೆ. ಒಂದು ವೇಳೆ ಮೆಲ್ಬರ್ನ್ ನಲ್ಲಿ 9 ವಿಕೆಟ್ ಗಳಿಸಲು ಸಾಧ್ಯವಾದರೆ ಬಾರ್ಡರ್ ಗವಾಸ್ಕರ್ ಟ್ರೋಫಿಯ ಸರಣಿಯೊಂದರಲ್ಲಿ 30 ವಿಕೆಟ್ ಗಳಿಸಿದ ಮೊದಲ ವೇಗದ ಬೌಲರ್ ಎಂಬ ಗೌರವಕ್ಕೆ ಪಾತ್ರರಾಗಲಿದ್ದಾರೆ. ಆಸ್ಟ್ರೇಲಿಯಾದ ವೇಗದ ಬೌಲರ್ ಬೆನ್ ಹಿಲ್ಫೆನಾಝ್ 2011ರಲ್ಲಿ 27 ವಿಕೆಟ್ ಪಡೆದಿರುವುದು ಈವರೆಗಿನ ದಾಖಲೆಯಾಗಿದೆ. ಒಂದು ವೇಳೆ ಮೆಲ್ಬರ್ನ್ ನಲ್ಲಿ ಈ ಸಾಧನೆ ಅಸಾಧ್ಯವಾದರೆ ಸಿಡ್ನಿಯಲ್ಲೂ ಅವಕಾಶ ಇದ್ದೇ ಇದೆ.
