ಬಾಗೇಪಲ್ಲಿ: ಅನೇಕ ದಿನಗಳ ಜನರ ಕನಸು ನನಸಾಗಿದೆ ಚೇಳೂರು ತಾಲ್ಲೂಕಿಗೆ ಮುಂದಿನ ವರ್ಷದಲ್ಲಿ ಪ್ರಜಾಸೌಧ (ಮಿನಿವಿಧಾನಸೌಧ) ಮಂಜೂರಾತಿ ಮಾಡಿಸಿ ಕೊಡುವುದಾಗಿ ರಾಜ್ಯ ಕಂದಾಯ ಸಚಿವರಾದ ಕೃಷ್ಣ ಬೈರೇಗೌಡ ಭರವಸೆ ನೀಡಿದರು.
ಚಿಕ್ಕಬಳ್ಳಾಪುರದ ಜಿಲ್ಲಾಧಿಕಾರಿಗಳ ಕಛೇರಿಯಲ್ಲಿ ಜೋಡಿ ಗ್ರಾಮಗಳ ಪಹಣಿ ವಿತರಣೆ ಕಾರ್ಯಕ್ರಮದ ನಂತರ ಚೇಳೂರು ತಾಲ್ಲೂಕು ಹೋರಾಟಗಾರರ ಮನವಿಪತ್ರ ಸ್ವೀಕರಿಸಿ ಮಾತನಾಡಿದ ಅವರು ಚೇಳೂರು ನೂತನ ತಾಲ್ಲೂಕಿಗೆ ಅಭಿವೃದ್ದಿ ದೃಷ್ಠಿಯಿಂದ ಒಳ್ಳೆಯ ಜಾಗವನ್ನು ನೋಡಿ ಶಾಸಕರ ಮುಖೇನಾ ಹಂತ ಹಂತವಾಗಿ ತಾಲ್ಲೂಕು ಮಟ್ಟದ ಸರಕಾರಿ ಕಛೇರಿಗಳನ್ನ ತೆರಸುವುದಾಗಿ ಹೇಳಿದರು.
ಜಿಲ್ಲಾ ಉಸ್ತುವಾರಿ ಸಚಿವ ಡಾ ಎಂ.ಸಿ ಸುಧಾಕರ್ ಮಾತನಾಡಿ ಜಿಲ್ಲೆಯ ಚೇಳೂರು ಮತ್ತು ಮಂಚೇನಹಳ್ಳಿ ತಾಲ್ಲೂಕುಗಳನ್ನು ಅಭಿವೃದ್ದಿ ಮಾಡುತ್ತೇವೆ ಅನೇಕ ವರ್ಷಗಳ ತಾಲ್ಲೂಕು ಆಗಲು ಚೇಳೂರು ಹೋರಾಟ ಸಮಿತಿ ಹೋರಾಟಗಾರರು ಅಲ್ಲಿನ ಜನತೆ ಸುಮಾರು ವರ್ಷಗಳ ಸತತ ಹೋರಾಟದ ಪ್ರತಿಫಲವಾಗಿ ತಾಲ್ಲೂಕಾಗಿದೆ ಎಂದರು.
5 ವರ್ಷಗಳಾದರೂ ಚೇಳೂರು ತಾಲ್ಲೂಕಿಗೆ ಅಧಿಕಾರಿಗಳಿಲ್ಲ ಯಾವುದೇ ಇಲಾಖೆಗಳ ಕಛೇರಿಗಳಿಲ್ಲ ಭೂಮಿ ಶಾಖೆ ಪ್ರಾರಂಭ ಮಾಡ ಎರಡುವರೇ ತಿಂಗಳಿಂದ ವಿಳಂಭ ಮಾಡುತ್ತಿದ್ದಾರೆ ಚಿಂತಾಮಣಿ ತಾಲ್ಲೂಕಿನಿಂದ ಚೇಳೂರು ತಾಲ್ಲೂಕಿಗೆ ಬರುವ ಚಿಲಕಲನೇರ್ಪು, ಏನಿಗದಲೆ, ಬುರುಡಗುಂಟೆ, ಟಿ.ಗೊಲ್ಲಹಳ್ಳಿ, ನಾರೇಮದ್ದೇಪಲ್ಲಿ, ಸೋಮನಾಥಪುರ, ಕುರುಬರಹಳ್ಳಿ, ಪೋಲನಾಯಕನಹಳ್ಳಿ ಗ್ರಾಮಗಳ 8 ಕಂದಾಯ ವೃತ್ತಗಳ ಹಳೇ ಮೂಲ ದಾಖಲಾತಿಗಳು ಬಂದಿರುವುದಿಲ್ಲ ಚೇಳೂರು ಸರಕಾರಿ ಆಸ್ತಿಗಳು ಕಬಳಿಸಿ ಭೂ-ಕಳ್ಳರು ಒತ್ತುವರಿ ಮಾಡಿಕೊಂಡಿರುವವರ ವಿರುದ್ದ ಕಾನೂನು ಕ್ರಮ ಜರುಗಿಸಬೇಕಾಗಿದೆ ಸರಕಾರಿ ಆಸ್ಪತ್ರೆ ಮೇಲ್ಧರ್ಜಗೆ ಏರಿಸಬೇಕಾಗಿದೆ ಇಬ್ಬರು ವೈಧ್ಯಾಧಕಾರಿಗಳನ್ನು ನೇಮಕ ಮಾಡಬೇಕೆಂದು ಸಚಿವರುಗಳಿಗೆ ಮನವಿ ಪತ್ರದಲ್ಲಿ ಮನವಿ ನೀಡಿದ್ದಾರೆ.
ಈ ಸಂದರ್ಭದಲ್ಲಿ ಬಾಗೇಪಲ್ಲಿ ಶಾಸಕ ಎಸ್ ಎನ್ ಸುಬ್ಬಾರೆಡ್ಡಿ, ಕಂದಾಯ ವಿಭಾಗೀಯ ಆಯುಕ್ತ ಸುನೀಲ್ ಜಿಲ್ಲಾಧಿಕಾರಿ ಪಿ.ಎನ್.ರವೀಂದ್ರ ಹಾಜರಿದ್ದ ಸಭೆಯಲ್ಲಿ ಚೇಳೂರು ತಾಲ್ಲೂಕು ಹೋರಾಟ ಸಮಿತಿ ನಿಯೋಗದಲ್ಲಿ ಪ್ರಮುಖ ಸದಸ್ಯರಾದ ಮರವಪಲ್ಲಿ ಜಿ.ವಿ.ಕೃಷ್ಣಾರೆಡ್ಡಿ. ಕೋತ್ತೂರುಪಲ್ಲಿ ಕೆ.ವಿ.ಶ್ರೀನಿವಾಸರೆಡ್ಡಿ ಪಿ.ರಾಧಾಕೃಷ್ಣ ಪೇಪರ್ ಚಲಪತಿ, ಜಿ.ಪಾಪಿರೆಡ್ಡಿ, ಕೆ.ಎನ್.ಅಶ್ವಥನಾರಾಯಣ, ಜಿ.ಸುಧಾಕರ್ ಸೇರಿದಂತೆ ಮತ್ತಿತರರು ಹಾಜರಿದ್ದರು.