ಬೆಂಗಳೂರು: ಆನಂದ ಧ್ವನಿ ಸಂಗೀತ ಟ್ರಸ್ಟ್ ಇತ್ತೀಚೆಗೆ ಆಯೋಜಿಸಿದ್ದ ವೈಟ್‍ಫೀಲ್ಡ್ ಸಂಗೀತೋತ್ಸವ 2023 ರ ಏಳನೇ ಆವೃತ್ತಿ ಪ್ರೇಕ್ಷಕರ ಮನಸೂರೆಗೊಂಡಿತು. ಮಹದೇವಪುರ ಕ್ಷೇತ್ರದ ಶಾಸಕಿ ಶ್ರೀಮತಿ ಮಂಜುಳಾ ಲಿಂಬಾವಳಿಯವರು ವೈಟ್ ಫೀಲ್ಡ್ ನ ಇನ್ನರ್ ಸರ್ಕಲ್ ಮೈದಾನದಲ್ಲಿ ಎರಡು ದಿನಗಳ ಸಂಗೀತೋತ್ಸವ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.
ಮೊದಲ ಗೋಷ್ಠಿಯಲ್ಲಿನ ವಿದುಷಿ ಬಿಂಬಾವತಿ ದೇವಿ ಮತ್ತು ಸುಶ್ರೀ ಮಧುಲಿತಾ ಮಹಾಪಾತ್ರ ಮತ್ತು ಅವರ ತಂಡದಿಂದ ಮಣಿಪುರಿ-ಒಡಿಸ್ಸಿ ನೃತ್ಯ ಪ್ರದರ್ಶನ ಪ್ರೇಕ್ಷಕರ ಪ್ರಶಂಸೆಗೆ ಪಾತ್ರವಾಯಿತು.ಯುವ ಸಂಗೀತಗಾರರಾದ ವಿನೋದ್ ಅನೂರ್ ಮೃದಂಗ, ವೀಣೆಯಲ್ಲಿ ರಕ್ಷಿತಾ ರಮೇಶ್, ಹಿಂದೂಸ್ತಾನಿ ಕೊಳಲುವಾದನಲ್ಲಿ ಆಕಾಶ್ ಮತ್ತು ತಬಲಾದಲ್ಲಿ ಇಶಾನ್ ಘೋಷ್ ಅವರೊಂದಿಗೆ ವೀಣೆ-ವೇಣು ಜುಗಲ್ಬಂದಿಯ ಆನಂದ ಧ್ವನಿಯು ವೀಕ್ಷಕರ ಚಪ್ಪಾಳೆ ಗಿಟ್ಟಿಸಿತು.
ವಿದುಷಿಗಳಾದ ರಂಜನಿ ಮತ್ತು ಗಾಯತ್ರಿ ಅವರಿಂದ ಕರ್ನಾಟಕ ಸಂಗೀತ ಕಾರ್ಯಕ್ರಮ `ರಾಗ’ ನಡೆಯಿತು. ರಾಗ ಹಂಸಧ್ವನಿಗೆ ಪಿಟೀಲಿನಲ್ಲಿ ಎಲ್ ರಾಮಕೃಷ್ಣನ್, ಮೃದಂಗದಲ್ಲಿ ದೆಹಲಿ ಸಾಯಿರಾಂ ಮತ್ತು ಘಟಂನಲ್ಲಿ ಎಸ್ ಕೃಷ್ಣ ಅವರು ಜೊತೆಯಾದರು.
ದಿನ 2ರ ಸಂಜೆ ಸಂಗೀತ ರತ್ನ ಪ್ರಬೀರ್ ಭಟ್ಟಾಚಾರ್ಯ ಅವರ ಸುಂದರವಾದ ಸಿತಾರ್ ಪ್ರದರ್ಶನದೊಂದಿಗೆ ಪ್ರಾರಂಭವಾಯಿತು, ಜೊತೆಗೆ ತಬಲಾದಲ್ಲಿ ಪಂ.ಅನಿಂದೋ ಚಟರ್ಜಿ ಜೊತೆಯಾದರು.
ಪೌರಾಣಿಕ ತಬಲಾ ಮಾಂತ್ರಿಕ ಮತ್ತು ಮೈಹಾರ್ ಘರಾನಾದ ಭರವಸೆಯ ಯುವ ಸಿತಾರ್ ಮಾಂತ್ರಿಕನ ಪರಿಪೂರ್ಣ ಸಂಯೋಜನೆಯು ಪ್ರೇಕ್ಷಕರಿಗೆ ಒಂದು ರಸದೌತಣವಾಗಿತ್ತು.ಹೆಸರಾಂತ ವಿದುಷಿ ಕೌಶಿಕಿ ಚಕ್ರವರ್ತಿಯವರ ಹಿಂದೂಸ್ತಾನಿ ಗಾಯನದೊಂದಿಗೆ ಎರಡು ದಿನಗಳ ಸಂಗೀತ ಸಂಭ್ರಮವು ಸಂಪನ್ನಗೊಂಡಿತು.
ಅವರ ಮಗ ರಿಷಿತ್ ಅವರ ಜೊತೆಯಲ್ಲಿ ಪ್ರದರ್ಶನ ನೀಡಿದ್ದು ಸಂಗೀತ ಪ್ರಿಯರಿಗೊಂದು ಅನನ್ಯ ಅನುಭವವಾಗಿತ್ತು. ಸಾರಂಗಿ, ಪಂ.ಉಸ್ತಾದ್ ಮುರಾದ್ ಅಲಿ ಖಾನ್, ಹಾರ್ಮೋನಿಯಂನಲ್ಲಿ ಅಜಯ್ ಜೋಗ್ಲೇಕರ್, ಮತ್ತು ಪಂ. ಓಜಸ್ ಅಧಿಯಾನ್ ತಬಲಾದೊಂದಿಗೆ ಸಾಥ್ ನೀಡಿದರು. ಆನಂದ್ ಧ್ವನಿ ಮ್ಯೂಸಿಕ್ ಟ್ರಸ್ಟ್ ಲಾಭರಹಿತ ಸಂಸ್ಥೆಯಾಗಿದೆ. www.anandadhwani.in.
