ಸಂವಿಧಾನ ಜಾಗೃತಿ ಜಾಥಾಗೆ ಮೆರುಗು ನೀಡಿದ ಲೇಸರ್ ಶೋ

ದೇವನಹಳ್ಳಿ: ಭಾರತ ಸಂವಿಧಾನ ಅಂಗೀಕಾರವಾಗಿ 75 ವರ್ಷ ಪೂರೈಸಿದ ಹಿನ್ನಲೆಯಲ್ಲಿ ಹಮ್ಮಿ ಕೊಂಡಿರುವ ಸಂವಿಧಾನ ಜಾಗೃತಿ
ಕಾರ್ಯಕ್ರಮವನ್ನು ನೆಲಮಂಗಲ ಟೌನ್‍ನ ಅಂಬೇಡ್ಕರ್ ಕ್ರೀಡಾಂಗಣದಲ್ಲಿ ಆಧುನಿಕ ಲೇಸರ್ ಶೋ ಮೂಲಕ ವಿನೂತನವಾಗಿ ವಿಜ್ರಂ ಭಣೆಯಿಂದ ಆಚರಿಸಲಾಯಿತು.

ಸಾರ್ವಜನಿಕರಿಗೆ ಸಂವಿಧಾನ ಮಹತ್ವ ಸಾರಲು ಹೊಸ ಪರಿಕಲ್ಪನೆಯೊಂದಿಗೆ ಲೇಸರ್ ಶೋ ನಡೆಸಲಾಯಿತು. ಲೇಸರ್ ಶೋನಲ್ಲಿ ಸಂವಿಧಾನ ರಚನೆ, ಇತಿಹಾಸ ಮಹತ್ವ, ಡಾ.ಬಿ.ಆರ್ ಅಂಬೇಡ್ಕರ್ ಅವರ ಕೊಡುಗೆಯನ್ನು ಪ್ರದರ್ಶಿಸಲಾಯಿತು. ಸಾವಿರಾರು ಸಂಖ್ಯೆಯಲ್ಲಿ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಕಾರ್ಯಕ್ರಮ ಯಶಸ್ವಿಗೊಳಿಸಿದರು.

ಜಿಲ್ಲಾಧಿಕಾರಿ ಡಾ.ಶಿವಶಂಕರ ಎನ್ ಅವರು ಸಂವಿಧಾನ ಪೀಠಿಕೆಯನ್ನು ನೆರೆದಿದ್ದ ಸಾರ್ವಜನಿಕರಿಗೆ ಹಾಗೂ ಅಧಿಕಾರಿಗಳಿಗೆ ಬೋಧಿಸಿದರು.ಕಾರ್ಯಕ್ರಮದಲ್ಲಿ ಜಿಲ್ಲಾಧಿಕಾರಿ ಡಾ.ಎನ್ ಶಿವಶಂಕರ, ಜಿಲ್ಲಾ ಸಮಾಜ ಕಲ್ಯಾಣ ಇಲಾಖೆಯ ಉಪ ನಿರ್ದೇಶಕಿ ಟಿ.ಎಲ್.ಎಸ್ ಪ್ರೇಮ, ನೆಲಮಂಗಲ ತಹಶೀ ಲ್ದಾರ್ ಅಮೃತ್ ಅತ್ರೇಶ್, ಜಿಲ್ಲಾಮಟ್ಟದ ಅಧಿಕಾರಿಗಳು, ತಾಲ್ಲೂಕು ಮಟ್ಟದ ಅಧಿಕಾರಿಗಳು, ಜನಪ್ರತಿನಿಧಿಗಳು, ವಿವಿಧ ಸಂಘಟನೆಗಳು, ಸಾರ್ವಜನಿಕರು, ಶಾಲಾ ಕಾಲೇಜು ವಿದ್ಯಾರ್ಥಿಗಳು ಭಾಗವಹಿಸಿದ್ದರು.