ಜಗತ್ತಿನ ದುಃಖ, ಜಂಜಾಟ ಎಲ್ಲದಕ್ಕೂ ಶ್ರೀ ಶಂಕರಚಾರ್ಯರು ತಮ್ಮ ಅದ್ವೈತ ಸಿದ್ದಾಂತದಲ್ಲಿ ಪರಿಹಾರವನ್ನು ನೀಡಿದ್ದು, ಜಗತ್ತಿನ ಎಲ್ಲಾ ಸಮಸ್ಯೆಗಳಿಗೂ ಆತ್ಮಜ್ಞಾನ ಹೊಂದುವ
ಮೂಲಕ ಪರಿಹಾರವನ್ನು ಪಡೆಯಬಹುದಾಗಿದೆ. ಎಂದು ಭಗವಾನ್ ಶ್ರೀ ಶಂಕರಾಚಾರ್ಯರು ತಮ್ಮ ಭಾಷ್ಯದ ಮೂಲಕ ಅದ್ವೈತ ಸಿದ್ದಾಂತದಲ್ಲಿ ಪ್ರತಿಪಾದಿಸಿರುವ ಅವರು, ” ತತ್ವ ಮಸಿ ” – “ನನ್ನೊಳಗಿರುವ ಆತ್ಮವೇ ಸತ್ಯ, ಉಳಿದೆಲ್ಲವೂ ಮಿಥ್ಯ ” ಆತ್ಮಜ್ಞಾನದ ಮೂಲಕವೇ ಜೀವನದ ದುಃಖ,ಕ್ಲೇಶ ಜಂಜಾಟ, ನೋವು ಎಲ್ಲವಕ್ಕೂ ಪರಿಹಾರ ಕಂಡುಕೊಂಡು, ಜೀವನದಲ್ಲಿ ಸುಖ ಸಂತೋಷ ಶ್ರೇಯಸ್ಸನ್ನ ಹೊಂದಿ, ಜೀವನದ ಪರಮೋಚ್ಚ ಗುರಿಯಾದ ” ಮೋಕ್ಷ”ವನ್ನು ಹೊಂದಬಹುದಾಗಿದೆ. ಎಂಬುದು ಚಿತ್ರದ ಪ್ರಧಾನ ಅಂಶವಾಗಿದ್ದು, ಸಮಾಜದ ಮೂಢನಂಬಿಕೆಗಳನ್ನು ಸಹ ಈ ಚಿತ್ರದಲ್ಲಿ ಶ್ರೀ ಶಂಕರಾಚಾರ್ಯರು ಉಗ್ರವಾಗಿ ಖಂಡಿಸಿರುವುದು ವಿಶೇಷ. ಸನಾತನ ಧರ್ಮದ ಉಳಿವು, ಹಾಗೂ ಹಿಂದೂ ಧರ್ಮದ ರಕ್ಷಣೆಗೆ ಶ್ರೀ ಶಂಕರರು ಉಪದೇಶಿಸಿರುವುದು ಚಿತ್ರದ ಕಥಾ ವಸ್ತುವಾಗಿದೆ. ಪ್ರೇಕ್ಷಕರನ್ನು ಹಿಡಿದಿಡುವಂತೆ ಅರ್ಜುನ್ ಜನ್ಯ ರವರ ಸಂಗೀತದಲ್ಲಿ ೩ ಹಾಡುಗಳು ಮೂಡಿಬಂದಿರುವುದು ವಿಶೇಷ.
ಶ್ರೀ ಶಂಕರಾಚಾರ್ಯರ ಮೂಲಕ ಶಿವನೇ ಲೋಕೋ ದ್ದಾರಕ್ಕಾಗಿ, ಸಮಸ್ತ ಜನತೆ ಹಾಗೂ ಹಿಂದೂ ಧರ್ಮದ ಉದ್ದಾರಕ್ಕಾಗಿ ಭುವಿಗೆ ಅವತರಿಸಿದ ಎಂಬ ಕಥಾ ಹಂದರವನ್ನು ರಾಷ್ಟ್ರೀ ಪ್ರಶಸ್ತಿ ನಿರ್ದೇಶಕ ರಾಜಾ ರವಿಶಂಕರ್, ನಿರ್ಮಾಪಕರಾಗಿ ವಿಜಯಲಕ್ಷ್ಮೀ ವೈ. ಎನ್. ಶರ್ಮಾ.. ಹಾಗು ತಾರಾಬಳಗದಲ್ಲಿ ರಮೇಶ್ ಭಟ್, ವಿನಯ್ ಪ್ರಸಾದ್, ಸಾಯಿ ಪ್ರಕಾಶ್,
ರಾಮಕೃಷ್ಣ, ಶಿವಕುಮಾರ್ ಆರಾಧ್ಯ, ಮೈಸೂರು ರಮಾನಂದ್, ಆರೂಢ ಭಾರತಿ ಸ್ವಾಮೀಜಿ, ಕವಿ ಡಾ. ಸತ್ಯಮೂರ್ತಿ ಗೂಗಿ, ನಾಯಕನಾಗಿ ರವೀಂದ್ರ ಭಾಗವತ್, ಶಿಷ್ಯರಾಗಿ ಷಣ್ಮುಖ ಅಯ್ಯರ್, ಪವನ್ ಅಭಿನಯಿಸಿದ್ದು, ಅರ್ಜುನ್ ಜನ್ಯ ಅವರ ಸಂಗೀತದ ಮೋಡಿ ಪ್ರೇಕ್ಷಕರನ್ನ ಹಿಡಿದಿಡುವಲ್ಲಿ ಯಶಸ್ವಿಯಾಗಿದೆ. -ಡಾ.ಸತ್ಯಮೂರ್ತಿ
