ಸಿಂಗಾಪುರದಲ್ಲಿ ಕರ್ನಾಟಕ ಪ್ರೆಸ್ ಕ್ಲಬ್ ಕೌನ್ಸಿಲ್ ಆಯೋಜಿಸಿರುವ ವಿಶ್ವ ಕನ್ನಡ ಹಬ್ಬದ ಪೂರ್ವಭಾವಿ ಸಿದ್ಧತೆ ಹಾಗೂ ಪತ್ರಿಕಾ ಗೋಷ್ಠಿ ನಡೆಸಲು ಅಧ್ಯಕ್ಷರಾದ ಶಿವಕುಮಾರ್ ನಾಗರ ನವಿಲೆಯವರು, ಸುನೀಲ್ ಮತ್ತು ರಜತ್ ರವರು ಸಿಂಗಾಪುರಕ್ಕೆ ತೆರಳಿದರು.
ಹೋಗುವ ಮುನ್ನ ಮಹರ್ಷಿ ಡಾ. ಆನಂದ್ ಗುರೂಜಿಯವರ ಆಶೀರ್ವಾದ ಪಡೆಯಲಾಯಿತು. ಗುರೂಜಿಯವರು ಕಾರ್ಯ ಸಿದ್ಧಿಯಾಗಲಿ, ಸಿಂಗಪುರದಲ್ಲಿ ಕನ್ನಡಮ್ಮನ ಕೀರ್ತಿ ಪತಾಕೆ ರಾರಾಜಿಸಲಿ, ತಾಯಿ ಭುವನೇಶ್ವರಿಯ ಕೃಪಾ ಕಟಾಕ್ಷ ಸದಾ ನಿಮ್ಮೊಂದಿಗಿರಲಿ ಎಂದು ಕನ್ನಡ ಭಾವುಟವನ್ನು ಆಶೀರ್ವಾದದ ಮೂಲಕ ಅಧ್ಯಕ್ಷರಿಗೆ ನೀಡಿದರು..
ಅನಂತರ ವನಕಲ್ಲು ಮಠದ ಪೀಠಾಧ್ಯಕರಾದ ಬಸವ ರಮಾನಂದ ಮಹಾಸ್ವಾಮಿಗಳು ಸಿಂಗಾಪುರಕ್ಕೆ ಹೊರಟಿರುವ ತಂಡಕ್ಕೆ ಶುಭ ಕೋರಿ, ಕನ್ನಡ ಹಬ್ಬದ ಸಕಲ ಸಿದ್ಧತೆಗಳು ಯಶಸ್ವಿಯಾಗಲಿ ಎಂದು ಆಶೀರ್ವಾದ ಮಾಡಿದರು. ಈ ಸಂದರ್ಭದಲ್ಲಿ ವಿಶ್ವ ಕನ್ನಡ ಹಬ್ಬದ ಎಲ್ಲಾ ಪದಾಧಿಕಾರಿಗಳು ಕನ್ನಡಮ್ಮನ ಜೈಕಾರ ಹಾಕುವ ಮೂಲಕ ಅಂತಾರಾಷ್ಟ್ರೀಯ ಕೆಂಪೇಗೌಡ ವಿಮಾನ ನಿಲ್ದಾಣಕ್ಕೆ ಬೀಳ್ಕೊಡಲಾಯಿತು.
