ಕೋಲಾರ: ರಾಯಚೂರಿನಲ್ಲಿ ನಡೆದ ಪ್ರಥಮ ಅಂತರ ಮಹಿಳಾ ಮತ್ತು ಪುರುಷ ಅಥ್ಲೆಟಿಕ್ ಕ್ರೀಡಾಕೂಟ 2023-24ರ ರಾಯಚೂರು ವಿಶ್ವವಿದ್ಯಾಲಯ ಮಟ್ಟದಲ್ಲಿ ಭಾಗವಹಿಸಿ ಅಂಜಲಿ ಎನ್.ಸಿ.ಗೌಡ ಉತ್ತಮ ಪ್ರದರ್ಶನ ನೀಡಿ ಒಂದು ಚಿನ್ನ ಸೇರಿದಂತೆ ಮೂರು ಬೆಳ್ಳಿ ಪದಕಗಳನ್ನು ತನ್ನ ಮುಡಿಗೇರಿಸಿಕೊಂಡಿದ್ದಾರೆ.
ಅಂಜಲಿ ಎನ್.ಸಿ.ಗೌಡ ಅವರು ರಾಯಚೂರಿನ ವಿ.ಆರ್.ಇ.ಟಿ ಕಾಲೇಜಿನಲ್ಲಿ ಬಿಪ್ಯಾಡ್ ತರಬೇತಿ ಪಡೆಯುತ್ತಿದ್ದಾರೆ. ಕೋಲಾರ ಜಿಲ್ಲೆಯ ಮಾಲೂರು ತಾಲ್ಲೂಕಿನ ನಾಗೊಂಡಹಳ್ಳಿ ಗ್ರಾಮದ ರೈತಾಪಿ ಕುಟುಂಬದ ಬಡ್ಡೆಗೌಡರ ಚಿಕ್ಕತಿಮ್ಮರಾಯಪ್ಪ, ನಾರಾಯಣಮ್ಮ ರೈತರ ಸುಪುತ್ರಿಯಾಗಿದ್ದು,
200 ಮೀ ಓಟದಲ್ಲಿ ಚಿನ್ನದ ಪದಕ, 100 ಮೀ ಓಟದಲ್ಲಿ ಬೆಳ್ಳಿ ಪದಕ, 100*100 ಮೀ ಬೆಳ್ಳಿ ಪದಕ, 100*400 ಮೀಲ್ಲಿ ಬೆಳ್ಳಿ ಪದಕ ಪಡೆಯುವ ಮೂಲಕ ಒಡಿಶಾದ ಭುವನೇಶ್ವರ ನಗರದಲ್ಲಿ ನಡೆಯುವ ಆಲ್ ಇಂಡಿಯಾ ವಿಶ್ವವಿದ್ಯಾಲಯ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿದ್ದಾರೆ.
