ದ್ವಿಧ್ರುವಿ ಅಸ್ವಸ್ಥತೆ(ಬೈ ಪೋಲಾರ್ ಡಿಸಾರ್ಡರ್) ಎನ್ನುವುದು ಅಸ್ವಾಭಾವಿಕವಾದ ಮತ್ತು ತೀವ್ರ ಸ್ವರೂಪದ ಚಿತ್ತ ಚಾಂಚಲ್ಯವನ್ನುಂಟುಮಾಡುವ ಗಂಭೀರ ಮಾನಸಿಕ ಅಸ್ವಸ್ಥತೆ.ಇದು ಮಾನಸಿಕ ಅಸ್ವಸ್ಥತೆಯ ಒಂದು ಗಂಭೀರ ಮಾನಸಿಕ ಆನಾರೋಗ್ಯ ಸ್ಥಿತಿ. ಇದು ವ್ಯಕ್ತಿಯ ಮನಸ್ಥಿತಿ, ಶಕ್ತಿ ಮತ್ತು ಚಟುವಟಿಕೆಯ ಮಟ್ಟದ ಮೇಲೆ ಗಹನವಾದ ಪರಿಣಾಮ ಬೀರುತ್ತದೆ.
ಬೈಪೋಲಾರ್ ಡಿಸಾರ್ಡರ್ ಇರುವ ಜನರು ತೀವ್ರವಾದ ಗರಿಷ್ಠ ಉನ್ಮಾದ ಮತ್ತು ಖಿನ್ನತೆಯನ್ನು ಅನುಭವಿಸುತ್ತಾರೆ. ಸರಳವಾಗಿ ಹೇಳುವುದಾದರೆ ಇದೊಂದು ಅಸ್ವಾಭಾವಿಕವಾದ ಮತ್ತು ತೀವ್ರ ಸ್ವರೂಪದ ಚಿತ್ತ ಚಾಂಚಲ್ಯವನ್ನುಂಟುಮಾಡುವ ಅಸಾಮಾನ್ಯ ಮಾನಸಿಕ ಅಸ್ವಸ್ಥತೆ.ಬೈಪೋಲಾರ್ ಡಿಸಾರ್ಡರ್ ಹೊಂದಿರುವ ಜನರು ಅಸಾಧಾರಣವಾಗಿ ತೀವ್ರವಾದ ಭಾವನೆಗಳನ್ನು ಅನುಭ ವಿಸುತ್ತಾರೆ, ಅವರ ದೈನಂದಿನ ಚಟು ವಟಿಕೆಗಳಲ್ಲಿ ಅನೇಕ ಬದಲಾವಣೆಗಳು ಮತ್ತು ವಿಶಿಷ್ಟವಲ್ಲದ ನಡವಳಿಕೆಗಳನ್ನು ಕಾಣಬಹುದು.
ಬೈಪೋಲಾರ್ ಡಿಸಾರ್ಡರ್‍ನ ನಿಖರವಾದ ಕಾರಣ ತಿಳಿದಿಲ್ಲ, ಆದರೆ ಅವರ ಪರಿಸರ, ಅನುವಂಶೀಯತೆ, ಬದಲಾದ ಮೆದುಳಿನ ರಚನೆ ಮತ್ತು ರಸಾಯನಶಾಸ್ತ್ರದ ಸಂಯೋಜನೆಯು ಅಸ್ವಸ್ಥತೆಯ ಬೆಳವಣಿಗೆಯಲ್ಲಿ ಗುರುತಿಸಬಹುದು.ವೈದ್ಯರು ಈ ರೀತಿಯ ಅಸ್ವಸ್ಥರಿಗೆ ಸೂಚಿಸುವ ಸಾಮಾನ್ಯ ಔಷಧಿಗಳಲ್ಲಿ ಮೂಡ್ ಸ್ಟೆಬಿಲೈಜರ್‍ಗಳು ಮತ್ತು ವಿಲಕ್ಷಣವಾದ ಆಂಟಿ ಸೈಕೋಟಿಕ್ಸ್, ಖಿನ್ನತೆಗೆ ಕೊಡಬಹುದಾದ ಶಮನಕಾರಿ ಮತ್ತು ಆತಂಕ-ವಿರೋಧಿ ಔಷಧಿಗಳು ಸೇರಿದೆ.
ಬೈಪೋಲಾರ್ ಡಿಸಾರ್ಡರ್ ಜೀವಮಾನದ ಕಾಯಿಲೆಯಾಗಿದೆ, ಆದರೆ ದೀರ್ಘಕಾಲೀನ, ಪ್ರಸ್ತುತ ಚಿಕಿತ್ಸೆಯು ರೋಗಲಕ್ಷಣಗಳನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ ಮತ್ತು ಆರೋಗ್ಯಕರ ಜೀವನವನ್ನು ನಡೆಸಲು ಅನುವು ಮಾಡಿಕೊಡುತ್ತದೆ. ಕೆಲವು ಜೀವನಶೈಲಿಯ ಬದಲಾವಣೆಗಳನ್ನು ಮಾಡುವ ಮೂಲಕ ಈ ರೋಗವನ್ನು ಸರಿ ಪಡಿಸಬಹುದಾಗಿದೆ.
ಕೆಲವು ಆರೋಗ್ಯಕರ ಚಟುವಟಿಕೆಗಳನ್ನು ಅಭ್ಯಾಸ ಮಾಡಿಕೊಳ್ಳಬ ಹುದು. ಅವುಗಳಲ್ಲಿ ಈಜು, ಓಟ ಮತ್ತು ಜಾಗಿಂಗ್‍ನಂತಹ ತೀವ್ರವಾದ ವ್ಯಾಯಾಮಗಳನ್ನು ಅಭ್ಯಾಸ ಮಾಡುವ ಮೂಲಕ ಅವರ ಮಾನಸಿಕ ಸ್ಥಿತಿಯ ಮೇಲೆ ಕಾಳಜಿ ವಹಿಸಬಹುದು. ಬೈಪೋಲಾರ್ ಡಿಸಾರ್ಡರ್ ಮೂಡ್ ಸ್ವಿಂಗ್‍ಗಳಿಂದ ನಿರೂಪಿಸಲ್ಪಟ್ಟಿದೆ. ಉನ್ಮಾದ ಮತ್ತು ಖಿನ್ನತೆಯ ಕಂತುಗಳು ಕೆಲವು ದಿನಗಳಿಂದ ಹಲವಾರು ದಿನಗಳವರೆಗೆ ಇರುತ್ತದೆ. ರೋಗಲಕ್ಷಣಗಳ ತೀವ್ರತೆಯು ತೀವ್ರವಾದ ಗರಿಷ್ಠ (ಉನ್ಮಾದ) ದಿಂದ ತೀವ್ರ ಕನಿಷ್ಠ (ಖಿನ್ನತೆ) ವರೆಗೆ ಇರುತ್ತದೆ.
ರೋಗಲಕ್ಷಣಗಳೆಂದರೆ?: ಅಪರಾಧ ಮತ್ತು ಹತಾಶೆಯ ಭಾವನೆಗಳು, ಶಕ್ತಿಯ ಕೊರತೆ, ವಿಷಯಗಳನ್ನು ಕೇಂದ್ರೀಕರಿಸಲು ಮತ್ತು ನೆನಪಿಟ್ಟುಕೊಳ್ಳಲು ತೊಂದರೆಯಾಗುತ್ತದೆ, ಹೆಚ್ಚಿನ ಸಮಯ ಹತಾಶೆ, ದುಃಖ ಅಥವಾ ಕಿರಿಕಿರಿಯ ಭಾವನೆ ಉಂಟಾಗುತ್ತದೆ. ದೈನಂದಿನ ಚಟುವಟಿಕೆಗಳಲ್ಲಿ ನಿರಾಸಕ್ತಿ, ನಿದ್ರೆಯ ತೊಂದರೆ, ಹಸಿವಿನ ಕೊರತೆ, ಆತ್ಮಹತ್ಯಾ ಅಥವಾ ಸ್ವಯಂ-ಹಾನಿಕಾರಕ ಆಲೋಚನೆಗಳು ಮೂಡುತ್ತದೆ.
ಈ ಮಾನಸಿಕ ಸ್ಥಿತಿಗಳನ್ನು ನಿಯಂತ್ರಿಸುವುದು ಚಿಕಿತ್ಸೆ, ಔಷಧಿ, ಮತ್ತು ಆಪ್ತಸಮಾಲೋಚನೆ ಮೂಲಕ ಮಾತ್ರ ಸಾಧ್ಯವಾಗುತ್ತದೆ. ಆದರೆ ಚಿಕಿತ್ಸೆಯನ್ನು ತೆಗೆದುಕೊಳ್ಳುವಾಗ ವೈದ್ಯರ ಸಲಹೆಯಂತೆ ಅವರ ಜೀವನ ಶೈಲಿ ಇರುವುದು ಬಹಳ ಮುಖ್ಯ.ಬೈಪೋಲಾರ್ ಇರುವ ಜನರು ಒಬ್ಬಂಟಿಗರಾಗಿರಲು ಬಯಸುತ್ತಾರೆ. ಗುಂಪು, ಮನರಂಜನೆಯಾಗಲಿ ಅಥವಾ ಯಾವುದೇ ಸಾಮಾಜಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವದಕ್ಕೆ ಇಷ್ಟ ಪಡುವುದಿಲ್ಲ.
ಈ ರೀತಿಯ ಜನರನ್ನು ಬಹಳ ಆತ್ಮೀಯತೆಯಿಂದ ನೋಡಿಕೊಳ್ಳಬೇಕು. ಇವರನ್ನು ಯಾರು ನೋಡಿಕೊಳ್ಳುವರೊ ಅವರು ಬಹಳ ಸಂಯಮದಿಂದ ವರ್ತಿಸಬೇಕು. ಅವರ ವ್ಯತಿರಿಕ್ತ ಭಾವನೆಗಳನ್ನು ನೋಡಿ ಅವರೊಂದಿಗೆ ಅವಮಾನೀಯವಾಗಿ ವರ್ತಿಸುವುದು ತಪ್ಪು. ಅವರನ್ನು ಮಾನಸಿಕ ರೋಗಿಗಳಾಗಿ ನೋಡಬೇಕೇ ಹೊರತು ಸಾಮಾನ್ಯರನ್ನು ಕಾಣುವಂತೆ ಅವರನ್ನು ಕಾಣಲಾಗದು. ಅವರಿಗೆ ವಿಶೇಷ ಕಾಳಜಿ ವಹಿಸಬೇಕು.
