ಟೊರೊಂಟೊ: ಭಾರತದ ವಿದಿತ್ ಗುಜ್ರಾತಿ ಅವರನ್ನು ಸೋಲಿಸುವ ಮೂಲಕ ಕ್ಯಾಂಡಿಡೇಟ್ಸ್ ಚೆಸ್ ಪಂದ್ಯಾವಳಿಯಲ್ಲಿ ಡಿ. ಗುಕೇಶ್ ಮರಳಿ ಜಂಟಿ ಅಗ್ರಸ್ಥಾನ ಅಲಂಕರಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
8ನೇ ಸುತ್ತಿನ ಫಲಿತಾಂಶದ ಬಳಿಕ ಅವರು ರಷ್ಯಾದ ಇಯಾನ್ ನೆಪೋಮ್ನಿಯಾಚಿ ಜತೆ ಅಗ್ರಸ್ಥಾನ ಹಂಚಿಕೊಂಡಿದ್ದಾರೆ. ಇಬ್ಬರೂ 5 ಅಂಕ ಹೊಂದಿದ್ದಾರೆ.
ನಿಜತ್ ಅಬಸೋವ್ ವಿರುದ್ಧ ನೆಪೊಮ್ನಿಯಾಚಿ ಡ್ರಾ ಸಾಧಿಸಿದರು. ಆರ್. ಪ್ರಜ್ಞಾನಂದ ಮತ್ತು ಫ್ರಾನ್ಸ್‍ನ ಫಿರೌಝ ಅಲಿರೇಝ ನಡುವಿನ ಪಂದ್ಯ ಕೂಡ ಡ್ರಾದಲ್ಲಿ ಕೊನೆಗೊಂಡಿತು. ಇನ್ನೂ 6 ಸುತ್ತುಗಳ ಸ್ಪರ್ಧೆ ನಡೆಯಲಿಕ್ಕಿದೆ.
