ಮಸ್ಕತ್: ಭಾರತ ತಂಡವು ಎಫ್‍ಐಎಚ್ ಮಹಿಳಾ ಹಾಕಿ ಫೈವ್ಸ್ ವಿಶ್ವಕಪ್ ಫೈನಲ್‍ನಲ್ಲಿ ನೆದರ್ಲೆಂಡ್ಸ್ ವಿರುದ್ಧ 2-7 ಗೋಲುಗಳಿಂದ ಸೋತು ರನ್ನರ್ ಅಪ್ ಸ್ಥಾನ ಪಡೆಯಿತು.
ಭಾರತ ಪರ ಜ್ಯೋತಿ ಛತ್ರಿ (20ನೇ ನಿಮಿಷ) ಮತ್ತು ರುತುಜಾ ದಾದಾಸೊ ಪಿಸಾಲ್ (23ನೇ ನಿಮಿಷ) ಗೋಲು ಗಳಿಸಿದರು.
ನೆದರ್ಲೆಂಡ್ಸ್ ಪರ ಜನ್ನೆಕೆ ವಾನ್ ಡಿ ವೆನ್ನ (2, 14ನೇ ನಿಮಿಷ), ಬೆಂಟೆ ವಾನ್ ಡೆರ್ ವೆಲ್ಟ್ (4,8ನೇ ನಿಮಿಷ) ಮತ್ತು ಲಾನಾ ಕಾಲ್ಸೆ (11 ಮತ್ತು 27ನೇ ನಿಮಿಷ) ಹಾಗೂ ಸೋಶಾ ಬೆನ್ನಿಂಗಾ (13 ನೇ ನಿಮಿಷ) ಗೋಲು ಗಳಿಸಿದರು.
ಈ ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದ ಹಾಕಿ ಇಂಡಿಯಾ ಪ್ರತಿ ಆಟಗಾರ್ತಿಗೆ ರು.3 ಲಕ್ಷ, ಸಹಾಯಕ ಸಿಬ್ಬಂದಿಗೆ ತಲಾ ರು.1.5 ಲಕ್ಷ ನಗದು ಬಹುಮಾನ ಘೋಷಿಸಿದೆ.
