ಬೆಂಗಳೂರು: ಹೊಸಕೋಟೆ ಪೊಲೀಸ್ ಠಾಣಾ ವ್ಯಾಪ್ತಿಯ ಚಿಂತಾಮಣಿ ರಸ್ತೆಯಲ್ಲಿ ಅಕ್ರಮ ಸಂಬಂಧದೊಂದಿಗೆ ಜಗಳ ತೆಗೆದು ಹೆಂಡತಿಯನ್ನು ಕೊಲೆ ಮಾಡಿರುವ ಘಟನೆ ವರದಿಯಾಗಿದೆ.
ಚಂದ್ರಮ್ಮ ಮೂವತ್ತು ವರ್ಷದ ಮಹಿಳೆಯನ್ನು ಆತನ ಗಂಡ ವೆಂಕಟೇಶ್ ಅವಳ ಅಕ್ರಮ ಸಂಬಂಧವನ್ನು ಸಂಶಯಿಸಿ ಆಗಾಗ ಗಲಾಟೆ ಮಾಡುತ್ತಿದ್ದನು. ಮೊನ್ನೆ ಕೈವಾರಕ್ಕೆ ಹೋಗಿ ಹಿಂತಿರುಗುವ ಸಮಯದಲ್ಲಿ ಹೊಸಕೋಟೆಯ ಚಿಂತಾಮಣಿ ರಸ್ತೆಯ ಬಳಿ ವೆಂಕಟೇಶ್ ಬಲವಾದ ಮರದ ತುಂಡಿನಿಂದ ಆಕೆಯ ತಲೆಗೆ ಹೊಡೆದು ತೀವ್ರತರವಾದ ಗಾಯ ಮಾಡಿ ಪರಾರಿಯಾಗಿರುತ್ತಾನೆ.
ಗಾಯಾಳು ಚಂದ್ರಮ್ಮನನ್ನು ವಿಕ್ಟೋರಿಯಾ ಆಸ್ಪತ್ರೆಗೆ ಮತ್ತು ಅಲ್ಲಿಂದ ನಿಮಾನ್ಸ್‍ಗೆ ಹೆಚ್ಚಿನ ಚಿಕಿತ್ಸೆಗಾಗಿ ದಾಖಲಿಸಿ ಚಿಕಿತ್ಸೆ ಫಲಕಾರಿಯಾಗದ ಕಾರಣ ಇಂದು ಮುಂಜಾನೆ ಮೃತಪಟ್ಟಿರುತ್ತಾಳೆ ಎಂದು ಹೊಸಕೋಟೆ ಇನ್ಸ್‍ಪೆಕ್ಟರ್ ಅಶೋಕ್ ರವರು ತಿಳಿಸಿರುತ್ತಾರೆ. ಈ ಸಂಬಂಧ ಕೊಲೆಯ ಮುಖದ್ಮೆ ದಾಖಲೆ ಮಾಡಿಕೊಂಡು ಆರೋಪಿ ವೆಂಕಟೇಶನ್ನು ಪತ್ತೆ ಹಚ್ಚಿಲು ತಂಡ ರಚಿಸಿರುವುದಾಗಿ ತಿಳಿಸಿದರು.
