ತಿ.ನರಸೀಪುರ: ಚಾಮರಾಜನಗರ ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಸುನೀಲ್ ಬೋಸ್ ತಿ.ನರಸೀಪುರ ವಿಧಾನ ಕ್ಷೇತ್ರ ವ್ಯಾಪ್ತಿಯಲ್ಲಿ ಬಿರು ಸಿನ ಮತ ಪ್ರಚಾರ ಕಾಂಗ್ರೆಸ್ ಕಾರ್ಯ ಕರ್ತರೇ ಅಭ್ಯರ್ಥಿ ಪ್ರತಿ ಬೂತ್ ನಲ್ಲೂ ನಾವೇ ಅಭ್ಯರ್ಥಿಗಳು ಎನ್ನುವ ಮಟ್ಟದಲ್ಲಿ ಕಾರ್ಯಕರ್ತರು ಮತದಾರರಿಗೆ ಕಾಂಗ್ರೆಸ್ ಪಕ್ಷದ ಗ್ಯಾರಂ ಟಿಗಳನ್ನು ಮನವರಕೆ ಮಾಡಿ ಮತ ಹಾಕಿಸಬೇಕು ಎಂದು ಕಾರ್ಯಕರ್ತರಿಗೆ ಕರೆ ನೀಡಿದರು.
ಬನ್ನೂರು ಹೋಬಳಿಯ ಅಂಕನಹಳ್ಳಿ, ಯಾಚೇನಹಳ್ಳಿ, ಹಾಗೂ ತುರುಗನೂರು ಗ್ರಾಮಗಳಲ್ಲಿ ಮತಯಾಚನೆ ಮಾಡಿ ಸುನಿಲ್ ಬೋಸ್ ಮಾತನಾಡಿ ದುಡಿದಿರುವ ಕೆಲಸಕ್ಕೆ ನಿಮ್ಮ ಬಳಿ ಕೂಲಿ ಕೇಳುತ್ತಿದ್ದೇನೆ. ನಿಮ್ಮ ಸೇವೆ ಮಾಡಲು ನನಗೊಂದು ಅವಕಾಶ ಮಾಡಿಕೊಡಿ ಕ್ಷೇತ್ರದ ಜನರು ಯಾರೇ ಬಂದರೂ ಅವರ ಕೆಲಸ ಮಾಡಿದ್ದೇನೆ ಯಾರನ್ನು ತಾರತಮ್ಯ ಮಾಡಿಲ್ಲ, 18 ವರ್ಷಗಳಗ ಳಿಂದ ಕಾಂಗ್ರೆಸ್ ಪಕ್ಷದ ನಿಷ್ಠಾವಂತ ಕಾರ್ಯಕರ್ತನಾಗಿ ಕೆಲಸ ಮಾಡಿದ್ದೇನೆ ಹಾಗೂ ನನ್ನ ತಂದೆ ಸಚಿವ ಮಹದೇವಪ್ಪ ಮತ್ತು ನಿಮ್ಮ ನಡುವೆ ಸೇತುವೆಯಾಗಿ ಕೆಲಸ ಮಾಡಿದ್ದೇನೆ ಪಕ್ಷ ಈ ಬಾರಿ ಲೋಕಸಭಾ ಚುನಾವಣೆಗೆ ಸ್ಪರ್ಧಿಸಲು ಅವಕಾಶ ಮಾಡಿಕೊಟ್ಟಿದೆ ತಾವು ಅತಿ ಹೆಚ್ಚಿನ ಮತ ನೀಡುವ ಮೂಲಕ ನನಗೆ ಗೆಲುವು ತಂದು ಕೊಡಬೇಕು ಎಂದು ಮನವಿ ಮಾಡಿದರು.
ಕಾಂಗ್ರೆಸ್ ಮುಖಂಡರು, ಕಾರ್ಯಕರ್ತರು ಎರಡೆರಡು ಬಣಗಳಾಗುವುದು ಬೇಡ ಎಲ್ಲರೂ ಒಟ್ಟಾಗಿ ಕೆಲಸ ಮಾಡಿ ಚಾಮರಾಜನಗರ ಲೋಕಸಭಾ ಕ್ಷೇತ್ರದ ಎಲ್ಲಾ ವಿಧಾನ ಸಭಾ ಶಾಸಕರು .ಮುಖಂಡರು ನರಸೀಪುರ ಲೀಡ್ ಬಗ್ಗೆ ಚರ್ಚೆ ಮಾಡುತ್ತಿದ್ದಾರೆ ಇಲ್ಲಿ ಕೂಡುವ ಅತ್ಯಧಿಕ ಮತ ನನ್ನ ಗೆಲುವಿಗೆ ನಾಂದಿಯಾಗುತ್ತದೆ ಆದರಿಂದ ಎಲ್ಲಾ ಕಾಂಗ್ರೆಸ್ ಕಾಂಗ್ರೆಸ್ ಕಾರ್ಯಕರ್ತರು ಮೈ ಮರೆಯದೆ ಕೆಲಸ ಮಾಡಬೇಕು ತಮ್ಮ ತಮ್ಮ ಬೂತ್ ಗಳಲ್ಲಿ ಕಳೆದ ವಿಧಾನ ಸಭಾ ಚುನಾವಣೆಗಿಂತ ಈ ಚುನಾವಣೆಯಲ್ಲಿ 100 ಮತ ಹೆಚ್ವಿಗೆ ಕೂಡಬೇಕು ಎಂದು ಮನವಿ ಮಾಡಿದರು.
ಈ ವೇಳೆ ಮಾಜಿ ಶಾಸಕಿ ಸುನೀತಾ ವೀರಪ್ಪಗೌಡ, ಮೈಮುಲ್ ನಿರ್ದೇಶಕ ಆರ್.ಚಲುವರಾಜು, ಕಾಂಗ್ರೆಸ್ ಹಿರಿಯ ಮುಖಂಡ ವೈ.ಎನ್.ಶಂಕರೇಗೌಡ, ತಾ. ಪಂ. ಮಾಜಿ ಅಧ್ಯಕ್ಷ ಚಾಮೇಗೌಡ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಚನ್ನ ಕೇಶವ, ಮಾಜಿ ಜಿ.ಪಂ. ಸದಸ್ಯರಾದ ತಲಕಾಡು ಮಂಜುನಾಥ್, ಸುಧೀರ್, ದಸಂಸ ತಾ. ಸಂಚಾಲಕ ಸೋಮಶೇಖರ್, ವಿದ್ಯಾ, ಹನುಮಂತೆಗೌಡ, ಕ್ಯಾತೆಗೌಡ, ಮತ್ತಿತರರು ಹಾಜರಿದ್ದರು.
