ಬಿಜೆಪಿ ಮೈತ್ರಿ ಮುನ್ನಡೆಯಲ್ಲಿ… ಮಹಾರಾಷ್ಟ ಸ್ಥಳೀಯ ಸಂಸ್ಥೆ ಚುನಾವಣೆ ಮತ ಎಣಿಕೆ ಪ್ರಗತಿಯಲ್ಲಿ

ಮುಂಬೈ: ಮಹಾರಾಷ್ಟದಲ್ಲಿ ನಡೆದ ಸ್ಥಳೀಯ ಸಂಸ್ಥೆ ಚುನಾವಣೆಗಳಲ್ಲಿ ಬಹುತೇಕ ಸ್ಥಳೀಯ ಸಂಸ್ಥೆಗಳಲ್ಲಿ ಬಿಜೆಪಿ ಮೈತ್ರಿಕೂಟ ಮುನ್ನಡೆ ಸಾಧಿಸಿದೆ.
ಮುಂಬೈ ಮಹಾನಗರದ ಮಹಾನಗರ ಪಾಲಿಕೆ ೨೨೭ ಕ್ಷೇತ್ರಗಳಲ್ಲಿ ೧೬೦ಕ್ಕೂ ಹೆಚ್ಚು ಕ್ಷೇತ್ರಗಳಲ್ಲಿ ಬಿಜೆಪಿ ಮೈತ್ರಿಕೂಟ ಮುನ್ನಡೆ ಸಾಧಿಸಿದೆ. ಬಿಜೆಪಿ ೧೦೦ ಕ್ಷೇತ್ರದಲ್ಲಿ ಮುನ್ನಡೆಯಲ್ಲಿದ್ದರೆ, ಅದರ ಮಿತ್ರ ಪಕ್ಷವಾದ ಶಿಂಧೆ ಬಣದ ಶಿವಸೇನೆ ೨೦ಕ್ಕೂ ಹೆಚ್ಚು ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದೆ.
ಉದ್ಭವ ಠಾಕ್ರೆ ಬಣದ ಶಿವಸೇನೆ ೫೦ಕ್ಕೂ ಹೆಚ್ಚು ಕ್ಷೇತ್ರದಲ್ಲಿ ಮುನ್ನಡೆಯಲ್ಲಿದ್ದರೆ ಅದರ ಮಿತ್ರಪಕ್ಷವಾದ ಎಂಎನ್‌ಎಸ್ ೭ ಕ್ಷೇತ್ರದಲ್ಲಿ ಮಾತ್ರ ಮುನ್ನಡೆಯಲಿದೆ. ಕಾಂಗ್ರೆಸ್ ೧೦ ಕ್ಷೇತ್ರದಲ್ಲಿ ಮುನ್ನಡೆಯಿದ್ದರೆ,
ಎನ್‌ಸಿಪಿ ಒಂದು ಕ್ಷೇತ್ರದಲ್ಲಿ, ಪಕ್ಷೇತರರು ೫ ಕ್ಷೇತ್ರದಲ್ಲಿ ಮುನ್ನಡೆ ಸಾಧಿಸಿದ್ದಾರೆ.
ಏಷ್ಯಾದ ಅತೀ ಶ್ರೀಮಂತಿಕೆ ಪಾಲಿಕೆಯೆಂದೇ ಹೆಸರು ಪಡೆದಿರುವ ಮುಂಬೈ ಪಾಲಿಕೆಯಲ್ಲಿ ೨೨೭ ಕ್ಷೇತ್ರಗಳಿದ್ದು, ಅಧಿಕಾರ ಹಿಡಿಯಲು ೧೧೪ ಸ್ಥಾನಗಳನ್ನು ಪಡೆಯಬೇಕಾಗಿದೆ.
ಮುಂಬೈ ಪಾಲಿಕೆಗೆ ಒಟ್ಟು ೭೪೦೦೦ ಕೋಟಿ ರೂಪಾಯಿಗಳ ಬಜೆಟ್ ಗಾತ್ರವಿದೆ.
ಪುಣೆಯಲ್ಲಿ ೫೦ ವಾರ್ಡ್ಗಲ್ಲಿ ಹಾಗೂ ನಾಗಪುರದಲ್ಲೂ ೪೦ ವಾರ್ಡ್ಗಳಲ್ಲಿ ಬಿಜೆಪಿ ಮುನ್ನಡೆ ಸಾಧಿಸಿದೆ. ಕೊಲ್ಹಾಪುರದಲ್ಲಿ ಮಾತ್ರ ಕಾಂಗ್ರೆಸ್ ಮುನ್ನಡೆ ಸಾಧಿಸಿದೆ. ಒಟ್ಟು ೨೯ ಮಹಾನಗರ ಪಾಲಿಕೆಗಳಿಗೆ ಚುನಾವಣೆ ನಡೆದಿದ್ದು, ೨೫ಕ್ಕೂ ಹೆಚ್ಚು ಪಾಲಕೆಗಳಲ್ಲಿ ಬಿಜೆಪಿಯೇ ಮುಂದೆಯಿದೆ.
ಮಹಾರಾಷ್ಟçದಲ್ಲಿ ಮುಂಬೈ ಪಾಲಿಕೆ ಗದ್ದುಗೆ ಹಿಡಿಯಲು ಒಂದಾಗಿದ್ದ ಠಾಕ್ರೆ ಸೋದರರಲ್ಲಿ ರಾಜ್ ಠಾಕ್ರೆಯ ಎಂಎನ್‌ಎಸ್ ಪಕ್ಷ ಕೇವಲ ೭ ಕ್ಷೇತ್ರಗಳಲ್ಲಿ ಹೆಚ್ಚಿನ ಮತ ಗಳಿಸಿದೆ. ಒಟ್ಟಾರೆ ಸಂಜೆ ವೇಳೆಗೆ ಫಲಿತಾಂಶದ ಸ್ಪಷ್ಟ ಚಿತ್ರಣ ಹೊರ ಬೀಳಲಿದೆ.
ನಾಸಿಕ್‌ನಲ್ಲಿ ೮ ಕ್ಷೇತ್ರಗಳಲ್ಲಿ ಬಿಜೆಪಿ, ಉದ್ಬವ ಠಾಕ್ರೆ ಬಣದ ಅಭ್ಯರ್ಥಿಗಳು ಮೂರು ಕ್ಷೇತ್ರಗಳಲ್ಲಿ, ಸಿಂಧೆ ಬಣದ ಅಭ್ಯರ್ಥಿಗಳು ಐದು ಕ್ಷೇತ್ರಗಳಲ್ಲಿ ಹೆಚ್ಚಿನ ಮತಗಳಿಸಿದ್ದಾರೆ.