ಬೆಂಗಳೂರು: 2024 ರ ಲೋಕಸಭಾ ಚುನಾವಣೆಯ ಹಿನ್ನೆಲೆ ಸದ್ಯದಲ್ಲೇ ಪಕ್ಷ ಸೇರ್ಪಡೆಯಾಗಲಿರುವ ಡಾ.ಸಿ.ಎನ್ ಮಂಜುನಾಥ್ ಹಾಗೂ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ದೊಡ್ಡ ಪ್ರಮಾಣದಲ್ಲಿ ಪಕ್ಷ ಸೇರ್ಪಡೆಯಾಗಬೇಕು ಎಂಬ ನಿರ್ಧಾರಕ್ಕೆ ಬಂದಿದ್ದಾರೆ ಎನ್ನಲಾಗಿದೆ.
ನಾವು ಪಕ್ಷ ಸೇರ್ಪಡೆಯಾಗುವುದೇ ಟ್ರೆಂಡ್ ಆಗಬೇಕು ಎಂಬುದಾಗಿ ತಂತ್ರ ರೂಪಿಸಿದ್ದಾರೆ ಎನ್ನಲಾಗಿದೆ.ಡಾ.ಮಂಜುನಾಥ್, ವೈದ್ಯಕೀಯ ಕ್ಷೇತ್ರದಲ್ಲಿ ಅಪಾರವಾದ ಹೆಸರು ಪಡೆದವರು. ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್, ರಾಜಮನೆತನದವರು. ಇಂತಹ ಇಬ್ಬರು ಗಣ್ಯರು ಅಧಿಕೃತವಾಗಿ ಬಿಜೆಪಿಯಿಂದ ಇದೀಗ ಟಿಕೆಟ್ ಪಡೆದಿರುವುದು ಸಾಮಾನ್ಯ ವಿಚಾರವೇ ಅಲ್ಲ.
ಹೀಗಾಗಿ, ಈ ಇಬ್ಬರು ನಾಯಕರು ಕೂಡ ದೆಹಲಿ ಮಟ್ಟದಲ್ಲೇ ಪಕ್ಷ ಸೇರ್ಪಡೆಯಾದರೆ ಉತ್ತಮ ಎಂಬುದು ಅವರವರ ಅನಿಸಿಕೆ, ಅಭಿಪ್ರಾಯವಾಗಿದೆ.ದೆಹಲಿ ನಾಯಕರ ಮಟ್ಟದಲ್ಲೇನೋ ಸರಿ. ಆದರೆ ಸೇರ್ಪಡೆ ಯಾವಾಗ ಮಾಡಿಕೊಳ್ಳುವುದು? ಪ್ರಧಾನಿ ನರೇಂದ್ರ ಮೋದಿ ಅವರ ನೇತೃತ್ವದಲ್ಲಿಯೇ ಪಕ್ಷ ಸೇರ್ಪಡೆಯಾದರೆ ಬೆಲೆ ಇರಲಿದೆ. ಒಬ್ಬರು ರಾಜಮನೆತನದವರು, ಇನ್ನೊಬ್ಬರು ವೈದ್ಯಕೀಯ ಲೋಕದಲ್ಲಿ ಅಪಾರ ಹೆಸರು ಗಳಿಸಿರುವವರು.
ಇಲ್ಲಿ ಪಕ್ಷ ಸೇರ್ಪಡೆ ಆಗುವುದರಿಂದ ಅಂತಹ ದೊಡ್ಡ ಬದಲಾವಣೆ ಏನೂ ಆಗುವುದಿಲ್ಲ.ಹೀಗಾಗಿ, ದೆಹಲಿಗೆ ಹೋಗಿ ಸೇರೋಣ ಎಂಬ ಚಿಂತನೆ ನಡೆಸಿದ್ದು, ಮತ್ತೊಂದೆಡೆ ಮಾರ್ಚ್ 20 ರೊಳಗೆ ಪ್ರಧಾನಿ ನರೇಂದ್ರ ಮೋದಿ ರಾಜ್ಯ ಪ್ರವಾಸ ಮಾಡುವ ಸಂದರ್ಭದಲ್ಲಿ ಸೇರ್ಪಡೆಯಾಗೋಣ ಎಂದು ಉಭಯ ನಾಯಕರು ಅಂದಾಜಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
