ಬೆಂಗಳೂರು: ಕಾಮಾಕ್ಷಿಪಾಳ್ಯ ಸಂಚಾರಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಜುಲೈ 2022ರಂದು ದ್ವಿಚಕ್ರ ವಾಹನ ಸವಾರ ಪಾದಚಾರಿಗೆ ಡಿಕ್ಕಿ ಹೊಡೆದಿದ್ದು, ದೂರು ದಾಖಲಾಗಿತ್ತು.ಸಿದ್ದರಾಜು ಎಂಬ ವ್ಯಕ್ತಿಯು ವಿಶ್ವೇಶ್ವರಯ್ಯ ಲೇಔಟ್ 90 ಅಡಿ ರಸ್ತೆ ಯಲ್ಲಿ ನಡೆದುಕೊಂಡು ಹೋಗುವಾಗ ಮುಜಾಯಿದ್ ಮೋಟರ್ ಸೈಕಲ್ ಸವಾರ ಡಿಕ್ಕಿ ಹೊಡೆದು ಪರಾರಿಯಾಗಿದ್ದ.
ಸಂಬಂಧ ಕಾಮಾಕ್ಷಿಪಾಳ್ಯ ಸಂಚಾರಿ ಪೊಲೀಸರು ಸಿದ್ದರಾಜುವಿಗೆ ಡಿಕ್ಕಿ ಹೊಡೆದು ಹೋಗಿದ್ದ ವಾಹನ ಮತ್ತು ಸವಾರರನ್ನು ಪತ್ತೆ ಮಾಡಿ ಬಂಧಿಸಿ ನ್ಯಾಯಾಲಯಕ್ಕೆ ಆರೋಪ ಪಟ್ಟಿ ಸಲ್ಲಿಸಿದರು.ಎರಡನೇ ಎಂ ಎಂ ಟಿ ಸಿ ನ್ಯಾಯಾಲಯ ಸೈಯದ್ ಮುಜಾಹಿದ್ ಆರೋಪಿಗೆ 13 ಸಾವಿರ ದಂಡ ವಿಧಿಸಿ ದೋಷಿ ಎಂದು ಆದೇಶ ನೀಡಿರುತ್ತದೆ.
ಮತ್ತೊಂದು ಪ್ರಕರಣದಲ್ಲಿ ಇದೇ ಕಾಮಾಕ್ಷಿಪಾಳ್ಯ ಸಂಚಾರಿ ಪೊಲೀಸರು ವೀಲಿ ಮಾಡುತ್ತಿದ್ದ ಭರತ್ ಎಂಬವನ ವಿರುದ್ಧ ಎರಡನೇ ಎಂ ಎಂ ಟಿ ಸಿ ನ್ಯಾಯಾಲಯಕ್ಕೆ ಆರೋಪ ಪಟ್ಟಿ ಸಲ್ಲಿಸಿದ್ದರು.ನ್ಯಾಯಾಲಯ ಭರತ್ ಆರೋಪಿ ಎಂದು ಪರಿಗಣಿಸಿ 9000 ರೂ ದಂಡವನ್ನು ವಿಧಿಸಿರುತ್ತದೆ ಹಾಗೂ ಈತನು ಚಲಾಯಿಸುತ್ತಿದ್ದ ದ್ವಿಚಕ್ರ ವಾಹನದ ಮೇಲೆ ಸುಮಾರು ಸಂಚಾರಿ ಉಲ್ಲಂಘನೆ ಕೇಸುಗಳಿದ್ದು ಇದನ್ನು ಸಹ ದಂಡಪಾವತಿಸಿ ವಾಹನವನ್ನು ತೆಗೆದುಕೊಂಡು ಹೋಗಬೇಕೆಂದು ಆದೇಶಿಸಿರುತ್ತದೆ.
