ಹೊಸಕೋಟೆ: ತಾಲೂಕಿನ ಅನುಗೊಂಡನಹಳ್ಳಿ ಹೋಬಳಿ ಅರೆಹಳ್ಳಿ ಗ್ರಾಮದಲ್ಲಿ ಮಂಗಳವಾರ ಶ್ರೀ ವಿಶಾಲಾಕ್ಷಾಂಭ ಸಮೇತ ಪ್ರಸನ್ನ ಶ್ರೀ ಕಾಶಿ ವಿಶ್ವೇಶ್ವರಸ್ವಾಮಿಯ ಬ್ರಹ್ಮರಥೋತ್ಸವ ವಿಜೃಂಭಣೆಯಿಂದ ನಡೆಯಿತು.
ಮುತ್ಕೂರಿನ ಶ್ರೀ ಬಸವೇಶ್ವರ ಜಾನಪದ ಕಲಾತಂಡದ ಪ್ರಶಾಂತ್ ಆರಾಧ್ಯ ಮತ್ತು ತಂಡದವರಿಂದ ವೀರಗಾಸೆ ನೃತ್ಯದೊಂದಿಗೆ ರಥೋತ್ಸವ ಗ್ರಾಮದಲ್ಲಿ ಸಂಚರಿಸಿತು. ಇದೇ ಸಂದರ್ಭದಲ್ಲಿ ಸ್ವಮಿಗೆ ವಿಶೇಷ ಖಾದ್ಯ ತಿಂಡಿಗಳ ಅಲಂಕಾರ ಸಹ ಮಾಡಲಾಗಿತ್ತು.
ಅರೆಹಳ್ಳಿ ಹಾಗೂ ಹಾರಗದ್ದೆಯ ಬಸಣ್ಣನವರ ಕುಟುಂಬದವರು, ದೇವಾಲಯ ಟ್ರಸ್ಟಿನ ಪದಾಧಿಕಾರಿಗಳು, ಗ್ರಾಮಸ್ಥರು ಭಾಗವಹಿಸಿದ್ದರು.
ನಂತರ ರಾತ್ರಿ ಗ್ರಾಮದ ಲೇಟ್ ಎ.ಆರ್.ವಿಶ್ವನಾಥ್ ಕುಟುಂಬದವರು, ಎ.ಆರ್.ಶಿವಪ್ರಸಾದ್‍ರವರಿಂದ ಧೂಳೋತ್ಸವ, ಬೆಂಗಳೂರಿನ ವಿ.ಎ.ಚಂದ್ರಣ್ಣ ಮತ್ತು ಸಹೋದರರಿಂದ ಚಿತ್ರಗೋಪುರ ಉತ್ಸವ ಸಹ ನಡೆಯಿತು.
