ಮಂಡ್ಯ: ಸಂಸದರಾಗಿ 5 ವರ್ಷಗಳ ಕಾಲ ಮಾಡಿದ ಕಾರ್ಯಗಳ ಬಗ್ಗೆ ಸಾಧನೆಯ ಪುಸ್ತಕವನ್ನು ಸುಮಲತಾ ಅವರು ಬಿಡುಗಡೆಮಾಡಿದ್ದಾರೆ.ಇಂದು ಮಂಡ್ಯದ ಕಾಳಿಕಾಂಬ ದೇವಾಲಯದ ಬಳಿ ನಡೆದ ಬೆಂಬಲಿಗರ ಸಭೆಯಲ್ಲಿ ಸುಮಲತಾ ಅವರು ಸಾಧನೆಯ ಪುಸ್ತಕ ಹಾಗೂ ಕಿರು ಸಾಕ್ಷ್ಯ ಚಿತ್ರವನ್ನು ಬಿಡುಗಡೆ ಗೊಳಿಸಿದ್ದಾರೆ.
ಇಂದು ಸುಮಲತಾ ಅವರು ತಮ್ಮ ಮುಂದಿನ ರಾಜಕೀಯ ಘೋಷಿಸುತ್ತಾರೆ ಎಂಬ ಹಿನ್ನೆಲೆಯಲ್ಲಿ ಸಾಕಷ್ಟು ಮಂದಿ ಅಭಿಮಾನಿಗಳು ಸಭೆಯಲ್ಲಿ ಪಾಲ್ಗೊಂಡಿದ್ದರು. ಸಭೆಯಲ್ಲಿ ಪಾಲ್ಗೊಳ್ಳಲು ಸುಮಲತಾಬೆಂಗಳೂರಿನಲ್ಲಿ ತೆರಳುವ ಮುನ್ನ ಇತ್ತೀಚೆಗೆ ಉಪಮುಖ್ಯ ಮಂತ್ರಿ ಡಿ.ಕೆ.ಶಿವಕುಮಾರ್ ಅವರು ಆಡಿದ್ದ ಮಾತಿಗೆ ತಿರುಗೇಟು ನೀಡಿದ್ದಾರೆ.
ನಮಗೆ ಯಾರ ಅವಶ್ಯಕತೆಯಿಲ್ಲ. ಕುಂಬಳಕಾಯಿ ಕಳ್ಳ ಯಾರೆಂಬುದು ಎಲ್ಲರಿಗೂ ತಿಳಿದಿದೆ ಎಂದು ಟೀಕಿಸಿದರು. ಒಂದು ಹಂತದಲ್ಲಿ ಸುಮಲತಾ ಬಿಜೆಪಿ ಸೇರುತ್ತಾರೆ ಎಂದು ಬೆಂಬಲಿಗರು ಮಾತನಾಡುತ್ತಿದ್ದರು. ಈ ತಿಂಗಳ 6ರಂದು ಅವರು ಅಧಿಕೃತವಾಗಿ ಬಿಜೆಪಿ ಸೇರಲಿದ್ದಾರೆ ಎಂದು ಹೇಳಲಾಗುತ್ತಿತ್ತು. ಇಂದು ನಡೆದ ಸಭೆಯಲ್ಲಿ ಸುಮಲತಾ ಅವರೊಂದಿಗೆ ಅವರ ಪುತ್ರ ಅಭಿಷೇಕ್ ಅಂಬರೀಶ್, ಚಿತ್ರ ನಟ ದರ್ಶನ್, ನಿರ್ಮಾಪಕ ರಾಕ್‍ಲೈನ್ ವೆಂಕಟೇಶ್ ಅವರ ಜತೆಗಿದ್ದರು.
