ತಿಲಕ್ ಶತಕಕ್ಕೆ ದಿಕ್ಕು ತಪ್ಪಿದ ಗುಜರಾತ್ ಕಟ್ಟಿಹಾಕಿದ ಅಶ್ವನಿ

ಸಂಕಷ್ಟದ ಸಮಯದಲ್ಲಿ ತಿಲಕ್ ವರ್ಮಾ ಅತ್ಯುದ್ಭುತ ಶತಕ, ಬಳಿಕ ಅಶ್ವನಿ ಕುಮಾರ್ ನೀಡಿದ ಬಲವಾದ ಹೊಡೆತ! ಇದರಿಂದ ಕಂಗೆಟ್ಟ ಗುಜರಾತ್ ಟೈಟಾನ್ಸ್ ತಂಡ 5 ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡದ ವಿರುದ್ಧ 99 ರನ್ ಗಳ ಹೀನಾಯ ಸೋಲು ಕಂಡಿದೆ. ಈ ಮೂಲಕ ಆಡಿರುವ 6 ಪಂದ್ಯಗಳಿಂದ 2ನೇ ಗೆಲುವು ದಾಖಲಿಸಿದ ಹಾರ್ದಿಕ್ ಪಾಂಡ್ಯ ಬಳಗ ಇದೀಗ ಒಟ್ಟು 4 ಅಂಕಗಳೊAದಿಗೆ ಐಪಿಎಲ್ ಅಂಕಪಟ್ಟಿ ಯಲ್ಲಿ ಕೊನೇ ಸ್ಥಾನದಿಂದ 7ನೇ ಸ್ಥಾನಕ್ಕೇರಿದೆ.
ಅಹ್ಮದಾಬಾದ್ ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಏಪ್ರಿಲ್ 20 ಸೋಮವಾರದಂದು ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ಇಂಡಿಯನ್ಸ್ ತಂಡ 20 ಓವರ್ ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 199 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ ಗುಜರಾತ್ ಟೈಟಾನ್ಸ್ ತಂಡ ಕೇವಲ 15.5 ಓವರ್ ಗಳಲ್ಲಿ 100 ರನ್ ಗಳಿಗೆ ಆಲೌಟ್ ಆಯಿತು. ಶತಕವೀರ ತಿಲಕ್ ವರ್ಮಾ ಅವರು ಅರ್ಹವಾಗಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.ಅಶ್ವನಿ ಕುಮಾರ್ 4 ವಿಕೆಟ್
ಸ್ಪರ್ಧಾತ್ಮಕ ಮೊತ್ತ ಬೆಂಬತ್ತಿ ಹೊರಟ ಗುಜರಾತ್ ತಂಡಕ್ಕೆ ವೇಗಿ ಬುಮ್ರಾ ಅವರು ಮೊದಲ ಎಸೆತದಲ್ಲೇ ಆಘಾತ ನೀಡಿದರು. ಫಾರ್ಮ್ ನಲ್ಲಿರುವ ಸಾಯಿ ಸುದರ್ಶನ್ ಅವರನ್ನು ಕೃಷ್ ಭಗತ್ ಅವರಿಗೆ ಕ್ಯಾಚ್ ಕೊಡ್ಸಿದರು. ಜಾಸ್ ಬಟ್ಲರ್(5), ನಾಯಕ ಗಿಲ್(14) ಗ್ಲೆನ್ ಫಿಲಿಪ್ಸ್ ಸೇರಿದಂತೆ ಅಗ್ರ ಕ್ರಮಾಂಕದ ಯಾವ ಘಟಾನುಘಟಿಗಳೆಲ್ಲರೂ ಮುಂಬೈ ದಾಳಿಯನ್ನು ಎದುರಿಸಲಾಗಲಿಲ್ಲ ವಾಶಿಂಗ್ಟನ್ ಸುಂದರ್ ಮಾತ್ರ ಕೊಂಚ ಹೊತ್ತು ಪ್ರತಿರೋಧ ತೋರಿದರು. ಮಧ್ಯಮ ವೇಗಿ ಅಶ್ವನಿ ಕುಮಾರ್ ಅವರು ಗುಜರಾತ್ ತಂಡದ 4 ವಿಕೆಟ್ ಪಡೆದರು.ಇದಕ್ಕೂ ಮೊದಲು 44 ರನ್ ಗಳಿಗೆ 3 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಮುಂಬೈ ಇಂಡಿಯನ್ಸ್ ತಂಡಕ್ಕೆ ತಿಲಕ್ ವರ್ಮಾ ಅವರು ಆಸರೆಯಾದರು. ಕೇವಲ 45 ಎಸೆತಗಳಲ್ಲಿ ಅವರು ಅಜೇಯ 101 ರನ್ ಬಾರಿಸಿದರು. ಅದರಲ್ಲಿ 8 ಬೌಂಡರಿ ಮತ್ತು 7 ಸಿಕ್ಸರ್ ಗಳಿದ್ದವು. ನಮನ್ ಧಿರ್ (32 ಎಸೆತದಲ್ಲಿ 45) ಅವರು ತಿಲಕ್ ಅವರಿಗೆ ಉತ್ತಮ ಸಾಧ್ ನೀಡಿದರು. ಗುಜರಾತ್ ಪರ ಕಗಿಸೋ ರಬಾಡಾ 3 ವಿಕೆಟ್ ಪಡೆದರು.