ಬೆಂಗಳೂರು: ಭಾರತದ ಅತಿದೊಡ್ಡ ಎಜುಟೆಕ್ ಕಂಪನಿಯಾಗಿರುವ ಲೀಡ್ ಜನವರಿ 7ರಂದು ಬೆಂಗಳೂರಿನಲ್ಲಿ ನಡೆದ ಗ್ರಾಂಡ್ ಫಿನಾಲೆ ಸಮಾರಂಭದಲ್ಲಿ 2023ನೇ ಸಾಲಿನ ಲೀಡ್ ಚಾಂಪಿಯನ್ಶಿಪ್ ವಿಜೇತರನ್ನು ಘೋಷಿಸಿದೆ.
ಲೀಡ್ ನಿಯಂತ್ರಿತ 3000 ಶಾಲೆಗಳ ಸುಮಾರು 1.2 ಕೋಟಿ ವಿದ್ಯಾರ್ಥಿಗಳಿಗೆ ಇದು ಪ್ರತಿಷ್ಠಿತ ಹಾಗೂ ರಾಷ್ಟ್ರೀಯ ಮಟ್ಟದ ವೇದಿಕೆಯಾಗಿದೆ. 21ನೇ ಶತಮಾನ ಪ್ರಮುಖ ಕೌಶಲ್ಯಗಳಾದ ವಿಮರ್ಶಾತ್ಮಕ ಚಿಂತನೆ ಮತ್ತು ಸಹಭಾಗಿತ್ವ ಕೌಶಲ್ಯಗಳನ್ನು ಕಲಿಸುವುದರ ಜೊತೆಗೆ ಲೀಡ್ ಚಾಂಪಿಯನ್ಶಿಪ್ ಸಣ್ಣ ಪಟ್ಟಣಗಳು ವಿದ್ಯಾರ್ಥಿಗಳಿಗೆ ತಮ್ಮ ಕೌಶಲ್ಯಗಳನ್ನು ಪ್ರದರ್ಶಿಸಲು ಮತ್ತು ಜೀವನದಲ್ಲಿ ಯಶಸ್ವಿಯಾಗಲು ಅಗತ್ಯವಾದ ಆತ್ಮವಿಶ್ವಾಸವನ್ನು ಬೆಳೆಸಲು ಬೇಕಾದ ಅವಕಾಶವನ್ನು ಒದಗಿಸುತ್ತದೆ.
ಲೀಡ್ನ ಸಿಇಒ ಮತ್ತು ಸಹ ಸಂಸ್ಥಾಪಕರಾದ ಸುಮೀತ್ ಮೆಹ್ತಾ, ಎಲ್ಲಾ ವಿಜೇತರು ಮತ್ತು 2023ನೇ ಸಾಲಿನ ಲೀಡ್ ಚಾಂಪಿಯನ್ಶಿಪ್ನಲ್ಲಿ ಭಾಗವಹಿಸಿದ ಎಲ್ಲರಿಗೂ ಅಭಿನಂದನೆಗಳು! ಲೀಡ್ ಚಾಂಪಿಯನ್ಶಿಪ್ಗಳು ಭಾರತದಲ್ಲಿನ ಸಣ್ಣ ಪಟ್ಟಣಗಳು ಮತ್ತು ನಗರಗಳಲ್ಲಿನ ಶಾಲಾ ವಿದ್ಯಾರ್ಥಿಗಳಿಗೆ ಮಾನ್ಯತೆ, ಉತ್ತೇಜಕ ಅವಕಾಶಗಳು ಮತ್ತು ಹೊಸ ಕಲಿಕೆಯ ಅನುಭವವನ್ನು ನೀಡುತ್ತಿದೆ.
ಜೊತೆಗೆ ವಿದ್ಯಾರ್ಥಿಗಳು ಹೊಸ ಎತ್ತರವನ್ನು ನಿರಂತರವಾಗಿ ಸಾಧಿಸಲು ಪ್ರೇರೇಪಿಸುವ ಸಮಗ್ರ ಕಲಿಕೆಯನ್ನು ಅನುಭಗಳಿಂದ ಪಡೆಯಲು ಅವರಿಗೆ ಸಹಾಯ ಮಾಡುತ್ತದೆ ಎಂದು ಹೇಳಿದರು.2023ರ ಲೀಡ್ ಚಾಂಪಿಯನ್ಶಿಪ್ ವಿಜೇತರು 10 ಲಕ್ಷ ರು. ಬಹುಮಾನದ ಜೊತೆಗೆ ಲ್ಯಾಪ್ಟಾಪ್ಗಳು, ಟ್ಯಾಬ್ಲೆಟ್ಗಳು ಮತ್ತು ಟ್ರೋಫಿಗಳನ್ನು ಪಡೆದುಕೊಂಡಿದ್ದಾರೆ.