ಬೆಂಗಳೂರು: ಬಿಜೆಪಿ ವರಿಷ್ಠರ ಕರೆಯ ಮೇರೆಗೆ ದೆಹಲಿಗೆ ತೆರಳಿದ್ದ ಬಿಜೆಪಿ ಹಿರಿಯ ಮುಖಂಡ ಕೆ.ಎಸ್.ಈಶ್ವರಪ್ಪ ಪಕ್ಷದ ವರಿಷ್ಠರ್ಯಾರು ಭೇಟಿಯಾಗದ ಕಾರಣ ಇಂದು ಬೆಂಗಳೂರಿಗೆ ಹಿಂತಿರುಗಿದ್ದಾರೆ.
ಪಕ್ಷದ ವರಿಷ್ಠರ ಕೇಂದ್ರ ಗೃಹ ಸಚಿವ ಅಮಿತ್ ಶಾ ತಮ್ಮನ್ನು ಕರೆದಿದ್ದಾರೆ ಎಂದು ಈಶ್ವರಪ್ಪ ನಿನ್ನೆ ಸಂಜೆ ದೆಹಲಿಗೆ ತೆರಳಿದ್ದರು, ಇಂದು ವಾಪಾಸ್ಸಾಗಿದ್ದಾರೆ.
ಅಮಿತ್ ಶಾ ಅವರು ಈಶ್ವರಪ್ಪ ಅವರನ್ನು ಭೇಟಿಯಾಗದೆ ವಾಪಾಸ್ ಕಳಿಸಿರುವುದು ತಮಗೆ ಅವರ ಬೆಂಬಲವಿದೆ ಎಂದು ಈಶ್ವರಪ್ಪ ಹೇಳಿದ್ದಾರೆ.
ಇಂದು ದೆಹಲಿಯಿಂದ ವಾಪಾಸ್ ಆದ ನಂತರ ವಿಮಾನ ನಿಲ್ದಾಣದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ್ದ ಈಶ್ವರಪ್ಪ ಅವರು, ತಮ್ಮ ಹೃದಯದಲ್ಲಿ ಮೋದಿ, ಶ್ರೀರಾಮನಿದ್ದಾನೆ. ತಾವು ಗೆದ್ದು ಬಿಜೆಪಿಗೆ ಮತ ನೀಡುತ್ತೇವೆ ಎಂದು ತಿಳಿಸಿದ್ದಾರೆ.
