ಮಾಗಡಿ: ಗ್ರಾಮೀಣ ಸೊಗಡಿನ ರಂಗ ಕಲೆಗಳನ್ನು ಜೀವಂತಗೊಳಿಸಲು ಗ್ರಾಮೀಣರಾದ ನಾವು ನೀವೆಲ್ಲರೂ ಶ್ರಮಿಸೋಣ ಎಂದು ರಾಜ್ಯ ಒಕ್ಕಲಿಗರ ಸಂಘದ ನಿರ್ದೇಶಕರಾದಹೆಚ್.ಎನ್.ಅಶೋಕ್(ತಮ್ಮಾಜಿ)ಹೇಳಿದರು.
ಪಟ್ಟಣದ ಕೆಂಪೇಗೌಡ ಬಯಲು ರಂಗ ಮಂದಿರದಲ್ಲಿ ಮಾಗಡಿ ಕೆಂಪೇಗೌಡ ಸಾಂಸ್ಕೃತಿಕ ಕಲಾ ಸಂಘ ಮತ್ತು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ವತಿಯಿಂದ ಮಾಜಿ ಸಚಿವ ಹೆಚ್.ಜಿ.ಚನ್ನಪ್ಪ ಮಾಜಿ ತಾಲ್ಲೂಕು ಬೋರ್ಡ್ ಅದ್ಯಕ್ಷ ಹೆಚ್.ಜಿ.ನರಸಪ್ಪ ಅವರ ಸವಿನೆನಪಿಗಾಗಿ ರಾಮನಗರ ಜಿಲ್ಲಾ ಮಟ್ಟದ ಗ್ರಾಮೀಣ ನಾಟಕೋತ್ಸವ ಸ್ಪರ್ದೆ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಆಯೋಜಕರಿಂದ ಸನ್ಮಾನ ಸ್ವೀಕರಿಸಿ ಮಾತನಾಡಿದ.
ಅವರು ನಮ್ಮ ತಂದೆ ನರಸಪ್ಪ ನಮ್ಮ ಚಿಕ್ಕಪ್ಪ ಹೆಚ್.ಜಿ.ಚನ್ನಪ್ಪ ಅವರು ನಿಧನರಾಗಿ ಸುಮಾರು ಮೂವತ್ತು ನಲವತ್ತು ವರ್ಷಗಳು ಕಳೆದರೂ ಸಹ ಅವರ ಸವಿ ನೆನಪಿನಲ್ಲಿ ಈ ಕಾರ್ಯಕ್ರಮ ಆಯೋಜಿಸುತ್ತಿರುವುದಕ್ಕಾಗಿ ವೈಯಕ್ತಿಕವಾಗಿ ಅಭಿನಂದನೆ ಸಲ್ಲಿಸುತ್ತೇನೆ.
ಜೀವಂತವಾಗಿರುವವರನ್ನು ನೆನಪಿಸಿಕೊಳ್ಳುವುದೇ ಕಷ್ಠದ ದಿನಗಳಾದ ಇಂದಿನ ದಿನಗಳಲ್ಲಿ ದೈವಾಧೀನರಾಗಿರುವ ನಮ್ಮ ಕುಟುಂಬದ ಹಿರಿಯರ ನೆನಪಿನಲ್ಲಿ ಕಾರ್ಯಕ್ರಮ ಆಯೋಜಿಸಿರುವುದು ಅವರ ಸಾಮಾಜಿಕ ಕಾರ್ಯಕ್ರಮಗಳೇ ಪ್ರತ್ಯಕ್ಷ ಸಾಕ್ಷಿಯಾಗಿವೆ.ಇಂದಿನ ಆಧುನಿಕ ಯುಗದಲ್ಲಿ ಟಿವಿ,ಮೊಬೈಲ್,ಮಾದ್ಯಮಗಳ ಹಾವಳಿಯಿಂದ ಅವಸಾನದ ಅಂಚಿನಲ್ಲಿರುವ ಗ್ರಾಮೀಣ ಸೊಗಡಿನ ರಂಗ ಕಲೆಗಳನ್ನು ಉಳಿಸುವ ಪ್ರಯತ್ನ ಶ್ಲಾಘನೀಯ.ಸುಮಾರು ಹನ್ನೆರಡು ದಿನಗಳ ಕಾಲ ವಿವಿಧ ನಾಟಕಗಳು ವಿವಿಧ ನಾಟಕ ನಿರ್ದೇಶಕರಿಂದ ಪ್ರದರ್ಶನಗೊಳ್ಳುತ್ತಿರುವುದು ಉತ್ತಮವಾದ ಬೆಳವಣಿಗೆ ಎಂದು ಅಶೋಕ್ ತಿಳಿಸಿದರು.
ಮಾಗಡಿ ಕೆಂಪೇಗೌಡ ಸಾಂಸ್ಕೃತಿಕ ಕಲಾ ಸಂಘದ ಅದ್ಯಕ್ಷ ಬೆಳಗವಾಡಿ ಕೃಷ್ಣಪ್ಪ,ಗ್ರಾಪಂ ಮಾಜಿ ಅಧ್ಯಕ್ಷ ಬೆಳಗವಾಡಿ ರಂಗನಾಥ್,ಜಿಲ್ಲಾ ಕಿಸಾನ್ ಕಾಂಗ್ರೆಸ್ ಅದ್ಯಕ್ಷ ಆಗ್ರೋ ಪುರುಷೋತ್ತಮ್,ಭೂಬ್ಯಾಂಕ್ ನಿರ್ದೇಶಕ ಹೆಬ್ಬಾಳಪಾಳ್ಯ ನಾಗರಾಜು,ಕಲ್ಯಾಗೇಟ್ ನವೀನ್ ಸೇರಿದಂತೆ ಮತ್ತಿತರಿದ್ದರು.
