ಬೆಂಗಳೂರು: ಬೆಂಗಳೂರು ಎಫ್‌ಸಿ ತನ್ನ 2026-27ರ ಇಂಡಿಯನ್ ಸೂಪರ್ ಲೀಗ್ ಅಭಿಯಾನವನ್ನು ತವರಿನಲ್ಲಿ ಆರಂಭಿಸಲಿದೆ. ಶ್ರೀ ಕಂಠೀರವ ಕ್ರೀಡಾಂಗಣದಲ್ಲಿ ಶನಿವಾರ ನಡೆಯಲಿರುವ ಪಂದ್ಯದಲ್ಲಿ ಬೆಂಗಳೂರು ಎಫ್‌ಸಿ, ಸ್ಪೋರ್ಟಿಂಗ್ ಕ್ಲಬ್ ದೆಹಲಿಯನ್ನು ಎದುರಿಸಲಿದೆ. ಬೆಂಗಳೂರಿನಲ್ಲಿ ಮೊದಲ ಬಾರಿಗೆ ಹೊಸ ಸೀಸನ್‌ನ ಉದ್ಘಾಟನಾ ಪಂದ್ಯ ನಡೆಯಲಿದ್ದು, ತವರಿನ ಅಭಿಮಾನಿಗಳ ಸಮ್ಮುಖದಲ್ಲಿ ಬಲಿಷ್ಠ ಆರಂಭ ಮಾಡುವ ಗುರಿಯನ್ನು ಬೆಂಗಳೂರು ಎಫ್‌ಸಿ ಹೊಂದಿದೆ.ಕಳೆದ ಸೀಸನ್‌ನಲ್ಲಿ ಬೆಂಗಳೂರು ಎಫ್‌ಸಿ 13 ಪಂದ್ಯಗಳಿAದ 23 ಅಂಕಗಳನ್ನು ಕಲೆಹಾಕಿ ಲೀಗ್ ಹಂತದಲ್ಲಿ ನಾಲ್ಕನೇ ಸ್ಥಾನ ಪಡೆದಿತ್ತು. ತಂಡವು ಆರು ಪಂದ್ಯಗಳಲ್ಲಿ ಗೆಲುವು ಸಾಧಿಸಿ, ಐದು ಪಂದ್ಯಗಳನ್ನು ಡ್ರಾ ಮಾಡಿಕೊಂಡು, ಕೇವಲ ಎರಡು ಪಂದ್ಯಗಳಲ್ಲಿ ಸೋಲು ಕಂಡಿತ್ತು. ಚೆನ್ನೆöÊಯಿನ್ ಎಫ್‌ಸಿ ವಿರುದ್ಧ 2-1 ಗೆಲುವಿನೊಂದಿಗೆ ಕಳೆದ ಅಭಿಯಾನವನ್ನು ಮುಗಿಸಿದ್ದ ಬೆಂಗಳೂರು ಎಫ್‌ಸಿ, ಅದೇ ಆತ್ಮವಿಶ್ವಾಸವನ್ನು ಶನಿವಾರದ ಸೀಸನ್ ಓಪನರ್‌ಗೆ ಕೊಂಡೊಯ್ಯಲು ಎದುರು ನೋಡುತ್ತಿದೆ. ಐಎಸ್‌ಎಲ್ ಇತಿಹಾಸದಲ್ಲೇ ಮೊದಲ ಬಾರಿಗೆ ಬೆಂಗಳೂರು ಹೊಸ ಸೀಸನ್‌ನ ಉದ್ಘಾಟನಾ ಪಂದ್ಯವನ್ನು ತವರಿನಲ್ಲಿ ಆಯೋಜಿಸುತ್ತಿದೆ. ಹೀಗಾಗಿ ಕಂಠೀರವ ಕ್ರೀಡಾಂಗಣದಲ್ಲಿ ಪಂದ್ಯ ವೀಕ್ಷಿಸುವ ಅಭಿಮಾನಿಗಳಿಗೆ ಲೀಗ್‌ನ ಆರಂಭಿಕ ಪಂದ್ಯಕ್ಕೆ ಸಾಕ್ಷಿಯಾಗುವ ವಿಶೇಷ ಅವಕಾಶ ದೊರೆಯಲಿದೆ. ಹೊಸ ಸೀಸನ್‌ಗೆ ಬೆಂಗಳೂರು ಎಫ್‌ಸಿ ಹೊಸ ಆಟಗಾರರ ಸೇರ್ಪಡೆ ಹಾಗೂ ತಂಡದ ಪ್ರಮುಖ ಆಟಗಾರರ ಮುಂದುವರಿಕೆಯೊAದಿಗೆ ಸಜ್ಜಾಗಿದೆ. ಸ್ಪೇನ್‌ನ ಫಾರ್ವರ್ಡ್ ಆಟಗಾರ ಬೋರ್ಜಾ ಮಾರ್ಟಿನೆಜ್, ಪೋರ್ಚುಗಲ್‌ನ ಡಿಫೆಂಡರ್ ಸ್ಯಾಂಡ್ರೊ ಎಂಬಾಲೊ, ಅರ್ಜೆಂಟೀನಾದ ಮಿಡ್‌ಫೀಲ್ಡರ್ ಮ್ಯಾನುಯೆಲ್ ಡಿ ಇರಿಯೊಂಡೊ, ನೆದರ್‌ಲ್ಯಾಂಡ್ಸ್ನ ಸೆಂಟರ್-ಬ್ಯಾಕ್ ಮೆನ್ನೊ ಕೊಚ್ ಹಾಗೂ ಮಾಂಟೆನೆಗ್ರೊದ ಫಾರ್ವರ್ಡ್ ಮಿಹೈಲೊ ಪೆರೋವಿಚ್ ತಂಡಕ್ಕೆ ಸೇರ್ಪಡೆಯಾಗಿದ್ದು, ವಿದೇಶಿ ಆಟಗಾರರ ಬಳಗಕ್ಕೆ ಹೆಚ್ಚಿನ ಅನುಭವವನ್ನು ತಂದಿದ್ದಾರೆ.ಬೆಂಗಳೂರು ಎಫ್‌ಸಿಯ ಮುಖ್ಯ ಕೋಚ್ ಪೆಪ್ ಮುನೊಜ್ ಅವರ ಮೊದಲ ಪೂರ್ಣ ಸೀಸನ್ ಇದಾಗಲಿದೆ. ಕಳೆದ ಸೀಸನ್‌ನಲ್ಲಿ ತಂಡದ ಜವಾಬ್ದಾರಿ ವಹಿಸಿಕೊಂಡ ಅವರು, ಬೆಂಗಳೂರು ಎಫ್‌ಸಿಯನ್ನು ನಾಲ್ಕನೇ ಸ್ಥಾನಕ್ಕೆ ಮುನ್ನಡೆಸಿದ್ದರು. ಇದೀಗ ಪೂರ್ಣ ಸೀಸನ್‌ನ ಜವಾಬ್ದಾರಿಯೊಂದಿಗೆ ಮುನ್ನಡೆಯಲಿರುವ ಮುನೊಜ್ ಅವರಿಗೆ ಸ್ಪೋರ್ಟಿಂಗ್ ಕ್ಲಬ್ ದೆಹಲಿ ವಿರುದ್ಧದ ಶನಿವಾರದ ಪಂದ್ಯವು ಹೊಸ ಸೀಸನ್‌ನ ಮೊದಲ ಸ್ಪರ್ಧಾತ್ಮಕ ಪಂದ್ಯವಾಗಲಿದೆ. ಸೀಸನ್ ಓಪನರ್‌ಗೆ ಮುನ್ನ ಮಾತನಾಡಿದ ಬೆಂಗಳೂರು ಎಫ್‌ಸಿಯ ಮುಖ್ಯ ಕೋಚ್ ಪೆಪ್ ಮುನೊಜ್, ಇದು ಸುದೀರ್ಘ ಪೂರ್ವಸಿದ್ಧತಾ ಅವಧಿಯಾಗಿತ್ತು. ಅಂತೂ ಲೀಗ್ ಆರಂಭವಾಗುತ್ತಿರುವುದಕ್ಕೆ ನಾವು ತುಂಬಾ ಉತ್ಸುಕರಾಗಿದ್ದೇವೆ. ನಾವು ತಾಳ್ಮೆಯಿಂದ ಆಡಬೇಕು ಮತ್ತು ಪಂದ್ಯವನ್ನು ಉತ್ತಮವಾಗಿ ನಿರ್ವಹಿಸಬೇಕು. ಆದರೆ ನಾವು ತವರಿನಲ್ಲಿ ಆಡುತ್ತಿರುವುದರಿಂದ ನಮ್ಮ ಸಿದ್ಧತೆಯ ಬಗ್ಗೆ ನಮಗೆ ವಿಶ್ವಾಸವಿದೆ. ಸ್ಪರ್ಧೆಗೆ ನಾವು ಸಿದ್ಧರಾಗಿದ್ದೇವೆ ಎಂದರು. ಹೊಸ ಐಎಸ್‌ಎಲ್ ಸೀಸನ್‌ನ ಉದ್ಘಾಟನಾ ಪಂದ್ಯಕ್ಕೆ ಕಂಠೀರವ ಕ್ರೀಡಾಂಗಣ ಸಜ್ಜಾಗುತ್ತಿರುವ ಸಂದರ್ಭದಲ್ಲಿ, ತವರಿನ ಅಭಿಮಾನಿಗಳ ಸಮ್ಮುಖದಲ್ಲಿ ಬಲಿಷ್ಠ ಪ್ರದರ್ಶನ ನೀಡುವ ಮೂಲಕ ಆತ್ಮವಿಶ್ವಾಸದಿಂದ ಅಭಿಯಾನ ಆರಂಭಿಸಲು ಬೆಂಗಳೂರು ಎಫ್‌ಸಿ ಎದುರು ನೋಡುತ್ತಿದೆ. ಬೆಂಗಳೂರು ಎಫ್‌ಸಿ vs ಸ್ಪೋರ್ಟಿಂಗ್ ಕ್ಲಬ್ ದೆಹಲಿ,
ಶನಿವಾರ, ಅಕ್ಟೋಬರ್ 10, 2026 | ಸಂಜೆ 5:00 ಗಂಟೆ,ನೇರಪ್ರಸಾರ: ಯೂಟ್ಯೂಬ್, ಸೋನಿ ಸ್ಪೋರ್ಟ್ಸ್ ಮತ್ತು ಸೋನಿ ಲಿವ್.
