ಲಿಸ್ಬನ್: ಕ್ರಿಸ್ಟಿಯಾನೊ ರೊನಾಲ್ಡೊ ಗಳಿಸಿದ ಎರಡು ಗೋಲುಗಳ ನೆರವಿನಿಂದ ಪೋರ್ಚುಗಲ್ ತಂಡವು ಯುರೋ ಕಪ್ ಫುಟ್‍ಬಾಲ್ ಟೂರ್ನಿಯ ಅಭ್ಯಾಸ ಪಂದ್ಯದಲ್ಲಿ ಐರ್ಲೆಂಡ್ ಎದುರು ಜಯಿಸಿತು.
ಸೌಥ್ ಆಫ್ ಪೋರ್ಟೊದ ಎವಿರೋ ಮುನ್ಸಿಪಲ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ 39 ವರ್ಷದ ರೊನಾಲ್ಡೊ ಮಿಂಚಿದರು.ಪೋರ್ಚುಗಲ್ ತಂಡವು 3-0ಯಿಂದ ಗೆದ್ದಿತು.
ಪಂದ್ಯದ 22ನೇ ನಿಮಿಷದಲ್ಲಿ ಫೆಲಿಕ್ಸ್ ಗೋಲು ಗಳಿಸಿದರು. ಎರಡನೇ ಅವಧಿಯಲ್ಲಿ ರೊನಾಲ್ಡೊ 50 ಮತ್ತು 60ನೇ ನಿಮಿಷಗಳಲ್ಲಿ ಗೋಲು ಹೊಡೆದರು.
ಜರ್ಮನಿಯಲ್ಲಿ ನಡೆಯಲಿರುವ ಯುರೋ ಕಪ್ ಟೂರ್ನಿಯಲ್ಲಿ ಪೋರ್ಚುಗಲ್ ತಂಡವು ಎಫ್ ಗುಂಪಿನಲ್ಲಿ ಆಡಲಿದೆ. ಈ ಗುಂಪಿನಲ್ಲಿ ಟರ್ಕಿ, ಜೆಕ್ ಗಣರಾಜ್ಯ ಹಾಗೂ ಜಾರ್ಜಿಯಾ ತಂಡಗಳು ಸೆಣಸಲಿವೆ.
