ಕೆಂಗೇರಿ: ದೊಡ್ಡಬಿದರಕಲ್ಲು ವಾರ್ಡ್ ವ್ಯಾಪ್ತಿಯ ಎಲ್ಲಾ ಬಡಾವಣೆಗಳನ್ನು ಸಂಪೂರ್ಣವಾಗಿ ಅಭಿವೃದ್ಧಿ ಹೊಂದುವಂತೆ ಮಾಡಲು ನಮ್ಮೊಂದಿಗೆ ಕೈಜೋಡಿಸಿ ಎಂದು ಯಶವಂತಪುರ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಎಸ್ ಟಿ ಸೋಮಶೇಖರ್ ಅವರು ತಿಳಿಸಿದರು.
ವಾರ್ಡ್ ವ್ಯಾಪ್ತಿಯ ರಾಕ್ ಲೈನ್ ಸ್ಟುಡಿಯೋ ಬಳಿ ವೇಣುಗೋಪಾಲ ನಗರದ ಬಡಾವಣೆಯ ಎಲ್ಲಾ ರಸ್ತೆಗಳಿಗೆ ಡಾಂಬರೀಕರಣ ಕಾಮಗಾರಿಗೆ ಚಾಲನೆ ನೀಡಿ ಮಾತನಾಡಿದ ಅವರು ದೊಡ್ಡಬಿದರಕಲ್ಲು ವಾರ್ಡ್ ಮತ್ತು ಹೇರೋಹಳ್ಳಿ ವಾರ್ಡ್ ವ್ಯಾಪ್ತಿಯಲ್ಲಿ ಬರುವ ಎಲ್ಲಾ ಬಡಾವಣೆಯಲ್ಲಿ ಬಹಳಷ್ಟು ಅಭಿವೃದ್ಧಿ ಕಾಮಗಾರಿಯನ್ನು ನೆರವೇರಿಸಲಾಗಿದೆ ಶಾಶ್ವತವಾಗಿ ಕುಡಿಯುವ ನೀರಿನ ಸರಬರಾಜು ಮಾಡಲು ಈಗಾಗಲೇ ಬೃಹತ್ ಪ್ರಮಾಣದ ಪೈಪಗಳನ್ನು ಅಳವಡಿಸಿ ನೀರಿನ ಸಮಸ್ಯೆಯನ್ನು ಪರಿಹರಿಸಿ ನೀರು ಪೂರೈಸಲು ಅವಕಾಶ ಮಾಡಿ ಕೊಡಲಾಗಿದೆ.
ಹಾಗೆಯೇ ಎಲ್ಲಾ ರಸ್ತೆಗಳಿಗೆ ಕಾಂಕ್ರೀಟ್ ಮತ್ತು ಡಾಂಬರೀಕರಣ ಮಾಡಲಾಗಿದೆ ಉಳಿದಂತೆ ನಾಗರೀಕ ಮೂಲಭೂತ ಸೌಕರ್ಯಗಳನ್ನು ಆದ್ಯತೆ ಮೇರೆಗೆ ಅಭಿವೃದ್ಧಿ ಮಾಡಲಾಗಿದೆ. ಅದರೆ ಅಭಿವೃದ್ಧಿ ಮಾಡಲು ಈ ಎರಡು ವಾರ್ಡುಗಳಲ್ಲಿ ನಿರೀಕ್ಷಿತ ಮಟ್ಟದಲ್ಲಿ ಅಭಿವೃದ್ಧಿ ಮಾಡಲು ಸಹಕಾರ ಮಾತ್ರ ನೀಡುತ್ತಿಲ್ಲ ಚುನಾವಣೆಯಲ್ಲಿ ನಿರೀಕ್ಷಿತ ಮಟ್ಟದಲ್ಲಿ ನನಗೆ ಸ್ಪಂದನೆ ಸಿಗುತ್ತಿಲ್ಲ ಆದರೂ ಸಹ ಅಭಿವೃದ್ಧಿ ಕಾಮಗಾರಿಗೆ ಯಾವುದೇ ರಾಜಕೀಯ ಮಾಡದೇ ಎಲ್ಲಾ ವಾರ್ಡುಗಳು ಮತ್ತು ಎಲ್ಲಾ ಬಡಾವಣೆಯನ್ನು ಯಾವುದೇ ತಾರತಮ್ಯ ಮಾಡದೇ ಸಂಪೂರ್ಣ ಅಭಿವೃದ್ಧಿ ಹೊಂದುವಂತೆ ಮಾಡಲು ಚಾಲನೆ ನೀಡಲಾಗಿದೆ ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ದೊಡ್ಡಬಿದರಕಲ್ಲು ವಾರ್ಡ್ ಮುಖಂಡ ಚನ್ನನಾಯಕನಪಾಳ್ಯದ ಪ್ರಸಾದ್ ಕುಮಾರ್ ಎಂ ಮಂಜುನಾಥ್ ವಾರ್ಡ್ ಕಮಿಟಿ ಸದಸ್ಯರು ಚನ್ನನಾಯಕನಪಾಳ್ಯ ಕೇಶವಮೂರ್ತಿ ವಾರ್ಡ್ ಅದ್ಯಕ್ಷರು ದೊಡ್ಡಬಿದರಕಲ್ಲು ಲಿಖಿತ್ ಗೌಡ ನಾರಾಯಣಸ್ವಾಮಿ ಬೈಲಪ್ಪ ಮಾಲತೇಶ್ ಹನುಮಯ್ಯ ಮಂಜಮ್ಮ ರಮಾ ಹನುಮೇಗೌಡ ಸೇರಿದಂತೆ ಹಲವಾರು ಮುಖಂಡರು ಭಾಗವಹಿಸಿದ್ದರು.
