ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮಾರಾಟ ಪ್ರಕ್ರಿಯೆ ಮುಗಿದ ಬಳಿಕ ಇದೀಗ ಅನನ್ಯಾ ಬಿರ್ಲಾ ಎಂಬ ಹೆಸರು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಜೊತೆಗೆ ಅವರನ್ನು ಮತ್ತು ಸನ್ ರೈಸರ್ಸ್ ಹೈದರಾಬಾದ್ ಫ್ರಾಂಚೈಸಿಯ ಮುಖ್ಯಸ್ಥೆ ಕಾವ್ಯಾ ಮಾರನ್ ಜೊತೆ ಹೋಲಿಕೆಯೂ ನಡೆಯುತ್ತಿದೆ. ಮಾರ್ಚ್ 28ರಂದು ಬೆಂಗಳೂರು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಐಪಿಎಲ್ ಉದ್ಘಾಟನಾ ಪಂದ್ಯದಲ್ಲಿ ಆರ್ ಸಿಬಿಯು ಸನ್ ರೈಸರ್ಸ್ ತಂಡವನ್ನು ಎದುರಿಸಬೇಕಾಗಿರುವುದರಿಂದ ಈ ಚರ್ಚೆಗೆ ಮತ್ತಷ್ಟು ಮಹತ್ವ ಬಂದಿದೆ.
ಕಳೆದ ಕೆಲವು ತಿಂಗಳಿAದ ನಡೆಯುತ್ತಿದ್ದ ಆರ್ ಸಿಬಿ ಮಾರಾಟ ಪ್ರಕ್ರಿಯೆಗೆ ಮಂಗಳವಾರ ಮಂಗಳ ಹಾಡಲಾಗಿದೆ. ಡಿಯೋಜಿಯೋ ತೆಕ್ಕೆಯಲ್ಲಿದ್ದ ಆರ್ ಸಿಬಿ ಫ್ರಾಂಚೈಸಿಯನ್ನು ಆದಿತ್ಯ ಬಿರ್ಲಾ ಮತ್ತು ಟೈಂಸ್ ಇಂಟರ್ನೆಟ್ ನೇತೃತದ ಒಕ್ಕೂಟ 1.78 ಬಿಲಿಯನ್ ಡಾಲರ್ ಗೆ ಖರೀದಿಸಿದೆ. ಹೀಗಾಗಿ ಆದಿತ್ಯ ಬಿರ್ಲಾ ಗುಂಪಿನ ಆರ್ಯಮಾನ್ ಬಿರ್ಲಾ ಅವರು ಆರ್ ಸಿಬಿಯ ನೂತನ ಅಧ್ಯಕ್ಷರಾಗಲಿದ್ದಾರೆ. ಈ ಹೊತ್ತಿನಲ್ಲಿ ಮುನ್ನಲೆಗೆ ಬಂದಿರುವ ಹೆಸರು ಆರ್ಯಮಾನ್ ಬಿರ್ಲಾ ಅವರ ಸಹೋದರಿ ಅನನ್ಯಾ ಬಿರ್ಲಾ ಅವರದ್ದು. ಅವರು ಆರ್ ಸಿಬಿಯ ಪಬ್ಲಿಕ್ ಫೇಸ್ ಆಗಬಹುದೇ ಎಂಬ ಚರ್ಚೆ ಇದೀಗ ನಡೆಯುತ್ತಿದೆ.ಅನನ್ಯಾ ಬಿರ್ಲಾ ಯಾರು? ಭಾರತದ ಶ್ರೀಮಂತ ಮಹಿಳಾ ಉದ್ಯಮಿಗಳಲ್ಲಿ ಒಬ್ಬರಾಗಿರುವ ಅನನ್ಯ ಬಿರ್ಲಾ ಅವರು ಆದಿತ್ಯ ಬಿರ್ಲಾ ಗ್ರೂಪ್ನ ಅಧ್ಯಕ್ಷ ಕುಮಾರ್ ಮಂಗಲಂ ಬಿರ್ಲಾ ಅವರ ಹಿರಿಯ ಮಗಳು. ಆರ್ಯಮಾನ್ ವಿಕ್ರಮ್ ಬಿರ್ಲಾ ಅವರ ಸಹೋದರಿ. 1994ರಲ್ಲಿ ಮುಂಬೈನಲ್ಲಿ ಜನಿಸಿದ ಅವರು ಯಶಸ್ವಿ ಉದ್ಯಮಿಯಾಗಿ ಗುರುತಿಸಿಕೊಂಡಿದ್ದಾರೆ. 'ಎಂ ಪವರ್' ಎಂಬ ಮಾನಸಿಕ ಆರೋಗ್ಯ ವೇದಿಕೆಯ ಮೂಲಕವೂ ಅವರು ಸಮಾಜ ಸೇವೆಯಲ್ಲಿ ತೊಡಗಿದ್ದಾರೆ. ಸೃಜನಶೀಲ ಚಟುವಟಿಕೆ, ಕಲೆಗಳಲ್ಲಿ ಆಸಕ್ತಿ ಹೊಂದಿರುವ ಅವರು ಗಾಯಕಿಯೂ ಹೌದು, ಸಿತಾರ್ ಸಹ ನುಡಿಸಬಲ್ಲರು.ಅನನ್ಯಾ ಬಿರ್ಲಾ ಆಸ್ತಿ ಎಷ್ಟು?ಅನನ್ಯಾ ಬಿರ್ಲಾ ಅವರ ವೈಯಕ್ತಿಕ ನಿವ್ವಳ ಮೌಲ್ಯವು 1,000 ಕೋಟಿಯಿಂದ 1,770 ಕೋಟಿ ರೂ.ಗಳ ನಡುವೆ ಇದೆ ಎಂದು ದಿ ಫೈನಾನ್ಷಿಯಲ್ ಎಕ್ಸ್ಪ್ರೆಸ್ನ ವರದಿಗಳು ತಿಳಿಸಿವೆ. ಅವರು ಮುಂಬೈನಲ್ಲಿರುವ ಸುಮಾರು 425 ಕೋಟಿ ರೂ. ಮೌಲ್ಯದ ಐಷಾರಾಮಿ ಮನೆಯಲ್ಲಿ ವಾಸಿಸುತ್ತಿದ್ದಾರೆ. ಅವರ ಉನ್ನತ ಜೀವನಶೈಲಿಗೆ ತಕ್ಕಂತೆ ಹಲವು ಪ್ರೀಮಿಯಂ ಕಾರುಗಳು ಅವರ ಬಳಿ ಇವೆ.
