ಕನ್ನಡ ರಾಜ್ಯೋತ್ಸವ

ಓ ಕನ್ನಡಿಗರೇ ಏಳಿ ಎದ್ದೇಳಿ
ಕನ್ನಡ ರಾಜ್ಯೋತ್ಸವ ಮಾಡೋಣ ಬನ್ನಿ
ಬಾವುಟ ಹಾರಿಸಿ ಘೋಷಣೆ ಕೂಗಿ
ಎಲ್ಲರೂ ಒಂದಾಗಿ ಕುಣಿದು ಕುಪ್ಪಳಿಸಿ
ಕನ್ನಡ ರಾಜ್ಯೋತ್ಸವ ಮಾಡೋಣ

Also read

ಗುರು ಪೂರ್ಣಿಮೆ

ತೊರಣ ಕಟ್ಟಿ ಹೂಮಾಲೆ ಹಾಕಿ
ಬಣ್ಣ ಬಣ್ಣದ ವಿದ್ಯುತ್ ದೀಪಗಳ ಬೆಳಗಿ
ಅದ್ದೂರಿ ಸುಂದರ ವೇದಿಕೆಯ ಕಟ್ಟಿ
ದೇವಿ ಮೂರ್ತಿಯ ಚೆಂದದಿ ಸಿಂಗರಿಸಿ
ಕನ್ನಡ ರಾಜ್ಯೋತ್ಸವ ಮಾಡೋಣ ಬನ್ನಿ

ತೆರೆಮರೆ ಕನ್ನಡದ ಸಾಧಕರ ಹುಡುಕಿ
ಶಾಲುಗಳ ಹೊದಿಸಿ ಹಾರಗಳ ಹಾಕಿ
ಅವರಾಡುವ ಕನ್ನಡದ ಸವಿ ನುಡಿ ಕೇಳಿ
ದೇವಿಗೆ ಆರತಿ ಬೆಳಗಿ ಹೂಮಾಲೆ ಹಾಕಿ
ಕನ್ನಡ ರಾಜ್ಯೋತ್ಸವ ಮಾಡೋಣ ಬನ್ನಿ
ಬರಿ ಈ ಆಡಂಬರ ಸಂಭ್ರಮವು ಸಾಕೆ ?
ಜೊತೆಗೆ ಕಟ್ಟೋಣ ತಾಯಿಗೆ ನಿಜವಾದ ವೇದಿಕೆ
ತನು ಕನ್ನಡ ಮನ ಕನ್ನಡ ನುಡಿ ಕನ್ನಡ ವೆಂದು
ಪ್ರತಿಯೊಬ್ಬ ಕನ್ನಡಿಗ ಛಲದಲ್ಲಿ ನಿಂದು
ಕನ್ನಡದ ನಿಜ ಉತ್ಸವ ಮಾಡೋಣ ಬನ್ನಿ
ತಾಯಿ ಮಕ್ಕಳ ಮೊದಲ ಗುರುವಾಗಿ
ಮಮ್ಮಿ ಸಂಸ್ಕöÈತಿಯ ತೊಳೆದು ಅಳಿಸಿ
ಕನ್ನಡದ ಮುದ್ದಾದ ಮಾತು ಕಲಿಸಿ
ಅಚ್ಚ ಕನ್ನಡಿಗರ ಬಲದ ಸೇನೆ ಬೆಳಸಿ
ಕನ್ನಡದ ನಿಜ ಉತ್ಸವ ಮಾಡೋಣ ಬನ್ನಿ
ಹಲೋ ಬೈ ಬೈಗೆ ಹೇಳಿರಿ ಟಾಟಾ
ಮಾಡಿ ನಮಸ್ತೆ ವಂದನೆಯ ಪಾಠ
ಇಂಗ್ಲೀಷ್ ಬಾಷೆ ಬರಿ ವ್ಯವಹಾಕ್ಕಿರಲಿ
ಕಸ್ತೂರಿ ಕನ್ನಡ ಮನವ ತುಂಬಿರಲಿ
ಕನ್ನಡದ ನಿಜ ಉತ್ಸವ ಮಾಡೋಣ ಬನ್ನಿ
ಕನ್ನಡ ಪುಸ್ತಕ ಕತೆಕವನಗಳ ನಂಟು
ಬೆಳೆಯಲಿ ಮಕ್ಕಳ ಜೊತೆಯಲಿ ಒಂದಿಷ್ಟು
ಕುವೆAಪು ,ಬೇಂದ್ರೆ ಮಾಸ್ತಿ ಕವಿಗಳ ಸಾಲು
ಮುದ ನೀಡಲಿ ಆಗಾಗ ಮನಕೆ ಇಂತಿಷ್ಟು
ಕನ್ನಡದ ನಿಜ ಉತ್ಸವ ಮಾಡೋಣ ಬನ್ನಿ
ಬಾರದವರಿಗೆ ಕನ್ನಡ ಭಾಷೆಯ ಕಲಿಸಿ
ನೀವೂ ಕನ್ನಡವ ಉಳಿಸಿ ಬೆಳಸಿ
ಆಡಳಿತ ಭಾಷೆ ಮಾದ್ಯಮಿಕ ಶಿಕ್ಷಣ ಪೂರ್ಣ ಕನ್ನಡವಾಗಿ
ಉಳಿಯಲಿ, ಬೆಳೆಯಲಿ, ಬೆಳಗಲಿ ಕನ್ನಡ
ಓ ಕನ್ನಡಿಗರೇ ಏಳಿ ಎದ್ದೇಳಿ
ಕನ್ನಡ ರಾಜ್ಯೋತ್ಸವ ಮಾಡೋಣ ಬನ್ನಿ

ಕವನ ರಚನೆ
ನಾಗವೇಣಿ ರಂಗನ್

Also read

ನೀಟ್ ವೈಫಲ್ಯ ವ್ಯವಸ್ಥೆಯ ಕುಸಿತಕ್ಕೆ ಸಾಕ್ಷಿ..!