ದೇವನಹಳ್ಳಿ: ತಾಲ್ಲೂಕು ಪ್ರಾಥಮಿಕ ಸಹಕಾರಿ ಕೃಷಿ ಮತ್ತು ಗ್ರಾಮೀಣಾಭಿವೃದ್ದಿ ಬ್ಯಾಂಕ್ ಕಳೆದ 88 ವರ್ಷಗಳಿಂದ ಸುದೀರ್ಘ ಇತಿಹಾಸವುಳ್ಳ ಸಹಕಾರಿ ಸಂಸ್ಥೆ ಯಾಗಿದ್ದು ತಾಲೂಕಿನ ರೈತ ಬಾಂದವರಿಗೆ ತನ್ನದೆ ಆದ ಆರ್ಥಿಕ ನೆರವನ್ನು ನೀಡುವ ಮೂಲಕ ಹಸಿರು ಕ್ರಾಂತಿಗೆ ಅಮೋಘವಾದ ಕೊಡುಗೆಯನ್ನು ನೀಡಿದೆ ಎಂದು ಕ್ಷೇತ್ರದ ಶಾಸಕ ನಿಸರ್ಗ ನಾರಾಯಣಸ್ವಾಮಿ ತಿಳಿಸಿದರು.
ಪಟ್ಟಣದ ಶ್ರೀ ನಗರೇಶ್ವರಸ್ವಾಮಿ ಕಲ್ಯಾಣ ಮಂಟಪದಲ್ಲಿ ಆಯೋಜಿಸ ಲಾಗಿದ್ದ 2023-2024 ನೇ ಸಾಲಿನ ವಾರ್ಷಿಕ ಮಹಾಸಭೆ ಉದ್ಘಾಟಿಸಿ ಮಾತನಾಡಿ. ರೈತರು ಕೃಷಿ ಬ್ಯಾಂಕುಗಳಿಂದ ದೊರೆಯುವ ಸವಲತ್ತುಗಳನ್ನು ಬಳಕೆ ಮಾಡಿಕೊಂಡು ಮುಂದೆ ಬರಬೇಕು, ಕುಮಾರಸ್ವಾಮಿಯವರು ಮುಖ್ಯಮಂತ್ರಿಯಾಗಿದ್ದ ಸಮಯದಲ್ಲಿ ರೈತರ ಸಾಲ ಮನ್ನಾ ಮಾಡಿ ಬಡವರ ಬಾಳಿಗೆ ಆಶಾಕಿರಣವಾಗಿದ್ದಾರೆ, ಬ್ಯಾಂಕುಗಳಲ್ಲಿ ಸುಗಮವಾಗಿ ವ್ಯವಹಾರ ನಡೆಸಲು ಸಾಲ ವಿತರಣೆ ಎಷ್ಟು ಮುಖ್ಯವೊ ಸಾಲ ವಸೂಲಾತಿಯೂ ಅಷ್ಟೆ ಮುಖ್ಯವಾಗಿರುತ್ತದೆ, ಪಡೆದ ಸಾಲವನ್ನು ಸದಸ್ಯರು ಸಕಾಲಕ್ಕೆ ಮರುಪಾವತಿ ಮಾಡಿ ಮರು ಸಾಲಪಡೆಯುವುದರ ಜೊತೆಗೆ ಉತ್ತಮ ಬ್ಯಾಂಕ್ನೊಂದಿಗೆ ಬಾಂದವ್ಯವನ್ನು ಇಟ್ಟುಕೊಳ್ಳುವಂತವರಾಗಬೇಕು ಎಂದರು.
ಬ್ಯಾಂಕಿನ ಮಹಾಸಭೆಯ ಅಧ್ಯಕ್ಷತೆಯನ್ನು ವಹಿಸಿದ್ದ ಅಧ್ಯಕ್ಷ ಜಿ.ಕೆ.ಹನುಮಪ್ಪ ಮಾತನಾಡಿ ಸಂಘವು ಉತ್ತಮವಾಗಿ ನಡೆದುಕೊಂಡು ಬರುತ್ತಿದ್ದು ಎಲ್ಲಾ ಸದಸ್ಯರ ಹಾಗೂ ಬ್ಯಾಂಕಿನ ಅಧಿಕಾರಿಗಳಿಗೆ ಹಾಗೂ ಸಿಬ್ಬಂದಿಗಳಿಗೆ ಅಭಿನಂದಿಸುತ್ತೇನೆ. ರೈತರಿಗೆ ಅನುಕೂಲವಾಗುವಂತೆ ರೈತ ಸಮುದಾಯದ ಏಳಿಗೆಗೆ ಸಂಘದಿಂದ ಬ್ಯಾಂಕಿಂಗ್ ಸೌಲಭ್ಯ ಕಲ್ಪಿಸಿ, ನೀಡುತ್ತಿರುವ ಸಾಲ ಸೌಲಭ್ಯ ರೈತರು ಸದುಪಯೋಗ ಪಡೆದುಕೊಳ್ಳಬೇಕು, ಆರ್ಥಿಕವಾಗಿ ಮುಂದೆ ಬರಬೇಕು ಎಂದು ಹೇಳಿದರು.
ಜಿಲ್ಲಾ ಸಹಕಾರಿ ಯೂನಿಯನ್ ಅಧ್ಯಕ್ಷ ಎ.ಸಿ. ನಾಗರಾಜ್ ಮಾತನಾಡಿ ವಾಣಿಜ್ಯ ಕಟ್ಟಡಗಳನ್ನು ನಿರ್ಮಿಸಿರುವುದರಿಂದ ಸಂಘಕ್ಕೆ ಹೆಚ್ಚಿನ ಆದಾಯ ಬರುತ್ತಿದೆ, ಇದನ್ನು ರೈತರಿಗೆ ಕಡಿಮೆ ಬಟ್ಟಿದರದಲ್ಲಿ ಸಾಲ ನೀಡಿದರೆ ಅವರ ಜೀವನಕ್ಕೆ ಸಹಕಾರಿಯಾಗಲಿದೆ ಹಾಗೂ ಸಂಘಕ್ಕೂ ಸಹಕಾರಿಯಾಗಲಿದೆ ಎಂದರು.
ಇದೇ ಸಂದರ್ಭದಲ್ಲಿ ಹೆಚ್ಚು ಅಂಕಗಳಿಸಿದ ಸಂಘದ ಸದಸ್ಯರ ಮಕ್ಕಳಾದ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ನೀಡಿ ಗೌರವಿಸಲಾಯಿತು.
ಈ ವೇಳೆ ಜಿಲ್ಲಾ ಜೆಡಿಎಸ್. ಅಧ್ಯಕ್ಷ ಬಿ.ಮುನೇಗೌಡ, ತಾಲೂಕು ಅಧ್ಯಕ್ಷ ಆರ್.ಮುನೇಗೌಡ, ಪುರಸಭಾ ಸದಸ್ಯ ಜಿ.ಎ.ರವೀಂದ್ರ, ದೇವನಹಳ್ಳಿ ತಾಲ್ಲೂಕು ಸೊಸೈಟಿ ಅಧ್ಯಕ್ಷ ಎ.ದೇವರಾಜ್, ಮಂಡಿಬೆಲೆ ರಾಜಣ್ಣ, ಕಾಂಏನಹಳ್ಳಿ ರಮೇಶ್, ಬಿ.ಎನ್.ಕೃಷ್ಣಪ್ಪ, ಗೋಪಾಲಗೌಡ, ಸಂಘದ ಉಪಾಧ್ಯಕ್ಷೆ ಶ್ರೀಮತಿ ಆಶಾ ಜಿ.ಎ.ರವೀಂದ್ರ, ನಿರ್ದೇಶಕರಾದ ಪಿ. ಪಟಾಲಪ್ಪ, ಜೊನ್ನಹಳ್ಳಿ ಮುನಿರಾಜು, ಸಿ. ಮುನಿರಾಜು, ಸಂಪಂಗಪ್ಪ, ಮುನಿನಾರಾಯಣಪ್ಪ, ಎಂ. ಬಸವರಾಜು, ಅನ್ನಪೂರ್ಣ, ಸಿ.ಎನ್. ಜಯರಾಮೇಗೌಡ, ನಂಜೇಗೌಡ, ಜಿ.ಎಸ್. ಬೀಮರಾಜು, ಪಿ. ವೆಂಕಟೇಶ್, ಆರ್. ಭರತ್, ನಾಮಿನಿ ಗೋಪಾಲಗೌಡ, ಈರಪ್ಪ, ಬ್ಯಾಂಕಿನ ವ್ಯವಸ್ಥಾಪಕ ಕೆ.ವಿ.ರಾಜೇಂದ್ರ ಪ್ರಸಾದ್, ಸಿಬ್ಬಂದಿ ಬಿ.ಕೆ. ರಾಧ, ಸಿ.ಮುರಳಿ, ಸಿ.ಎಂ. ನಟರಾಜ್, ಪ್ರಿಯದರ್ಶಿನಿ, ಪ್ರದೀಪ್ಕುಮಾರ್, ವೇಣುಗೋಪಾಲ್, ಸೇರಿದಂತೆ ಅನೇಕ ಸದಸ್ಯರು ಭಾಗವಹಿಸಿದ್ದರು.
