ಪ್ರೊ ಕಬಡ್ಡಿ ಲೀಗ್ (ಪಿಕೆಎಲ್) ತನ್ನ ಯಶಸ್ವಿ ೧೧ನೇ ಆವೃತ್ತಿಗೆ ಸಜ್ಜಾಗುತ್ತಿದೆ ಮತ್ತು ಕಬಡ್ಡಿ ಪ್ರೇಮಿಗಳಿಗೆ ಖುಷಿ ಸುದ್ದಿ ಸುದ್ದಿಯೊಂದು ಮತ್ತೆ ಬಂದಿದೆ.
ಬಹು ನಿರೀಕ್ಷಿತ ಆಟಗಾರರ ಹರಾಜು ಆಗಸ್ಟ್ ೧೫ ಮತ್ತು ೧೬ರಂದು ಮುಂಬೈನಲ್ಲಿ ಸ್ವಾತಂತ್ರ್ಯ ದಿನಾಚರಣೆಯ ವಾರಾಂತ್ಯದಲ್ಲಿ ನಡೆಯಲಿದೆ ಎಂದು ಲೀಗ್ ಆಯೋಜಕರಾದ ಮಶಾಲ್ ಸ್ಪೋರ್ಟ್ಸ್ ಪ್ರಕಟಿಸಿದ್ದಾರೆ.
ಕಬಡ್ಡಿ ರೋಚಕತೆಗೆ ದಶಕದ ಸಂಭ್ರಮ: ಜುಲೈ ೨೬, ೨೦೨೪ರಂದು ಪಿಕೆಎಲ್ ತನ್ನ ೧೦ನೇ ವಾರ್ಷಿಕೋತ್ಸವವನ್ನು ನೆನಪಿಸಿಕೊಂಡ ಒಂದು ದಿನಕ್ಕೂ ಮುನ್ನ ಈ ಪ್ರಕಟಣೆ ಬಂದಿದೆ. ಒಂದು ದಶಕದ ಹಿಂದೆ ಮುಂಬೈನಲ್ಲಿ ಯು ಮುಂಬಾ ಮತ್ತು ಜೈಪುರ ಪಿಂಕ್ ಪ್ಯಾಂಥರ್ಸ್ ನಡುವಿನ ರೋಚಕ ಉದ್ಘಾಟನಾ ಪಂದ್ಯದ ನಂತರ ಲೀಗ್ ಬಹಳ ದೂರ ಸಾಗಿ ಬಂದಿದೆ.
ಈ ವರ್ಷದ ಆರಂಭದಲ್ಲಿ ತನ್ನ ೧೦ನೇ ಆವೃತ್ತಿಯನ್ನು ಯಶಸ್ವಿಯಾಗಿ ಮುಕ್ತಾಯಗೊಳಿಸಿದ ಪಿಕೆಎಲ್, ಈ ಮೈಲಿಗಲ್ಲನ್ನು ತಲುಪಿದ ಎರಡನೇ ಭಾರತೀಯ ಕ್ರೀಡಾ ಲೀಗ್ ಆಗಿ ತನ್ನ ಸ್ಥಾನವನ್ನು ಪಡೆದುಕೊಂಡಿದೆ. ಐಪಿಎಲ್ ಯಶಸ್ವಿ ೧೭ ಆವೃತ್ತಿಗಳನ್ನು ಪೂರೈಸಿದೆ.
