ದೇವನಹಳ್ಳಿ : ತಾಲೂಕಿನಲ್ಲಿ ಅಧಿಕಾರಿಗಳ ಭೇಜವಾಬ್ದಾರಿ ಯಿಂದ ಬಡಜನರ ಗೋಳು ಕೇಳುವವರಿಲ್ಲದಂತಾಗಿದೆ ಸಣ್ಣಸಣ್ಣ ಜಾಗಗಳನ್ನು ಒತ್ತುವರಿ ಮಾಡಿದ್ದರೂ ಕಂಡು ಕಾಣದಂತಿರುವ ಅಧಿಕಾರಗಳ ಕಣ್ಣು ತೆರೆಸಲು “ಊರುಕೇರಿಯ ನ್ಯಾಯ ಬದ್ಧ ಹಕ್ಕಿಗಾಗಿ ಪ್ರತಿಭಟನೆ”ಯನ್ನು ಹಮ್ಮಿಕೊಂಡಿದ್ದೇವೆ ಎಂದು ಕೆ.ಆರ್.ಎಸ್ ಪಕ್ಷದ ರಾಜ್ಯ ಯುವ ಘಟಕದ ಪ್ರಧಾನ ಕಾರ್ಯದರ್ಶಿ ವಕೀಲರು ಎಂ ನಿಖಿಲ್ ತಿಳಿಸಿದರು.
ಅವರು ಪಟ್ಟಣದ ಜಿಲ್ಲಾ ಪತ್ರಿಕಾ ಭವನದಲ್ಲಿ ಆಲೂರು ದುದ್ದನಹಳ್ಳಿ ಡಾ||ಬಿ.ಆರ್ ಅಂಬೇಡ್ಕರ್ ಯುವಕರ ಸಂಘ ಹಾಗೂ ಕೆ.ಆರ್.ಎಸ್ ಪಕ್ಷದ ವತಿಯಿಂದ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ ದೇವನಹಳ್ಳಿ ತಾಲೂಕಿನಲ್ಲಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ ಪ್ರಾರಂಭವಾದ ನಂತರ ಜಮೀನಿನ ಬೆಲೆ ಗಗನಕ್ಕೇರಿದ್ದು ಕೆಲವು ಪ್ರಭಾವಿಗಳು ಬಡ ಜನರ ಅದೆಷ್ಟೋ ಜಮೀನುಗಳನ್ನು ಇಲ್ಲದ ತಕರಾರು ಸೃಷ್ಠಿಸಿ ಅಧಿಕಾರಗಳ ಮೇಲೆ ಪ್ರಭಾವ ಬೀರಿ ಜಮೀನು ಕಬಳಿಸುತ್ತಿದ್ದಾರೆ ಭ್ರಷ್ಠ ಅಧಿಕಾರಿಗಳ ವಿರುದ್ದ ಫೆ. 3 ಸೋಮವಾರದಂದು ಜಿಲ್ಲಾಡಳಿತ ಭವನದ ಮುಂದೆ ಉಗ್ರ ಪ್ರತಿಭಟನೆ ಹಮ್ಮಿಕೊಳ್ಳಲಾಗಿದೆ ಅನ್ಯಾಯಕ್ಕೊಳಗಾದ ಜನರಿಗೆ ನ್ಯಾಯ ಒದಗಿಸುವ ನಿಟ್ಟಿನಲ್ಲಿ ನಮ್ಮ ಕೆಆರ್ಎಸ್ ಪಕ್ಷ ದುಡಿಯುತ್ತಿದೆ ಎಂದು ತಿಳಿಸಿದರು.
ಜಿಲ್ಲಾಧ್ಯಕ್ಷ ವೆಂಕಟೇಶ್ಮೂರ್ತಿ ಮಾತನಾಡಿ ಸಾಮಾನ್ಯ ಜನರು ಓಡಾಡುವ ರಸ್ತೆ, ನಕಾಶೆ ದಾರಿ, ಕೇರಿಗಳಿಗೆ ಓಡಾಡಲು ಅವಕಾಶಗಳು ಮಾಡಿಕೊಡದೆ ಪ್ರತಿಯೊಂದು ಹಳ್ಳಿಯಲ್ಲೂ ದೌರ್ಜನ್ಯ ಶೋಷಣೆ ಮಾಡುತ್ತಲೇ ಬರುತ್ತಿದ್ದಾರೆ. ಹಳ್ಳಿಗಳಲ್ಲಿ ಇಂತಹ ಸಮಸ್ಯೆಗಳ ಸಾಗರವೇ ಅಡಗಿದೆ ಇದಕ್ಕೆ ಮುಖ್ಯ ಕಾರಣ ಅಧಿಕಾರಿಗಳ ನಿರ್ಲಕ್ಷ್ಯ, ಜನಪ್ರತಿನಿಧಿಗಳ ಬೇಜವಾಬ್ದಾರಿಯಿಂದ ಸಮಸ್ಯೆಗಳು ಸಮಸ್ಯೆಯಾಗಿಯೇ ಉಳಿದಿದೆ ಇದಕ್ಕೆ ಅಂತಿಮ ಹಂತವೇ ಹೋರಾಟ ಹಾಗಾಗಿ ಅಧಿಕಾರಿಗಳು ಜನಪ್ರತಿನಿಧಿಗಳ ಸ್ಪಂದನೆ ಮಾಡದೇ ಇದ್ದದ್ದರಿಂದ ಬೃಹತ್ ಹೋರಾಟವನ್ನು ಮಾಡಲಾಗುವುದು ಎಂದು ಎಚ್ಚರಿಸಿದರು.
ಡಾ|| ಬಿಆರ್. ಅಂಭೇಡ್ಕರ್ ಯುವಕರ ಸಂಘದ ಡಿ.ಎಂ. ಮಂಜುನಾಥ್ ಮಾತನಾಡಿ ದುದ್ದನಹಳ್ಳಿ ಗ್ರಾಮದಿಂದ ಬೈರದೇನಹಳ್ಳಿವರೆಗೂ ಸರ್ಕಾರಿ ನಕಾಶೆಯಲ್ಲಿ ಇದ್ದಂತಹ ದಾರಿಯನ್ನ ಪ್ರಭಾವಿ ವ್ಯಕ್ತಿಗಳು ಅಕ್ರಮಿಸಿಕೊಂಡಿದ್ದು, ಅದನ್ನು ತೆರವುಗೊಳಿಸಿ ರಸ್ತೆಯನ್ನು ಪುನರ್ ನಿರ್ಮಾಣ ಮಾಡಿಕೊಡಬೇಕು, ಸಮುದಾಯ ಭವನ ಶೀತಿಲಗೊಂಡಿದ್ದು ನವೀಕರಣ ಮಾಡಿ, ಸರ್ವೆ ಮಾಡಿ ಭವನಕ್ಕೆÉ್ಕ ಸೂಕ್ತ ಕಾಂಪೌಂಡ್ ಮಾಡಬೇಕು, ಕೊನೆಯ ಬೀದಿ ದೂಳಪ್ಪನವರ ಮನೆಯಿಂದ ಭೈರಪ್ಪನವರ ಮನೆಗೆ ಹೋಗುವ ಬೀದಿ ಹಾಗೂ ಸಂಪಂಗಪ್ಪ ಮನೆಯ ಹಿಂದಿನ ಬೀದಿಯಲ್ಲಿ ಕಾಂಕ್ರೀಟ್ ರಸ್ತೆ ವ್ಯವಸ್ಥೆಯನ್ನು ಕಲ್ಪಿಸಿ ಕೊಡಬೇಕು, ಹಳೆ ಸೈಟುಗಳಿಂದ ಮತ್ತು ದುದ್ದನಹಳ್ಳಿಯಿಂದ ಬೀರಸಂದ್ರ ಗ್ರಾಮಕ್ಕೆ ಓಡಾಡಲು ದಾರಿ ಇರುವುದಿಲ್ಲ ಸರ್ಕಾರಿ ನಕಾಶೆಯಲ್ಲಿ ದಾರಿ ಇದ್ದು ಕೆಲ ಪ್ರಭಾವಿ ವ್ಯಕ್ತಿಗಳು ದಾರಿಯನ್ನು ಆಕ್ರಮಿಸಿಕೊಂಡು ದಾರಿ ಬಿಡಲು ನಕಾರ ಮಾಡಿ ತೊಂದರೆಯನ್ನು ನೀಡುತ್ತಿದ್ದಾರೆ.
ಹಾಗಾಗಿ ಸಂಬಂಧಪಟ್ಟ ಅಧಿಕಾರಿಗಳು ಸೂಕ್ತ ಕ್ರಮ ಕೈಗೊಂಡು ತೆರವುಗೊಳಿಸಿ ರಸ್ತೆಗಳನ್ನು ಪುನರ್ ನಿರ್ಮಾಣ ಮಾಡಬೇಕು ಇಲ್ಲವಾದಲ್ಲಿ ಮುಂದಿನ ದಿನಗಳಲ್ಲಿ ಬೃಹತ್ ಪ್ರತಿಭಟನೆಯನ್ನು ಮಾಡಲಾಗುವುದು ಎಂದು ಅಗ್ರಹಿಸಿದರು.ಇದೇ ಸಂದರ್ಭದಲ್ಲಿ ಡಾ. ಬಿ.ಆರ್ ಅಂಬೇಡ್ಕರ್ ಯುವಕರ ಸಂಘದ ಗೌರವಾಧ್ಯಕ್ಷ ಮಂಜುನಾಥ್. ಡಿ.ಎಂ, ಅಧ್ಯಕ್ಷ ಮನು .ಡಿ.ಎಂ, ಉಪಾಧ್ಯಕ್ಷ ಆರ್ಥಿಕ್.ಟಿ, ಜೈ ಭೀಮ್ ಸಂಘಟನೆಯ ರಾಜ್ಯಾಧ್ಯಕ್ಷ ಪಾಳ್ಯದ ಮುನಿರಾಜು, ಕೆ.ಆರ್.ಎಸ್ ಪಕ್ಷದ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಗೌರವಾಧ್ಯಕ್ಷರು ಟಿ.ಜೆ ವೆಂಕಟೇಶಮೂರ್ತಿ, ಅಧ್ಯಕ್ಷ ಮುನೀಂದ್ರ, ಸದಸ್ಯರು ಶಶಿಕುಮಾರ್, ಮುನಿರಾಜು ಸೇರಿದಂತೆ ಮತ್ತಿತರರು ಇದ್ದರು.
