ದೇವನಹಳ್ಳಿ: ಭಕ್ತಿಯಿಂದಲೇ ಭಗವಂತನನ್ನು ಕಾಣಬಹುದು ಎಂಬುದನ್ನು ತಿಳಿದುಕೊಟ್ಟವರು ಕನಕದಾಸರು ಎಂದು ಆವತಿ ಗ್ರಾಮದ ಕುರುಬ ಜನಾಂಗದ ಹಿರಿಯ ಮುಖಂಡ ನಾರಾಯಣಪ್ಪ ತಿಳಿಸಿದರು.
ದೇವನಹಳ್ಳಿ ತಾಲೂಕು ಆವತಿ ಗ್ರಾಮದ ಕನಕದಾಸರ ಮಂಟಪದಲ್ಲಿ ಯುವ ಕುರುಬ ಕನಕ ಸಂಘದಿಂದ ಕನಕದಾಸರ ಪ್ರತಿಮೆಗೆ ಪುಷ್ಪವನ್ನು ಸಲ್ಲಿಸಿ ಮಾತನಾಡಿದರು. ಕನಕದಾಸರ ಮೂಲ ನಾಮ ತಿಮ್ಮಪ್ಪ ತಮ್ಮ ಭೂಮಿಯಲ್ಲಿ ದೊರೆತ ಬಂಗಾರ ಉಳಿಸಿಕೊಳ್ಳದೆ ಸರ್ವರಿಗೂ ದಾನ ಮಾಡಿದವರು ಕನಕದಾಸರು ತಮ್ಮ ಭಕ್ತಿಯಿಂದ ಶ್ರೀಕೃಷ್ಣನನ್ನು ಸ್ಮರಿಸಿದರೂ ಕನಕರು ಸಂಸ್ಕೃತಿ ಮತ್ತು ಸಮಾನತೆಗಳನ್ನು ಅಳವಡಿಸಿಕೊಂಡಿದ್ದವರು ಸರ್ವರಿಗೂ ಸಮಬಾಳು ಇದ್ದಾಗ ಮಾತ್ರ ಸಮಾಜವನ್ನು ಉತ್ತಮ ರೀತಿಯಲ್ಲಿ ನಡೆಸಬಹುದು ಎಂದು ತಿಳಿಸಿದರು.
ಈ ಸಮಯದಲ್ಲಿ ಕನಕದಾಸರ ಸಂಘದ ಅಧ್ಯಕ್ಷ ಎನ್ ನಾಗೇಶ್, ಎನ್ ಚಂದ್ರಪ್ಪ, ಪಾಪಣ್ಣ, ಮುನಿನಾರಾಯಣಪ್ಪ, ಮಂಜುನಾಥ್, ಮುನಿರಾಜು, ಸುಬ್ರಮಣಿ, ತಿಲಕ್, ಲಿಖಿತಾ, ಮಹಿಳಾ ಘಟಕದ ರಾಧಮ್ಮ ಕೃಷ್ಣಾರೆಡ್ಡಿ ಉಪಸ್ಥಿತರಿದ್ದರು.
