ಚುಟುಕು ಕ್ರಿಕೆಟ್ ಇತಿಹಾಸದಲ್ಲೇ ದ್ವಿಶತಕ ಗಳಿಸಿದ ಒಬ್ಬನೇ ಒಬ್ಬ ಬ್ಯಾಟರ್ ಇಲ್ಲ. ಇದೀಗ ಕ್ರಿಕೆಟ್ ಜಗತ್ತಿನ ಅಚ್ಚರಿಯ ಬಾಲಕ ವೈಭವ್ ಸೂರ್ಯವಂಶಿ ಅವರು ಮೊದಲ ಬಾರಿಗೆ ಟಿ20 ಕ್ರಿಕೆಟ್ ನಲ್ಲಿ ದ್ವಿಶತಕ (200 ರನ್) ಸಿಡಿಸುವ ಅದ್ಭುತ ಗುರಿ ಇರಿಸಿಕೊಂಡಿದ್ದಾರೆ. ಕೇವಲ 15 ವರ್ಷದವರಾಗಿರುವ ಸೂರ್ಯವಂಶಿ, ಟಿ20 ಇತಿಹಾಸದಲ್ಲಿ ಅತ್ಯಧಿಕ ವೈಯಕ್ತಿಕ ಸ್ಕೋರ್ ಆಗಿ ಉಳಿದಿರುವ ಕ್ರಿಸ್ ಗೇಲ್ ಅವರ ಅಜೇಯ 175 ರನ್ಗಳ ದಾಖಲೆಯನ್ನು ಮುರಿಯುವ ಇಚ್ಛೆಯನ್ನು ಈ ಹಿಂದೆಯೂ ವ್ಯಕ್ತಪಡಿಸಿದ್ದರು. ಇದೀಗ ಪುನರುಚ್ಚರಿಸಿದ್ದಾರೆ.
ಖ್ಯಾತ ಮಾಜಿ ಕ್ರಿಕೆಟಿಗ ಕೆವಿನ್ ಪೀಟರ್ಸನ್ ಅವರ ಯೂಟ್ಯೂಬ್ ಶೋ 'ದಿ ಸ್ವಿಚ್'ನ ಇತ್ತೀಚಿನ ಸಂಚಿಕೆಯಲ್ಲಿ ಮಾತನಾಡಿದ ಈ ಯುವ ಆಟಗಾರ, ತಾವು ಇತಿಹಾಸ ಬರೆಯಲು ಸಜ್ಜಾಗಿರುವುದನ್ನು ಸ್ಪಷ್ಟಪಡಿಸಿದರು. "ನಾನು ಟಿ20 ಕ್ರಿಕೆಟ್ನಲ್ಲಿ 200 ರನ್ ಗಳಿಸಲು ಬಯಸುತ್ತೇನೆ" ಎಂದು ಸೂರ್ಯವಂಶಿ ಪೀಟರ್ಸನ್ ಅವರಿಗೆ ತಿಳಿಸಿದರು.
20 ಓವರ್ ಆಡಿದರೆ ಸಾಧ್ಯ: ಇದಕ್ಕೆ ಪ್ರತಿಕ್ರಿಯಿಸಿದ ಪೀಟರ್ಸನ್, "ಕ್ರಿಸ್ ಗೇಲ್ ಅವರ ಗರಿಷ್ಠ ಸ್ಕೋರ್ 175 ರನ್ ಆಗಿದೆ" ಎಂದು ನೆನಪಿಸಿದಾಗ, ಯುವ ಆಟಗಾರನ ಮಹತ್ವಾಕಾಂಕ್ಷೆ ಮತ್ತಷ್ಟು ಹೆಚ್ಚಾಯಿತು. "ಹೌದು, ನಾನು ಅವರ ದಾಖಲೆಯನ್ನು ಮುರಿದು 200 ರನ್ ಗಳಿಸಲು ಬಯಸುತ್ತೇನೆ. ಯಾವುದೇ ಪಂದ್ಯದಲ್ಲಿ ನಾನು ಪೂರ್ತಿ 20 ಓವರ್ಗಳ ಕಾಲ ಬ್ಯಾಟಿಂಗ್ ಮಾಡಿದರೆ, ಖಂಡಿತವಾಗಿಯೂ ಆ ದಾಖಲೆಯನ್ನು ಮುರಿಯುತ್ತೇನೆ" ಎಂದು ಸೂರ್ಯವಂಶಿ ಆತ್ಮವಿಶ್ವಾಸದಿಂದ ಹೇಳಿದ್ದಾರೆ.
ಕ್ರಿಕೆಟ್ ಲೋಕದ ಹೊಸ ಸಂಚಲನ
ವೈಭವ್ ಸೂರ್ಯವಂಶಿ ಈಗಾಗಲೇ ಹಲವು ಸ್ಮರಣೀಯ ಇನಿಂಗ್ಸ್ಗಳನ್ನು ಆಡಿರುವುದರಿಂದ ಈ ಮೈಲಿಗಲ್ಲನ್ನು ತಲುಪುವ ಎಲ್ಲಾ ಸಾಮರ್ಥ್ಯವನ್ನು ಹೊಂದಿದ್ದಾರೆ. ಅಂಡರ್-19 ವಿಶ್ವಕಪ್ ಫೈನಲ್ನಲ್ಲಿ 175 ರನ್ ಹಾಗೂ ಬಿಹಾರ ತಂಡದ ಪರ ವಿಜಯ್ ಹಜಾರೆ ಟ್ರೋಫಿಯಲ್ಲಿ 190 ರನ್ ಗಳಿಸಿ ಮಿಂಚಿದ್ದಾರೆ. ಟಿ20 ಕ್ರಿಕೆಟ್ನಲ್ಲಿ ಅವರ ಗರಿಷ್ಠ ಸ್ಕೋರ್ 144 ರನ್ ಆಗಿದೆ. ಅವರ ಈ ಆಕ್ರಮಣಕಾರಿ ಬ್ಯಾಟಿಂಗ್ ಶೈಲಿಯು ಭಾರತದ ಪ್ರಮುಖ ಯುವ
