15 ವರ್ಷದ ಈ ಬಾಲಕ ತಾನು ಸಾಮಾನ್ಯನಲ್ಲ, ತನ್ನನ್ನು ನಿರ್ಲಕ್ಷಿಸುವಂತಿಲ್ಲ ಎಂಬುದನ್ನು ಕ್ರಿಕೆಟ್ ವಿಶ್ವದ ಮುಂದೆ ಮತ್ತೊಮ್ಮೆ ಸಾರಿದ್ದಾನೆ. ಯಾಕೆಂದರೆ ವೈಭವ್ ಸೂರ್ಯವಂಶಿ ಎಂಬ ಹುಡುಗ ಈ ಬಾರಿ ಬೆವರಿಳಿಸಿದ್ದು ಪ್ರಸ್ತುತ ವಿಶ್ವದಲ್ಲಿಯೇ ಅತ್ಯುತ್ತಮ ವೇಗಿ ಎಂದೇ ಹೆಸರುವಾಸಿಯಾಗಿರುವ ಜಸ್ಪಿತ್ ಬುಮ್ರಾಗೆ! ತಾನೆದುರಿಸಿದ ಬುಮ್ರಾ ಅವರ ಮೊದಲ ಎಸತವನ್ನೇ ಸಿಕ್ಸರ್ ಗಟ್ಟಿದ ವೈಭವ್ ಕೇವಲ 14 ಎಸೆತಗಳಲ್ಲಿ ಹೊಡೆದದ್ದು 39 ರನ್! ಹೊಡೆದದ್ದು 5 ಸಿಕ್ಸರ್, 1 ಬೌಂಡರಿ. ಅದರಲ್ಲಿ 2 ಸಿಕ್ಸರ್ ಬುಮ್ರಾಗೆ! ಅವರು ಹಾಕಿಕೊಟ್ಟ ಬುನಾದಿಯ ಮೇಲೆ ರನ್ ಹೊಳೆಯನ್ನೇ ಹರಿಸಿದ ರಾಜಸ್ಥಾನ ರಾಯಲ್ಸ್ ತಂಡ ಮುಂಬೈ ಇಂಡಿಯನ್ಸ್ ತಂಡವನ್ನು 27 ರನ್ ಗಳಿಂದ ಪರಾಭವಗೊಳಿಸಿತು. ಈ ಮೂಲಕ ಈ ಸೀಸನ್ ನಲ್ಲಿ ಹ್ಯಾಟ್ರಿಕ್ ಜಯ ಸಂಪಾದಿಸಿತು. ಜೊತೆಗ ಆಡಿರುವ 3 ಪಂದ್ಯಗಳಿAದ 6 ಅಂಕ ಕಲೆಹಾಕಿ ಐಪಿಎಲ್ ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೇರಿತು.ಗುವಾಹಟಿಯ ಬಾರ್ಸಾಪರ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಪಂದ್ಯ ಮಳೆಯಿಂದ ಅಡಚಣೆಗೊಳಗಾದ ಕಾರಣ 11 ಓವರ್ ಗಳಿಗೆ ಇಳಿಸಲ್ಪಟ್ಟಿತ್ತು. ಮೊದಲು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ ರಾಯಲ್ಸ್ ತಂಡ 3 ವಿಕೆಟ್ ಕಳೆದುಕೊಂಡು 150 ರನ್ ಕಲೆ ಹಾಕಿತು. ಈ ಮೊತ್ತವನ್ನು ಬೆಂಬತ್ತಿ ಹೊರಟ ಮುಂಬೈ ನಿಗದಿತ ಓವರ್ ಗಳು ಮುಗಿಯುವುದರೊಳಗಾಗಿ 9 ವಿಕೆಟ್ ನಷ್ಟಕ್ಕೆ 123 ರನ್ ಗಳಿಸಲಷ್ಟೇ ಶಕ್ತವಾಯಿತು.ವೈಭವ್- ಬುಮ್ರಾ ಮುಖಾಮುಖಿ ಇದಾದ ಬಳಿಕ 2ನೇ ಓವರ್ ನಲ್ಲಿ ವೈಭವ್ ಸೂರ್ಯವಂಶಿ ಮತ್ತು ಜಸ್ಪಿತ್ ಬುಮ್ರಾ ಮುಖಾಮುಖಿ ಆದರು. ಈ ಪಂದ್ಯಕ್ಕೂ ಮುನ್ನ ಇದು ವೈಭವ್ ಗಿs ಬುಮ್ರಾ ಅವರ ನಡುವಿನ ಜಟಾಪಟಿ ಎಂದೇ ಬಣ್ಣಿಸಲಾಗಿತ್ತು. ಬುಮ್ರಾ ಅವರು ಮಿಡಲ್ ಮತ್ತು ಲೆಗ್ ಸ್ಲಾಟ್ ನಲ್ಲಿ ಹಾಕಿದ ಚೆಂಡನ್ನು ವೈಭವ್ ಲಾಂಗ್ ಆನ್ ಕಡೆಗೆ ಸಿಕ್ಸರ್ ಗೆತ್ತಿದರು. ಈ ವೇಳೆ ಬುಮ್ರಾ ಮುಖದಲ್ಲಿ ಕಿರು ನಗೆ. 4ನೇ ಎಸೆತವನ್ನು ಬುಮ್ರಾ ಅವರು ಆಫ್ ಸ್ಟಂಪಿನ ಹೊರಗೆಸೆದಾಗ ವಿಚಲಿತರಾಗದ ವೈಭವ್ ಅದನ್ನು ಡೀಪ್ ಸ್ಕೇರ್ ಲೆಗ್ ಕಡೆಗೆ ಭರ್ಜರಿ ಸಿಕ್ಸರ್ ಎತ್ತಿದರು.ನಾಯಕ ರಿಯಾನ್ ಪರಾಗ್ ಅವರು 10 ಎಸೆತದಲ್ಲಿ 1 ಬೌಂಡರಿ ಮತ್ತು 2 ಸಿಕ್ಸರ್ ಸಿಡಿಸಿ 20 ರನ್ ಗಳಿಸಿದರು. ಅಜೇಯ ಅರ್ಧಶತಕ ಬಾರಿಸಿದ ಯಶಸ್ವಿ ಜೈಸ್ವಾಲ್ ಅವರು ಅರ್ಹರಾಗಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.
